ገብር ኄር ወኒቆዲሞስ መምህር ተስፋሥላሴ ዘርአ እግዚእ

Apr 20, 2021

ቀደምት ሊቃውንት አበው ካብ ዕምቈት ፍልጠትን ምልከት ቋንቋን ዝተላዕለ ብዛዕባ ዝኾነ ኣርእስቲ ንስብሐተ እግዚአብሔር፡ ንነገራት፡ ንጊዜ ፡ ንኵነታት፡ ንሥነ ፍጥረት፡ ንሰብ . . . ኣገላልጻኦም ዕፁብ ድንቂ እዩ። ንምሳሌ ብዛዕባ መምህረ ኣይሁድ ኒቆዲሞስ ናብ ጐይታ ከይዱ ዝተማህሮ ይጥቀስ። (ዮሓ. 3፡1-12)

ሊቅ በዓል ቅኔ ከምዚ ይብል፦ “ረቢ ሰገደ በመንፈቀ ሌሊት ለረቢ፣ አኮኑ አፅባዕት እምነ አፅባዕት የዓቢ” / “ኣብ ፍርቂ ለይቲ መምህረ ኣይሁድ ኒቆዲሞስ ንመምህር ጐይታናን ኣምላኽናን መድኃኒናን ኢየሱስ ክርስቶስ ሰገደ፣ ከመይሲ ሓንቲ ኣፅባዕት ካብ ካልእ ኣፅባዕት ስለትዓቢ” ይብል። እዚ ኣገላልጻ’ዚ ቅኔ ይበሃል። ምሁረ ግእዝ፡ ፈላጥ ቅኔ መምህር ተስፋ ሥላሴ ዘርአ እግዚእ ንቅኔ ክገልጽዎ ከለዉ፦ ‘ፍረ ነገሩ ውሕሉል ክእለት ናይ ዘረባ እዩ’ ይብሉ። መምህር ተስፋ ሥላሴ፡ ኣብ ሰዋስወ ልሳነ ግእዝን ትምህርተ ቅኔን ንነዊኅ ዓመታት ዝተመራመሩ፡ ዝተማህሩን ዝመሃሩን ኣቦ እዮም ነይሮም። መሠረት ሕይወቶም፡ ምንጪ ትምህርቶም ሥድራ ቤቶም እዮም።

መምህር ተስፋሥላሴ፡ ካብ ኣቦኦም መሪጌታ ዘርአ እግዚእ ገብረመድኅን፡ ካብ ኣዲኦም ወይዘሮ ውባ ጊላኡ ብ1911 ዓ.ም.ግ. ኣብ መበቈል ዓዶም ዓዲ ንኣምን ዓንሰባ ተወሊዶም። ዕድሚኦም ንዓቅመ ትምህርት ምስ በጽሑ ኣቦኦም መምህር ጸዋትወ ዜማ ስለዝነበሩ ካብ ፊደል ክሳብ ንመዓርገ ዲቁና ዘብቅዕ ምስ መሃርዎም፡ ካብ ኣቡነ ማርቆስ ጳጳስ ዘኤርትራ መዓርገ ዲቁና ተሠየሙ።

መንፈሳዊ ትምህርቶም ንምዕባይን ኣገልግሎት ቤተ ክርስቲያን ንምስፋሕን ኣብ ብዙኃን መምህራን ኣብ ቀረባን ርኁቅን ብዙኅ ጻምዮም እዮም። ናብ ጎደቦ ዓዶም ደቂ ሸሓይ፡ ናብ ገዳም ደብረ ድኁኃን ኣቡነ ዮናስ ብምኻድ ቅኔ ተማህሩ። ቀጺሎም ናብ ጎጃም ብምኻድ ጾመ ድጓ፣ ንካልኣይ ጊዜ ድማ ቅኔ ተማህሩ። ኣብ ርእሲ መንፈሳዊ ትምህርቶም፡ ኣካዳምያዊ ትምህርቲ ብምድራብ ክሳዕ 12 ክፍሊ ኣብ  መንፈሳዊ ኮሌጅ ቅድስት ሥላሴ (ኣዲስ ኣበባ) ተማሂሮም። ክልተ ዓመት ብመምህርነት ምስ ሠልጠኑ፣ ናይ ግብረ ገብነት (ሥነ ምግባር)፡ ናይ ቋንቋታት ኣምሓርኛን እንግሊዝኛን መምህር ኮይኖም ኣብ ዝተፈላለየ ቦታታት ን20 ዓመታት ምሂሮም። ከም ኒቆዲሞስ ኣብ ሓደ ጊዜ ከም መምህርን ተመሃራይን ብምዃን ትምህርተ ዜማ ኣጽፊፎም ንሣልሳይ ጊዜ ካብ መምህር ጌትየ ገሞራው ብዕምቈት ቅኔን ሰዋስውን ክመሃሩ ከለዉ፡ ቅኔን ባሕረ ሓሳብን ድማ ይምህሩ ነበሩ።  

ብድኀር’ዚ ልሳነ ግእዝን ኣካዳማዊ ትምህርትን ክምህሩ ምስ ካልኣዮም መምህር ሉሌ መላኩ ብንቡረ እድ ድሜጥሮስ ተጸዊዖም ናብ ኣሥመራ ብምምጻእ ኣብ ቅድስት ሥላሴ ኣገልጊሎም። ድኀሪ ቁሩብ ዓመታት ናብ ኢትዮጵያ ምስ ተመልሱ፡ ኣብ ቋንቋ ፍሉይ ክእለትን ተሰጥዎን ስለዝነበሮም ናይ ልሳነ ግእዝን እንግሊዝኛን ኣምሓርኛን መምህር ኮይኖም ንልዕሊ ሠላሳ ዓመት ሠሪሖም። ብ 1991 ዓ.ም.ግ. ኣብ ቅድስት ሥላሴ መንፈሳዊ ኮሌጅ መምህር ልሳነ ግእዝ ኮይኖም እናሠርሑ ምስቲ ዝነበረ ኵናት ኣብ መንጎ ኤርትራን ኢትዮጵያን፡ ናብ ኤርትራ ተሰጒጎም መጽኡ።

መምህር ተስፋ ሥላሴ ንፍልጠቶም ብየዋህነትን ትሕትናን ኣብ ዝኾነ ቦታን ጊዜን ንዝረኽብዎ ሰብ፡ ንንእሽቶይ ንእሽተይ ኢሎም ከይነዓቑ፡ ንዓቢይ እንታይ ክገብረሉ ከይበሉ ይምህሩ ነበሩ። ኣብ ደብረ መዊዕ ኣቡነ ኣረጋዊ ቤተ ክርስቲያን (ማይተመናይ) ብሞያ መምህርንነት (መሪጌትነት) እናኣገልገሉ ንተመሃሮ ሰዋስወ ግእዝ እናመሃሩ፡ ኣብ ቤት ማኀተም ኮከበ ጽባሕ ፍሬ ሃይማኖት ማኅበረ ሓዋርያት ናይ ቋንቋ ግእዝ መጻሕፍቲ ኣርታዒ ኮይኖም ኣገልጊሎም እዮም። ኣብ ቤተ መዘክር ኤርትራ ንብዙኀ ዓመታት ዝተዓቈቡ ግእዛዊ ብራናታት ብልሳነ ትግርኛ ተርጒሞም የቕርቡ ነበሩ።

መምህር ተስፋ ሥላሴ፡ ሰልኪዩንን ደኺሙንን ከይበሉ ኣብ ንጡፍ ኣገልግሎት እንከለው፡ ብዕለት 13 ሚያዝያ 2007 ዓ.ም.ግ. ኣብ መበል 96 ዓመቶም ካብዛ ኃላፊት ዓለም ብነፍሶም ተፈልዮም፡ ብሥጋ ኣዕሪፎም ኣብ ዓዲ ንኣምን ሓመድ ኣዳም ለቢሶም።

አበ ኵሉ መምህር ተስፋ ሥላሴ፡ ኣብ ልቢ ነፍሲ ወከፍ ፈላጢኦም ጽኑዕ መንፈስ ሓኒፆም፡ ፍልጠቶምን ምስሎምን ኣብ ኣእምሮ ናይ ሥጋን ናይ መንፈስን ደቆም ገዲፎም እዮም ኃሊፎም። ንሕና ደቆም ድማ ኣብ ዘንጸፉልና መሠረት ኣደልዲልና ብምንዳቕ፡ ዋላ እኳ ብሥጋ እንተ ተፈልዩ ብመንፈስ ምሳና ስለ ዘለው ንሃይማኖትናን ንምዕባለ ቋንቋ ግእዝን ክንጽዕር ይግባእ።

  • ንመምህር ተስፋ ሥላሴ ዝተገብረ ጉባኤ ቃና

ተስፋ ሥላሴ ዮሐንስ ዘጼሖ ሰዋስወ ቅኔ ንስሐ፡

ለገሊላዊት ነፍስየ እምድንቃዌ ጽልመት ባልሓ።

“ቅዱስ ዮሓንስ መጥምቅ መንገዲ ንስሓ ጸሪጉ ሰቢኹ፡ ንሰብ ገሊላ ካብ ጸልማት ከምዘውፅኦም፣ ከምኡ ድማ መምህር ተስፋ ሥላሴ ዝመሃሮ ሰዋስው ቅኔ ንነፍሰይ ካብ ድንቁርና ጸልማት ኣድኃና።”

ወስብሐት ለእግዚአብሔር፡ አሜን!

Ad Right

ዘመነ ማርቆስ 15 መስከረም 2014 ዓ.…

September
Saturday
25
ፍልሰተ ሥጋሁ ለእስጢፋኖስ፡ ወአባጴጥሮስ። ዘቅዳሴ ምንባብ መልእክታት ቈላ.1፡1-10 ያዕ. 5፡13-ፍጻሜ ግብረ ሓዋርያት ግብ. ሐዋ. 6፡7-ፍጻሜ ምስባክ መዝ. 127/128 ወንጌል ዮሐ. 15፡12-19 ቅዳሴ ቅዳሴ ዘወልደ ነጐድጓድ። * * *
00:00 h

ዜና ኅትመት

እዋናዊ ጽሑፋት

ሓድነታዊ ጉባኤ ሓድሽ ዝተመርጸ ምምሕዳር ሰበካ ጉባኤን ምእመናን ኣባላት ሰበካ…

መሪሕነት ኣባላት ሰበካ ጉባኤ መድኃኔ ዓለም ኦርቶዶክስ ተዋሕዶ ቤተ ክርቲያን ኤርትራ (ሉሳካ) ከምኡውን ምእመናን ምእመናት ነበርቲ ሃገረ ዛምብያ ብማእከልነት ቀሲስ...

ጉባኤ ማኅበር መላእ ኣብያተ ክርስቲያናት ኣፍሪቃ ኣብ ሃገረ ዛምብያ ይካየድ…

ብማኅበር መላእ ኣብያተ ክርስቲያናት ኣፍሪቃን(AACC) ብኣኣንጋድነት ቤት ምኽሪ ኣብያተ ክርስቲያናት ዛምብያ (CCZ) ተወዲቡ፡ ኣብ ዛዕባ ሕዝባዊ ዕዳን ብልሽውናን ምቁጽጻር ከምኡ’ውን...

ጉባኤ ኤፌሶን (431 ዓ.ም.) 1ይ ክፋል

ዝቐደመ ጉባኤታት ኣብ ምሥጢረ ሥላሴ ንዝተላዕለ ኑፋቄታት፣ ብፍላይ ብተመሃሮ ቤት ትምህርቲ አንጾኪያ፣  መልሲን ግቡእ መግትኢ ዝኸውን ውግዘትን ኣቐሚጡ ነበረ። ብድሕሪ...

በዓለ ሥእል ዘጼዴንያ

ብመሠረት ትምህርቲ ቅድስት ቤተ ክርስቲያን ካብ ቅዱሳት ኣሣእል ብዙኅን ዓቢይን ጥቕሚ ይርከብ። ኣብ ቅዱሳት መጻሕፍቲ ዝርከቡ ትምህርትታትን ታሪኻትን ብሥእላዊ ኣገላልጻ...

በዅሪ ጽምብል ሥነ ሥርዓት መመረቕታ ኮለጅ ነገረ መለኮት ደብረ ሲና…

ኮለጅ ነገረ መለኮት ደብረ ሲና ቅድስት ሥላሴ ዘኦርቶዶክስ ተዋሕዶ ቤተ ክርስቲያን ኤርትራ፡ ብመዓልታውን ምሸታውን መርሐ ግብር ክምህሮም ካብ ዝጸንሐ ተማሃሮ፡...

“ነቢይ ኢሳይያስ”

ነቢይ ማለት ፡ መንፈስ ትንቢት ኃዲርዎ ብዛዕባ ዚመጽእ ትንቢት ዚንበ፣ ብዛዕባ ዝኃለፈን ዚመጽእን ራእይ ዚርኢ፣ ብዛዕባ ግብረ እግዚአብሔር ኣብ ታሪኽ...

ዜና መዋዕል ካብ ልደት ክሳዕ ግብአተ መሬት መሪጌታ ባራኺ ገብረመድኅን…

በስመ አብ ወወልድ ወመንፈስ ቅዱስ አሐዱ አምላክ! “በድርየኒ ፈጸምኩ ወሃይማኖትየኒ ዐቀብኩ፡ እንከሰ ጽኑሐ ሊተ አክሊለ ጽድቅ ዘየዐሥየኒ እግዚአብሔር ይእተ ዕለተ መኰንነ...

ኣብ ቤት ማኅተም ኮከበ ጽባሕ ንልዕሊ 20 ዓመት ዝሠርሑ መሪጌታ…

ናይ ኤርትራ ኦርቶዶክስ ተዋሕዶ ቤተ ክርስቲያን ቤት ማኅተም ኮከበ ጽባሕ ማኅበረ ሓዋርያት ንልዕሊ 20 ዓመት ዝሠርሑ መሪጌታ በራኺ ገብረመድኅን ኣብ...

እንቋዕ ካብ ዘመነ ማቴዎስ ናብ ዘመነ ማርቆስ ብሰላም ኣሰጋገረናን ኣብጽሓናን!

ዝናም ብመብረቕን ድምፂ ነጐድጓድን ተዓጂቡ ንምድሪ ዘዕለቕልቐሉ ወርኀ ክረምት ኣኅሊፉ፡ ንምድሪ ብልምላሜን ጽጌያትን ኣወቂቡ፡ ናብዚ ሓዲስ ዘመን ንሰጋገረሉ ወርኀ መስከረም...

ካብ ርእሰ ዓውደ ዓመት ክሳዕ ፀአተ ክረምት

1. ካብ ዮሐንስ (መለወጢ ዘመን ) ክሳዕ ዘካርያስ (1 መስከረም ክሳዕ 8 መስከረም) ሓድሽ ዓመት ዝትክኣሉ እዋን ስለዝኾነ ኣብ ልቢ ክርስቲያን...

ቃለ ቡራኬ ርእሰ ዓውደ ዓመት 2014 ዓ.ም.

አቀድም አእኵቶቶ ለእግዚአብሔር በኢየሱስ ክርስቶስ በእንተ ኵልክሙ እስመ ተሰምዓት ሃይማኖትክሙ ውስተ ኵሉ ዓለም። (ሮሜ ፲፩፡፰)/ ኣቐዲመ ንዂልኻትኩም ብኢየሱስ ክርስቶስ ሃይማኖትኩም...

ዜና ዕረፍት ሊቀ ሊቃውንት ኃይለሥላሴ ገብረሚካኤል

 “ኣታ ሕያዋይን እሙንን ኣገልጋሊ . . . ናብ ሓጐስ ጐይታኻ እቶ” (ማቴ. 25፡21) ሊቀ ሊቃውንት ኃይለሥላሴ ገብረሚካኤል ኣብ መበል 90 ዕድሚኦም...

  

latest articles

Transfiguration: (Debre Tabor)

This is the day celebrated on Nehase (August) 13 G.C. in which Our Lord Jesus Christ during his ministry, manifested...

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...