ዜና ዕረፍት ሊቀ ትጉሃን መሪጌታ ገብረ መስቀል መሪጌታ ገብረመድኅን

Aug 16, 2020

ሊቀ ትጉሃን መሪጌታ ገብረ መስቀል መሪጌታ ገብረ መድኅን “ወበጽሐኒ ዕድሜየ ለአዕርፎ በድርየኒ ፈጸምኩ ወሃይማኖትየኒ ዓቀብኩ እንከሰ ጽንሑ ሊተ አክሊለ ጽድቅ ዘየአስየኒ እግዚአብሔር” ብዝበሎ መሠረት ትማሊ 09 ነሓሰ 2012 ዓ.ም. (18/08/2020 ዓ.ም.) ካብዚ ዓለም’ዚ ናብ ዘይትኃልፍ ዓለም ግዒዞም። 2ይ ጢሞ. 4፡6-7.

ሊቀ ትጕሃን መሪጌታ ገብረ መስቀል ወዲ 7 ዓመት ምስኮኑ መንፈሳዊ ትምህርቲ ኣብ እግሪ ወላዲኦም ብምዃን ፊደል ድኅሪ ምቑጻር ግብረ ዲቁናን ኣቋቋምን ተማህሩ ብዝነበሮም ብልሒ ገና ኮተቴ ከለዉ ማኅሌት መሪሖም ይቆሙ ከም ዝነበሩ እዩ ዝንገረሎም።

ማኅበረ ሓዋርያት ፍሬ ሃይማኖት ምስ ቆመ በቲ ማኅበር ተሓርዮም፡ ናብ ኣሥመራ ብምጻእ ኣብ ደብረ ግዕዛን መድኃኔ ዓለም ቤተ ክርስቲያን ገዛ ባንዳ ብቐዋምነት ተቖጺሮም ቅድምን  ድኅርን ጥሮታ ንልዕሊ 70 ዓመታት ኣብቲ ደብርን ኣብ ናይ ማኅበረ ሓዋርያት ኣብያተ ክርስቲያናትን ከምዘገልገሉ ይፍለጥ።

ክቡር ሊቀ ትጉሃን ኣብ ክብረ በዓላት ኣብያት ክርስቲያናትን ኣድባራትን ሃገርናን ወጻእን እናተረክቡ ብእግዚአብሔር ብዝተዋህቦም ልዑል ቃለ ድምጽ ጸሎተ ማኅሌት ተጀሚሩ ክሳብ ዝፍጸም ድምቀት እናሃቡ ብትግሃት ዘገልግሉ ዝነበሩ ናይ ቤተ ክርስቲያን ብርሃን ሊቅ እዮም ነይሮም።

እንተ ኮነ ግና ብዝሓደሮም ሕማም ሎሚ ዕለት 10 ነሐሰ 2012 ዓ.ም. (15/08/2020 ዓ.ም.) ኣብ ታቦተ ዓዶም ጽየን ቅድስት ማርያም ቤተ ክርስቲያን ሓመድ ኣዳም ለቢሶም።

ኣብቲ ሥነ ሥርዓት ቀብሪ ብዙኃት ሊቃውንተ ቤተ ክርስቲያን ውሉደ ክህነትን ምእመናንን ምእመናትን ከም ዝተረኽቡ ጸብጻብ የረድእ። ንቀጻሊ ታሪኽ ሕይወቶም ብሰፊሕ ክገልጽ ምዃኑ ንሕብር።

Ad Right

ዘመነ ማርቆስ 15 መስከረም 2014 ዓ.…

September
Saturday
25
ፍልሰተ ሥጋሁ ለእስጢፋኖስ፡ ወአባጴጥሮስ። ዘቅዳሴ ምንባብ መልእክታት ቈላ.1፡1-10 ያዕ. 5፡13-ፍጻሜ ግብረ ሓዋርያት ግብ. ሐዋ. 6፡7-ፍጻሜ ምስባክ መዝ. 127/128 ወንጌል ዮሐ. 15፡12-19 ቅዳሴ ቅዳሴ ዘወልደ ነጐድጓድ። * * *
00:00 h