ገለ ካብ ንጥፈታት ቤት ትምህርተ ሰንበት

Nov 18, 2016

ቤት ትምህርተ ሰንበት፡ መንእሰያት ደቂ ቤተ ክርስቲያን ብመንፈሳዊ ትምህርትን ሥነ ምግባርን ተዀስኲሶም ብጥበብን ምስትውዓልን ዝዓብዩሉን፡ ፍቕሪ እግዚአብሔርን ፍቕሪ ሰብን ኃዲርዎም’ውን ኣሰር ቅዱሳን ኣቦታቶም እናሰዓቡ ቅድስት ቤተ ክርስቲያኖም ዘገልግልሉን ዝፈልጥሉን ኣካል ቤተ ክርስቲያን እዩ። 

እዚ ዕላማ’ዚ ብዝተፈላለዩ መርሐ ግብር ንጥፈታት ትምህርቲ ሰንበት ተግባራዊ ይኸውን።

• ኣብ መርሐ ግብር ትምህርቲ ሰንበት፡ ብመንገዲ ሥነ ጽሑፍ፡ መንፈሳዊ ተዋሥኦ፡ ምዕዶ ወዘይመስሎ ትምህርቲ ኪወሃብ ዝከኣል እኳ እንተኾነ፡ ቀንዲ ክፋል መርሐ ግብር ኮይኑ ዝረአን ኣተኩሮ ተዋሂብዎ ተመሃሮ ብተገዳስነት ኪከታተልዎ ዚግባእን መደብ ግና ስብከተ ወንጌል ኪኸውን ይግባእ።

• ኣብ ሓደ ጉባኤ ትምህርተ ሰንበት ዚሥራዕ መደባት ብሓፈሻዊ ገምጋም ልዕሊ 50% ኣብ ትምህርተ ሃይማኖት ዘተኮረ ከምኡ’ውን ምሥጢርን ባህልን (ኣበሃህላን) ኦርቶዶክስ ተዋሕዶ ሃይማኖት ኣጕሊሑ ዜርኢ ኪኸውን ይግባእ።

• ቅድስት ቤተ ክርስቲያንና ብመንፈሳዊ ሥነ ጽሑፋትን ሥነ ጥበባትን ሃብታም ከም ምዃና መጠን፡ ዝኾነ ዓይነት ኣብ ጉባኤ ዚቐርብ ፍርያት ሥነ ጥበብ ብዅሉ መምዘኒታቱ (ትኅዝቶኡን ፡ መልእኽቱን፡ መንፈሱ፡ ቅርጹን ኣቀራርባኡን ፍጹም ኦርቶዶክሳዊ ጠባያትን ባህርያትን ዝተላበሰ (ትምህርተ ሃይማኖትን ሥርዓተ ኦርቶዶክስ ተዋሕዶ ቤተ ክርስቲያንን ዝተኸተለ፡ ባህልን ትውፊትን ኦርቶዶክሳዊት ተዋሕዶ ቤተ ክርስቲያን ዝዓቀበ) ኪኸውን ይግባእ።

• ኣብ ጉባኤያት ኣብያተ ትምህርተ ሰንበት ንመጽሓፍ ቅዱስ፡ ጥንታውያን መጻሕፍተ ሊቃውንትን ኣዋልድ መጻሕፍትን ታሪኽ ቤተ ክርስቲያን ኤርትራን መሠረት ገይሮም ወይ’ውን ተተርጕሞም ዚቐርቡ ፍርያት ሥነ ጥበብ ዝያዳ ክተባብዑ ኣለዎም።

• ኣብ መደባት ቤት ትምህርተ ሰንበት ዚዝመር መዝሙር ያሬዳዊ ዜማ ዘለዎን ናይ ኦርቶዶክስ ተዋሕዶ ሃይማኖት ምሥጢርን ባህልን (ኣበሃህላን) ኣጕሊሑ ዘርእን ከምኡ’ውን ብመሠረት ሥርዓት ቤተ ክርስቲያንን ሥርዓተ ትምህርቲ ትምህርተ ሰንበትን ምስቲ እዋን ብዚሰማማዕ ኣገባብ ዝተመርጸን ኪኸውን ኣለዎ።

• ኣብ ሓደ ጉባኤ ብመዘምራን ዚቐርብ መዝሙር ነዚ ዚስዕብ ረቛሒ ከማልእ ይግባእ።
1. ብመጀመርታ ዚዝመር መዝሙር ስብሐተ እግዚአብሔር ዚነግር፡ ነገረ መለኮት ዝኃዘለ ወይ’ውን ብዛዕባ ፍቕርን ግብርን ጐይታናን ኣምላኽናን መድኃኒናን ኢየሱስ ክርስቶስ ዚገልጽ ኪኸውን ይግብኦ።
2. ካልኣይ ዚዝመር ድማ ንኽብሪ ቅድስት ድንግል ማርያም ዚገልጽ ኪኸውን ይግብኦ።
3. ብሣልሳይ ደረጃ ኸኣ ክብርን ኣማላድነትን ቅዱሳን ዚገልጽ ኮይኑ ምስቲ በዓላት ናይቲ እዋን ዚሳነ ኪኸውን ይግብኦ። ኣብ ዓበይትን ንኡሳንን በዓላት ጐይታ ዝያዳ ነቲ በዓል ዚምልከት ይዝመር።

• ከምኡ’ውን ብዘይካ ዝሽብሸቡ መዛሙር፡ ያሬዳዊ ዜማታቶም ሓልዮም ናይ ንስሓ ትኅዝቶ ዘለዎም መዛሙር ብግእዝ ወይ’ውን ብቋንቋ ትግርኛ ኮነ ከምቲ ናይቲ ኣማኒ ዝነብረሉ ኣከባቢ ብኻልእ ቋንቋ ይዝመር እዩ። ዜማኡ ግና ያሬዳዊ ኪኸውን ኣለዎ።

• ቤተ ክርስቲያንና ብመንፈሳዊ ዜማ (ማኅሌት፡ ሰዓታት፡ ወዘይመስሎ) ሃብታም ከም ምዃና መጠን፡ ነዚ ሃብቲ’ዚ ተመሃሮ ቤት ትምህርተ ሰንበት፡ በብደረጃኡን በብዓቕሞምን ኣብ ጉባኤያቶም መደባት ሠሪዖም ብዝተመስከረሎም መምህራን ከጽንዕዎን ክዝምርዎን ይግባእ።

• ኣብ ቅዱሳት መጻሕፍቲ ዝተጠቕሱን ክሳዕ ሕጂውን ቤተ ክርስቲያን ክትጥቀመሎም ዝጸንሐትን ዘላን መንፈሳዊ ተመስጦ ዘለዓዕሉ ንዋያተ መዝሙር ምስቲ ቅኒትን ድምፅን መዝሙር እናሰማምዑን እናወሓዱን ክጥቀሙ ይኽእሉ።
1. ኣብ ውሽጢ ቤተ ክርስቲያን ፦ ከበሮ ጸናጽልን መቐሚያን።
2. ኣብ ዐፀደ ቤተ ክርስቲያንን ድኅረ ዑደት ዘክብረ በዓላት ኣብ ዓውደ ምሕረት ዚቐርብን፦ ከበሮ ጸናጽልን መቐሚያን፣ በገና፡ መሰንቆ፡ መለኸት፡ ሻምብቆ፡ እንዚራ (ባህላዊ ክራር)ን እዮም።
3. ኣሠራርሓ እዞም ንዋያተ መዝሙር፡ ጥንታውነትን ባህልን ቤተ ክርስቲያንና ዚሓለዉ ኪኾኑ ይግባእ። ዘመናዊ መሣርሒ ሙዚቃ ኣብ ቤተ ክርስቲያን ምጥቃም ፈጺሙ ኣይፍቀድን እዩ።

ብሓፈሻ ምእንቲ ምሥጢር ትምህርቲ ቤተ ክርስቲያን ከይፋለስ፡ እቲ ብቤት ትምህርተ ሰንበት ብዝተፈላለየ ዓይነትን መንገድን ንኅትመትን ንዝርግሐን ዚቐርብ ዝኾነ ዓይነት ፍርያት ሥነ ጥበብ (ሥነ ጽሑፍ፡ መንፈሳዊ ተዋሥኦ፡ ሥነ መዝሙር፡ ሥነ ቅርጻ ቅርጽን እደ ጥበብን . . . ወዘይመስሎ) ንዝተመስከረሎም መምህራን ሊቃውንት ዘሳተፈን፡ ብጉባኤ ሊቃውንቲ ዝተመርመረን ዝረትዐን ኪኸውን ይግባእ። 

ኣብያተ ትምህርተ ሰንበትና ብሃይማኖትን ፍቕርን ይሓልወልና!

ወስብሐት ለእግዚአብሔር!
ምንጪ፦ መምርሒ ትምህርቲ ሰንበት
መንበረ ፓትርያርክ ኦርቶዶክስ ተዋሕዶ ቤተ ክርስቲያን ኤርትራ

ዘመነ ዮሐንስ 16 የካቲት 2012 ዓ.…

February
Monday
24
ዝክር፦ ዕረፍታ ለኤልሳቤጥ እሙ ለዮሐንስ መጥምቅ፡ ወበዓለ እግዝእትነ ማርያም በዘነሥአት ኪዳነ። ዘቅዳሴ ምንባብ፦ ገላ. 3፡17-ፍጻሜ። 2ይ ዮሐ. 1፡1-7። ግብ. ሐዋ. 1፡12-14። ምስባክ፦ መዝ. 88/89 ዓዲ መዝ. 67/68 ወንጌል፦ ሉቃ. 1፡39-56። ቅዳሴ፦ ዘ፫፻ት ግሩም። * * *
00:00 h
Ad Right

  

ዜና ኅትመት

እዋናዊ ጽሑፋት

ኪዳነ ምሕረት

ኪዳን ፦ “ተካየደ” ካብ ዝብል ግእዛዊ ግሢ ዝወፅአ ኾይኑ፡ “ተመሓሓለ፡ ተሰማምዐ፡ ተወዓዓለ” ማለት እዩ። ኪዳን፥ ንኽልተ ሓደ ዝገብር ናይ ፍቕርን...

ቀዳማይ ሰንበት ዓቢይ ጾም፡ ዘወረደ 

ቀጥታዊ ትርጕሙ ‘ዝወረደ’ ማለት እዩ። እዚ ድማ ምእንቲ ድኅነተ ዓለም፡ ካብ ሠለስተ ኣካል ሓደ ኣካል እግዚአብሔር ወልድ ብፍሉይ ኣካሉ ካብ...

ዓቢይ ጾም

ሓደ ካብ ሾብዓተ ናይ ኣዋጅ ኣጽዋማት ዓቢይ ጾም እዩ። እዚ ጾም እዚ ፈጣሬ ሰማያትን ምድርን፡ ጐይታ ጐይቶትን ኢየሱስ ክርስቶስ ድኅሪ...

ዓቢይ ጾም፡ ካብ ሰኑይ 16 የካቲት ክጅመር እዩ!

ብኦርቶዶክስ ተዋሕዶ ቤተ ክርስቲያን ሕገ ቀኖና፡ ኣብ ዓመት 7ተ ናይ ኣዋጅ ኣጽዋማት ኣለዉ። ነዞም ኣጽዋማት ኵሉ ክርስቲያን ክጾሞም ኣብ ፍትሓ...

ኪደት መንፈሳዊ ኮሌጅ ደብረ ሲና ቅድስት ሥላሴ ተገምጊሙ!

12 የካቲት 2012 ዓ.ም.ግ (20 የካቲት 2020 ዓ.ም.)፡ ኪደት መንፈሳዊ ኮሌጅ ደብረ ሲና ቅድስት ሥላሴ ዝግምግም ጉባኤ፡ ብፁዓን አቦታትን ኣባላት...

ሓዋርያ ቅዱስ ያዕቆብ ወልደ እልፍዮስ

ያዕቆብ ማለት አኀዜ ሰኰና አዕቃጺ (ሓንኳሊ) ማለት እዩ። ነገዱ ካብ ነገደ ጋድ ሃገረ ስብከቱ ኢየሩሳሌም ዕረፍቱ 10 የካቲት ቍጽሩ ካብ...

አዋጅ ምህላ ጾመ 40 ኣብ ኵለን ኣብያተ ክርስቲያናት

“ቀድሱ ጾመ ወስብኩ ምህላ/እትጾሙሉ እዋን ፍለዩ ምህላ’ውን ኣውጁ” ኢዩ. 1፡14 ብኦርቶዶክሳዊት ተዋሕዶ ቤተ ክርስቲያን ሕገ ቀኖና ኣብ ዓመት ካብ ዘለዉ ሾብዓተ...

ሠራሕተኛታት ቤት ጽሕፈት መንበረ ፓትርያርክ ናብ ገዳም ደብረ ጥሉል አቡነ…

05 የካ 2012 ዓ.ም.ግ (13 የካ 2020 ፈ.) ሠራሕተኛታት ቤት ጽሕፈት መንበረ ፓትርያርክ ናብ ገዳም ደብረ ጥሉል አቡነ አብራንዮስ (እንዳ...

በዓለ ስምዖን ኣረጋዊ - 8 የካቲት

ጐይታናን መድኃኒናን ኢየሱስ ክርስቶስ ካብ ቅድስት ድንግል ማርያም ነፍስን ሥጋን ተዋሒዱ ምስ ተወልደ፡ ሕጊ መጽሓፋዊ ንምፍጻም ኣብ 40 መዓልቱ፡ መሥዋዕቲ...

ክብረ በዓል ገዳም አቡነ እንድርያስ ሰፍኣ ተኸቢሩ!

ዓመት መጸ 1 የካቲት ዝበዓል ዝክረ ዕረፍቲ ኣቡነ እንድርያስ ሎሚ ዓመት 2012 ዓ.ም. እውን ብዓቢይ መንፈሳዊ ክብሪ ተኸቢሩ! ኣብዚ ክብረ በዓል...

ዕለታት ጾመ ነነዌ

ጾመ ነነዌ ሓደ ካብቶም 7ተ ናይ ኣዋጅ ኣጽዋማት ቤተ ክርስቲያን እዩ። ጾመ ነነዌ ኵል ሳዕ ዓቢይ ጾም ቅድሚ ምእታዉ ቅድሚ...

ንዑ ደቂቅየ ወስምዑኒ . . እመሀርክሙ - ታሪክ ሰብአ ነነዌ…

እግዚአብሔር ዝፈትወኩም ሕፃናት ከመይ ኣሎኹም፧ ናብዚ ሰዓትን እዝን ዕለትን ብሰላም ዘብጸሓና እግዚአብሔር ዝኸበረን ዝተመስገነን ይኹን። ልበ ኣምላክ ኣቦና ቅዱስ ዳዊት...

  

latest articles

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...

Fast of the Prophets (Advent)

15th November (geez calander), marks the first day of the Advent Fast, a period of abstinence and penance practiced by...

FASTING

Fasting is abstinence from all things that a body needs, and one has to fast from animal products and from...

The Eritrean Orthodox Tewahdo Church (EriOTC)

In the name of the Father, and of the Son, and of the Holy Spirit, One God. “We call our...

Holy of Holies Our Lady, the virgin Mary

The word holy (kidus) in Geez denotes being special, pure and esteemed. This prefix is an attribute to denote the...

HOLY SCRIPTURES (part one)

All Scriptures are written with the inspiration of the Spirit of God or the breath of God. They are also...