ቃኤልን ኣቤልን 

Jun 07, 2018

ቀዳሞት ሰባት ኣዳምን ሔዋንን “ፍረዩን ብዝኁን፡ ንዓለም ድማ ምልእዋ” ኢሉ እግዚአብሔር መሪቑዎም ኣብ ገነት ይነብሩ ነበሩ። ምስ በደሉ ግና እግዚአብሔር ካብ ገነት ኣውፂኡ ኣብ ማዕዶኣ ዝርከብ ደብረ ቅዱስ ዝተባህለ ቦታ ሰደዶም። ናብ ገነት ከይቀረቡ ብማዕዶ ኮይኖም ሚእቲ ዓመት ዝኣክል በኸዩን ተነስሑን። ብድኅር’ዚ ልዑል እግዚአብሔር ንስሓኦም ተቐቢሉ ተስፋ ድኅነት ሃቦም።

ዝተዋህቦም ትእዛዝ ብምፍራሶም ካብ ገነት ተሰጕጎም ምስ ወፅኡ፥ “መከራኽን ጻዕሪ ፅንስኽን ኣዝየ ኸብዝኆ እየ። ስለዚ’ውን ደቂ ብጻዕሪ ክትወልዲ ኢኺ።” ተባሂሉ ብዝተነግራ መሠረት፡ ሔዋን ፀነሰት እሞ ንቃኤልን ማንታኡ ሉድን ወለደት። ቀጺላ’ውን ንኣቤልን ማንቱኡ ኣቅሌማን ወለደት።

እዞም ክልተ ኣኅዋት እዚኣቶም ምስ ዓበዩ፡ ቃኤል ንመሬት ሓሪሱ እኽሊ ዘፍሪ ሓረስታይ ክኸውን ከሎ፡ እቲ ንእሽቶ ኣቤል ድማ ጓሳ ኣባጊዕ ኮነ። መነባብሮ ሕይወቶም ከምዚ ኢሉ ምስ ማሕረስን መጓሰን ተተኃኂዙ ቀጸለ።

ካብ ዕለታት ሓደ መዓልቲ ኣዳም ንሰበይቱ ሔዋን ጸዊዑ፦ “ኃፍተይ ሔዋን! ደቅና ዓቢዮም እንተ ኣመርዓናዮም እንታይ ይመስለኺ፧” ክብል ሓተታ። ንሳ’ውን “ኃወይ ኣዳም ከምዝበልካዮ ይኹን። እቲ ሓሳብካ ጽቡቕ እዩ እሰማማዕ እየ” በለቶ።

ብድኅር እዚ ኣዳም ብሓደ ዝተወልዱ ኣኅዋት ከመራዓዓዉ ከምዘይግባእ ብሕገ ልቦና ተረዲኡ “እታ ማንታ ቃኤል ዝኾነት ሉድ ንኣቤል፡ እታ ማንታ ኣቤል ዝኾነት ኣቅሌማ ድማ ንቃኤል ትኹን” በለ። ቃኤል ቀናእ ስለዝነበረ በዚ ዝተገብረ ኣይተሓጐሰን፣ ምኽንያቱ ማንታኡ ሉድ ነዲኣ ትመስል ምልክዕቲ ነበረት። ብሰንኪ እዚ ቃኤል “እታ ማንታይ ዝኾነት ሉድ ጽብቕቲ ስለዝኾነት ነዓይ ትኩን። ናይ ኣቤል ማንታ ኣቅሌማ ድማ ጽብቕቲ ስለዘይኮነት ንኣቤል ትኩን” ብምባል ንኣቦኡን ኣደኡን ምእዛዝ ኣበየ።

ብድኅርዚ ኣዳም “በሉ መሥዋዕት ናብ እግዚአብሔር ኣቕርቡ። እግዚአብሔር መሥዋዕቱ ዝተቐበለሉ ንሉድ ክምርዖ እዩ” በሎም። ነናቶም መሥዋዕቲ ኂዞም ኣብ ቅድሚ እግዚአብሔር ቀረቡ። ኣቤል ኣዝዩ ብሩኽ፡ መስተውዓሊ፡ ለዋህን ምእዙዝን ስለዝነበረ እግዚአብሔር ንጹሐ ባህርይ እዩ ብምባል ንጹሕ መሥዋዕቲ ካብቲ መጓሰኡ ዓመት ዝገበረ በጊዕ ኣቕረበ። ቃኤል ግና ካብቲ ዝዘርኦ ሥርናይ መሪጹ ዘይኮነስ “እግዚአብሔር ኣይበልዖን እዩ” ኢሉ ብንዕቀት ክርዳድ ዝበዝኆ ረስሓት ዝተሓወሶ መሥዋዕቲ ኣቕረበ። እግዚአብሔር ንጽሕና ልቢ ስለ ዝርኢ፡ ንመሥዋዕቲ ኣቤል ባህ ኢሉዎ ክቕበል ከሎ፡ ብቃኤል ስለ ዘይተሓጐሰ ግን መሥዋዕቱ ኣይተቐበለሉን። ቃኤል፡ ገጹ ጸሎሎ ክሳብ ዝኽደን ኣዝዩ ጐሃየ። ኣብ ልዕሊ ኃዉ ኣቤል’ውን ክቱር ጽልኢ ኣኅደረ። እግዚአብሔር ግና ክጠፍእ ስለ ዘይደለዮ ጸዊዑ “ንምንታይ ገጽካ ጸሊሙ ጽቡቕ እንተትገብር ከም ኃውኻ ኣቤል ገጽካ ምበርሀ ነይሩ፣ ኃጢኣት ትስዕበካ ኣላ’ሞ መንገዲ ኣይትሃባ” ኢሉ መዓዶ። ቃኤል ግና ተመኺሩ ዝምለስ ስለ ዘይነበረ፡ ኣብ ክንዲ ብቅኑዕ ልቦና ኣምላኸይ እወ ጽቡቕ ኣይሠራሕኩን፡ ድኅሪ ሕጂ እንታይ ክገብር ይግብኣኒ፧ ዝብል እቲ ናቱ ቁጥዐ መመሊሱ ገደደ።

ብድኅር’ዚ ቃኤል እናኃዘነ ክኸይድ ከሎ ሰይጣን ኣብ መንገዲ ረኸቦ እሞ ፈታዊ መሲሉ “ቃኤል ስለምንታይ ትኃዝን፧” በሎ። ቃኤል ድማ ኵሉ ዘጋጠሞ ነገሮ። ሰይጣን ድማ “ንኃውኻ ቅተሎ። ብዽኅር’ዚ ዋላ ንኽልቲአን ኣንስትኻ ትገብረን” ብምባል ክፉእ ምኽሪ መኸሮ። ኣብቲ ጊዜ’ቲ ሞት ይፍለጥ ስለዘይነበረ ብግብሪ ምቕታል ከምዝከኣል ኣርኣዮ። ቃኤል ድማ ከምዚ ኸኣ ይከኣል እምበኣር እዩ ኢሉ ምስ ሓሳብ ሰይጣን ተሰማምዐ።

ካብ ዕለታት ሓደ መዓልቲ ንኃው ኣቤል ጸዊዑ ናብ በረኻ ንኪድ ንዛወር በሎ። ድኅሪ ዙረት ጠምዮም ኮፍ ኢሎም በልዑ። ድኅሪ ምብልዖም ማይ ንኽሰትዩ ብሓንሳብ ናብ ሩባ ወረዱ። ንኸምስል ብመጀመርታ ቃየል ሰትዩ ብድኅሪኡ ንኣቤል ‘ስተይ’ በሎ። ኣቤል ድማ ንኽሰትይ ድንን ምስ በለ ቃኤል ዓቢይ እምኒ ኣልዒሉ ብምህራም ንኃዉ ኣቤል ቀተሎ። ሞት ናይ ደቂ ሰባት መጀመርያ ዝተራእየ ቃኤል ንኣቤል ድኅሪ ምቕታሉ እዩ።

በዚ ጊዜ’ዚ እግዚአብሔር “ቃኤል ቃኤል ኃውኻ ኣቤል ኣበይ ኣሎ፧” በሎ። ቃኤል ግና ብትዕቢት “ኣነ እንታይ ይፈልጥ ናይ ኃወይ ኣቤል ሓላዊ ድየ፧” ክብል መለሰ። እግዚአብሔር ድማ ኣብ ምሉእ ዘመንካ ፈራሕ፡ ሰምባድን ድሁልን ኩን፣ በዚ ዝፈጸምካዮ ኃጢኣት “ርጉም ኩን” ኢሉ ረገሞ። ቃኤል፡ ስለ ዝተጨነቐ ካብ እግዚአብሔር ክሃድም ኢሉ ካብ ደብረ ቅዱስ ወፂኡ ናብ ምድረ ፋይድ ከደ። ‘ፋይድ’ ማለት ምድሪ ፍርሕን ስምባደን ቦታ ውርደትን መርገምን ማለት እዩ። ቃኤል ድማ ኣብዚ ቦታ’ዚ ሰምባድን ባህራርን ኮይኑ ተቐመጠ።

ፍቁራት ሕፃናት፡ ከም ቃኤል ቀናኣትን ርጉማትን ዘይኮነስ፣ እግዚአብሔር ከም ኣቤል ለዋሃት ስለዝፈቱ ለዋሃት ኽንከውን ኣዴና ቕድስት ቤተ ክርስቲያን ትምህረናን ትመኽረናን።

መወከሲ፥ ዘፍ. 3፡16፣ ዘፍ. 4፡17፣ ዘፍ. 5፡4፣ ኩፋሌ 5፣ ትርጓሜ ኦሪት ዘፍጥረት

ወስብሐት ለእግዚአብሔር ወለወላዲቱ ድንግል ወለመስቀሉ ክቡር!

Ad Right

ዘመነ ማርቆስ 15 መስከረም 2014 ዓ.…

September
Saturday
25
ፍልሰተ ሥጋሁ ለእስጢፋኖስ፡ ወአባጴጥሮስ። ዘቅዳሴ ምንባብ መልእክታት ቈላ.1፡1-10 ያዕ. 5፡13-ፍጻሜ ግብረ ሓዋርያት ግብ. ሐዋ. 6፡7-ፍጻሜ ምስባክ መዝ. 127/128 ወንጌል ዮሐ. 15፡12-19 ቅዳሴ ቅዳሴ ዘወልደ ነጐድጓድ። * * *
00:00 h

  

ዜና ኅትመት

እዋናዊ ጽሑፋት

ሓድነታዊ ጉባኤ ሓድሽ ዝተመርጸ ምምሕዳር ሰበካ ጉባኤን ምእመናን ኣባላት ሰበካ…

መሪሕነት ኣባላት ሰበካ ጉባኤ መድኃኔ ዓለም ኦርቶዶክስ ተዋሕዶ ቤተ ክርቲያን ኤርትራ (ሉሳካ) ከምኡውን ምእመናን ምእመናት ነበርቲ ሃገረ ዛምብያ ብማእከልነት ቀሲስ...

ጉባኤ ማኅበር መላእ ኣብያተ ክርስቲያናት ኣፍሪቃ ኣብ ሃገረ ዛምብያ ይካየድ…

ብማኅበር መላእ ኣብያተ ክርስቲያናት ኣፍሪቃን(AACC) ብኣኣንጋድነት ቤት ምኽሪ ኣብያተ ክርስቲያናት ዛምብያ (CCZ) ተወዲቡ፡ ኣብ ዛዕባ ሕዝባዊ ዕዳን ብልሽውናን ምቁጽጻር ከምኡ’ውን...

ጉባኤ ኤፌሶን (431 ዓ.ም.) 1ይ ክፋል

ዝቐደመ ጉባኤታት ኣብ ምሥጢረ ሥላሴ ንዝተላዕለ ኑፋቄታት፣ ብፍላይ ብተመሃሮ ቤት ትምህርቲ አንጾኪያ፣  መልሲን ግቡእ መግትኢ ዝኸውን ውግዘትን ኣቐሚጡ ነበረ። ብድሕሪ...

በዓለ ሥእል ዘጼዴንያ

ብመሠረት ትምህርቲ ቅድስት ቤተ ክርስቲያን ካብ ቅዱሳት ኣሣእል ብዙኅን ዓቢይን ጥቕሚ ይርከብ። ኣብ ቅዱሳት መጻሕፍቲ ዝርከቡ ትምህርትታትን ታሪኻትን ብሥእላዊ ኣገላልጻ...

በዅሪ ጽምብል ሥነ ሥርዓት መመረቕታ ኮለጅ ነገረ መለኮት ደብረ ሲና…

ኮለጅ ነገረ መለኮት ደብረ ሲና ቅድስት ሥላሴ ዘኦርቶዶክስ ተዋሕዶ ቤተ ክርስቲያን ኤርትራ፡ ብመዓልታውን ምሸታውን መርሐ ግብር ክምህሮም ካብ ዝጸንሐ ተማሃሮ፡...

“ነቢይ ኢሳይያስ”

ነቢይ ማለት ፡ መንፈስ ትንቢት ኃዲርዎ ብዛዕባ ዚመጽእ ትንቢት ዚንበ፣ ብዛዕባ ዝኃለፈን ዚመጽእን ራእይ ዚርኢ፣ ብዛዕባ ግብረ እግዚአብሔር ኣብ ታሪኽ...

ዜና መዋዕል ካብ ልደት ክሳዕ ግብአተ መሬት መሪጌታ ባራኺ ገብረመድኅን…

በስመ አብ ወወልድ ወመንፈስ ቅዱስ አሐዱ አምላክ! “በድርየኒ ፈጸምኩ ወሃይማኖትየኒ ዐቀብኩ፡ እንከሰ ጽኑሐ ሊተ አክሊለ ጽድቅ ዘየዐሥየኒ እግዚአብሔር ይእተ ዕለተ መኰንነ...

ኣብ ቤት ማኅተም ኮከበ ጽባሕ ንልዕሊ 20 ዓመት ዝሠርሑ መሪጌታ…

ናይ ኤርትራ ኦርቶዶክስ ተዋሕዶ ቤተ ክርስቲያን ቤት ማኅተም ኮከበ ጽባሕ ማኅበረ ሓዋርያት ንልዕሊ 20 ዓመት ዝሠርሑ መሪጌታ በራኺ ገብረመድኅን ኣብ...

እንቋዕ ካብ ዘመነ ማቴዎስ ናብ ዘመነ ማርቆስ ብሰላም ኣሰጋገረናን ኣብጽሓናን!

ዝናም ብመብረቕን ድምፂ ነጐድጓድን ተዓጂቡ ንምድሪ ዘዕለቕልቐሉ ወርኀ ክረምት ኣኅሊፉ፡ ንምድሪ ብልምላሜን ጽጌያትን ኣወቂቡ፡ ናብዚ ሓዲስ ዘመን ንሰጋገረሉ ወርኀ መስከረም...

ካብ ርእሰ ዓውደ ዓመት ክሳዕ ፀአተ ክረምት

1. ካብ ዮሐንስ (መለወጢ ዘመን ) ክሳዕ ዘካርያስ (1 መስከረም ክሳዕ 8 መስከረም) ሓድሽ ዓመት ዝትክኣሉ እዋን ስለዝኾነ ኣብ ልቢ ክርስቲያን...

ቃለ ቡራኬ ርእሰ ዓውደ ዓመት 2014 ዓ.ም.

አቀድም አእኵቶቶ ለእግዚአብሔር በኢየሱስ ክርስቶስ በእንተ ኵልክሙ እስመ ተሰምዓት ሃይማኖትክሙ ውስተ ኵሉ ዓለም። (ሮሜ ፲፩፡፰)/ ኣቐዲመ ንዂልኻትኩም ብኢየሱስ ክርስቶስ ሃይማኖትኩም...

ዜና ዕረፍት ሊቀ ሊቃውንት ኃይለሥላሴ ገብረሚካኤል

 “ኣታ ሕያዋይን እሙንን ኣገልጋሊ . . . ናብ ሓጐስ ጐይታኻ እቶ” (ማቴ. 25፡21) ሊቀ ሊቃውንት ኃይለሥላሴ ገብረሚካኤል ኣብ መበል 90 ዕድሚኦም...

  

latest articles

Transfiguration: (Debre Tabor)

This is the day celebrated on Nehase (August) 13 G.C. in which Our Lord Jesus Christ during his ministry, manifested...

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...