7ይ ሰንበት ዓቢይ ጾም፡ ‘ኒቆዲሞስ’

Apr 04, 2020

ኣብ ዓቢይ ጾም ካብ ዘለዋ ሸሞንተ ሰናብቲ፡ እታ ሻብዓይቲ ሰንበት ‘ኒቆዲሞስ’ ትብሃል። ኣብዛ ዕለት’ዚኣ ዚዝመርን ዚንበብን ዚወሃብ ትምህርትን ብዛዕባ ኒቆዲሞስ እዩ። ማኅሌታይ ቅዱስ ያሬድ ኣብ ዝደረሶ ጾመ ድጓ፡ ርእሲ ናይቲ መዝሙር “ሖረ ኀቤሁ ዘስሙ ኒቆዲሞስ” ዝብል ኮይኑ “ወሀሎ አሐዱ ብእሲ እምፈሪሳውያን ዘስሙ ኒቆዲሞስ መልአኮሙ ለአይሁድ ዘሖረ ኀቤሁ ቀዲሙ ሌሊተ ወይቤሎ ለኢየሱስ ዕጓለ አንበሳ ሰከብከ ወኖምከ አንሥአኒ በትንሣኤከ” እናበለን ነቲ ኣብ ወንጌል ዮሓንስ (ምዕራፍ 3) ዝተጻሕፈ እናጠቐሰን ይዝምር። 


ኒቆዲሞስ፦ ዝተባህለ ምሁረ ሕግ፡ ኃለቓ ኣይሁድን መምህር እስራኤልን ዝኾነ ካብ ወገን ፈሪሳውያን ነበረ።

ፈሪሳውያን ካብቶም ቀንዲ ማኅበረ ኣይሁድ ኮይኖም ሕግን ሥርዓትን ኦሪት ልዕሊ ካልኦት ሓለውቲ ኢና ኢሎም ዝሓስቡ ግና ነቲ ዚብልዎን ዚምህርዎን ዘይገብርዎ ግቡዛት ነበሩ። ጐይታናን ኣምላኽናን መድኃኒናን ኢየሱስ ክርስቶስ ነቲ ምስሉይ ግብሮም የቃልዖምን ይወቕሶምን (ማቴ 23፡1-36)፣ ብዙኃን’ውን ብትምህርቱን ተኣምራቱን ተሳሒቦም ይስዕብዎ ስለዝነበሩ ብቕንእን ጽልእን ይጻብእዎ ነበሩ። ነቶም ብእኡ ዝኣመኑን ብዛዕባኡ ዝመስከሩን ካብ ቤተ ጸሎቶም (ምኵራቦም) ክፈልይዎም መምርሒ ኣውፂኦም ነበሩ። (ዮሓ 9፡22 ፣ 12፡42)

ኒቆዲሞስ ግና ካብኦም ተፈልዩ፡ ብኅቡእ ለይቲ ለይቲ ንጸልማት ከውሊ ገይሩ ናብ ጐይታ እናመጽአ ይመሃር ነበረ። (ዮሓ. 3፡1-21) ጐይታናን ኣምላኽናን መድኃኒናን ኢየሱስ ክርስቶስ ድማ ነቲ መምህረ ኣይሁድ ኒቆዲሞስ፡ ብዛዕባ ውልድነት ዘውህብ ምሥጢረ ጥምቀት፣ ፍቕሪ እግዚአብሔር፡ ካብ ሰማያት ምውራዱ፡ እምነት፡ ግብሪ፡ ፍርዲ ከምኡ’ውን ስለ ድኅነተ ዓለም ዝኸውን ስቕለቱ ብምሳሌ እናገበረ መሃሮ።

ኒቆዲሞስ ድማ ንትምህርቲ ጐይታ የስተንክርን ንዘይተረድኦ ይሓትትን ነበረ። ጐይታ ድማ በቲ ሓደ ወገን “መምህረ እስራኤል ኢኻ” እናበለ፣ በቲ ሓደ ወገን ድማ “ነዚ ዶ ኣይትፈልጥን ኢኻ” እናበለ ንዅሉ ኺፈልጦ ዝግባእ መሃሮ። ኒቆዲሞስ ድማ ኵሉ’ቲ ዝተማህሮ ምሥጢርን ዝረኣዮ ፍቕርን ኣብ ልቡ ስለዘኅደረ ኅብእ ወደ መዝሙሩ ኾይኑ ብምሸትን ለይትን ተጊሁ ይመሃር ነበረ። ካብዚ ኃሊፉ’ውን ንሊቀ ካህናትን መምህራን ሕግን ካብ መጻሕፍተ ሙሴ ጠቒሱ ስምዐ ጽድቅ (ሓቀኛ ምስክር) ኮይኑ ኣፎም ኣትኂዙ ከይተሰማምዑ ከም ዝበታተኑ ገበረ። (ዮሓ. 7፡5) ኣብቲ መድኃኔዓለም ክርስቶስ ተሰቒሉ ዝሞተሉ እዋን ንሥጋኡ ካብ መስቀል ኣብ ምውራድን ምግናዝን ድማ እሙን ኮይኑ ተረኽበ። (ዮሓ 19፡38)። 
 

ስለዚ ነዚ ዓቢይ ሰብ ኒቆዲሞስ ንምዝካርን፡ ካብኡ ንመሃሮ ብዙኅ ስለዘሎን እዛ ሻብዐይቲ ሰንበት እዚኣ ብስሙ ተጸውዐት። ንገለ ካብ ኒቆዲሞስ ንመሃሮ ምስ እንጠቅስ፦

  • ኣትሕቶ ርእስ (ትሕትና)

ኃለቓ ኣይሁድን መምህረ እስራኤልን ምሁር ኦሪትን እኳ እንተኾነ ርእሱ ኣትሒቱ፡ ካባ ኃለቕነትን መምህርነትን ኣውፂኡ፡ ክዳን ተማሃራይን ኣገልጋልን ለቢሱ “መምህር” እናበለ ኣብ እግሪ ጐይታ ተቐሚጡ ኪመሃር መረጸ። (ዮሓ. 3፡1) ኮፍ ኢልካ ምምሃር ትዕድልቲ ብምዃኑ’ውን ጐይታ “ማርያምሲ ካብኣ ዘይውሰድ ሠናይ ግደ ኃርያ ኣላ” ኢሉ ንኢድዋ እዩ። (ሉቃ. 10፡42)

ሎሚ ዓለማዊ ፍልጠት፡ ምድራዊ ሥልጣን፡ ሥጋዊ ኽብርን ሃብትን . . . ነቲ ካብ ጸልማት ኣውፂኡ ናብ ብርሃን ክርስቶስ ብመንገዲ ሓቂ ዘመላልሰና ቃል እግዚአብሔር ንኸይንመሃር ዝዕንቅፈና ብዙኃን ኢና። እንተኾነ ግና ቃል እግዚአብሔር ደረጃ ዘይፈሊ ንዅሉ ዝምልከቶ ምዃኑ ካብ ኒቆዲሞስ ንመሃር። እናፈለጥካ ኣይፈልጥን ምባል፡ ዝጐድለካ ካብቲ ዝተመሃርካዮ ዝበዝኅ ከምዝተርፈካ ተኣሚንካ ንኽትመሃር ርእስኻ ትሕት ምባል ከምዝግባእ'ውን ንመሃር ኢና።

  • ትጋሀ ሌሊት (ትግሃት ብለይቲ)

ኒቆዲሞስ ንተመስጦን መንፈሳዊ ሕሊናን ብዝጥዕም ጊዜ ብለይቲ እናኸደ ካብ ጐይታ ይመሃር ስለዝነበረ ምሥጢራት ተገልጸሉ። ቅዱስ ማር ይስሐቅ “ለይቲ ንጐይታ ንምምስጋን ግሩም (ጥዑም) ጊዜ እዩ” ከምዝብል ቅድስት ቤተ ክርስቲያን ብስብሓተ ማኅሌትን ብጸሎተ ሰዓታትን ብኪዳንን ንእግዚአብሔር ከተመስግን እያ ትኃድር። ጐይታ’ውን ንሓዋርያት “ትግሁ ወጸልዩ ከመ ኢትባኡ ውስተ መንሱት/ ናብ ፈተና ከይትኣትዉስ ትግሁ ጸልዩን” (ማቴ. 26፡41) ኢሉ ምሂርዎም እዩ።

ሎሚ ቅድስት ቤተ ክርስቲያንና ከም ኒቆዲሞስ ብለይቲ ንምስጋናን ጸሎትን ትምህርትን ኣገልግሎትን ክንተግህ ትምዕደና።

  • ሓቀኛ ምስክር (ስምዐ ጽድቅ) ምዃን፦

ኒቆዲሞስ ከይፈርሀን ከይኃፈረን ተቢዑ ንሓቂ መስከረ። (ዮሓ. 7፡51) “ሕጊ ልዑል ኣምላኽን ኪዳኑን ኣብ ምሕላውን ኣይትኅፈር” 9ሲራ. 42፡2) ከምዝብል ስለ ሓቅን ፍትሕን ምምስካርን ስለ ቤተ ክርስቲያን ደው ምባልን ከምዝግባእ ንመሃር። 

  • ክሳዕ መወዳእታ ምጽናዕ፦

ኒቆዲሞስ፡ ኣብቲ ዅሉ ፈሪሁ ዝሃደመሉ ናይ መከራን ፈተናን ጊዜ፡ ንሥጋ መድኃኔዓለም ክርስቶስ ካብ መስቀል ኣብ ምውራድን ገኒዝካ ኣብ ምቕባርን ምስታፉ፡ መርኣያ ጽንዓቱ እዩ። ጕዕዞ ክርስትና ኣብ ጊዜኡን ኣብ ዘይጊዜኡን ትጸንዓሉ (2ይ ጢሞ. 4፡9)፣ መከራ መስቀል ዝሓትት፡ ንዝጀመሩ ዘይኮነስ ንዝፈጸሙ ኣክሊል ዓወት ዝወሃበሉ ጕያ ሕይወት ምዃኑ ንመሃር። 

ኣሰረ ፍኖት ኒቆዲሞስ ክንስዕብ ጐይታናን ኣምላኽናን መድኃኒናን ኢየሱስ ክርስቶስ ጸጋኡ የብዝኃልና!

ወስብሐት ለእግዚአብሔር ወለወላዲቱ ድንግል ወለመስቀሉ ክቡር፡ አሜን!

 

Ad Right

ዘመነ ማርቆስ 15 መስከረም 2014 ዓ.…

September
Saturday
25
ፍልሰተ ሥጋሁ ለእስጢፋኖስ፡ ወአባጴጥሮስ። ዘቅዳሴ ምንባብ መልእክታት ቈላ.1፡1-10 ያዕ. 5፡13-ፍጻሜ ግብረ ሓዋርያት ግብ. ሐዋ. 6፡7-ፍጻሜ ምስባክ መዝ. 127/128 ወንጌል ዮሐ. 15፡12-19 ቅዳሴ ቅዳሴ ዘወልደ ነጐድጓድ። * * *
00:00 h

ዜና ኅትመት

እዋናዊ ጽሑፋት

ኃይሊ ቅዱስ መስቀል ኣብ ዘመነ ኣበው።

በስመአብ ወወልድ ወመንፈስ ቅዱስ አሐዱ አምላክ ኣብ ዘመነ ኣበው’ውን እንተኾነ ናይቲ ኺመጽእ ዘለዎ ኣማናዊ መስቀል ጽላሎት ኮይኑ ብዙኅ ተኣምራት ሰሪሑ እዩ፤...

ሓድነታዊ ጉባኤ ሓድሽ ዝተመርጸ ምምሕዳር ሰበካ ጉባኤን ምእመናን ኣባላት ሰበካ…

መሪሕነት ኣባላት ሰበካ ጉባኤ መድኃኔ ዓለም ኦርቶዶክስ ተዋሕዶ ቤተ ክርቲያን ኤርትራ (ሉሳካ) ከምኡውን ምእመናን ምእመናት ነበርቲ ሃገረ ዛምብያ ብማእከልነት ቀሲስ...

ጉባኤ ማኅበር መላእ ኣብያተ ክርስቲያናት ኣፍሪቃ ኣብ ሃገረ ዛምብያ ይካየድ…

ብማኅበር መላእ ኣብያተ ክርስቲያናት ኣፍሪቃን(AACC) ብኣኣንጋድነት ቤት ምኽሪ ኣብያተ ክርስቲያናት ዛምብያ (CCZ) ተወዲቡ፡ ኣብ ዛዕባ ሕዝባዊ ዕዳን ብልሽውናን ምቁጽጻር ከምኡ’ውን...

ጉባኤ ኤፌሶን (431 ዓ.ም.) 1ይ ክፋል

ዝቐደመ ጉባኤታት ኣብ ምሥጢረ ሥላሴ ንዝተላዕለ ኑፋቄታት፣ ብፍላይ ብተመሃሮ ቤት ትምህርቲ አንጾኪያ፣  መልሲን ግቡእ መግትኢ ዝኸውን ውግዘትን ኣቐሚጡ ነበረ። ብድሕሪ...

በዓለ ሥእል ዘጼዴንያ

ብመሠረት ትምህርቲ ቅድስት ቤተ ክርስቲያን ካብ ቅዱሳት ኣሣእል ብዙኅን ዓቢይን ጥቕሚ ይርከብ። ኣብ ቅዱሳት መጻሕፍቲ ዝርከቡ ትምህርትታትን ታሪኻትን ብሥእላዊ ኣገላልጻ...

በዅሪ ጽምብል ሥነ ሥርዓት መመረቕታ ኮለጅ ነገረ መለኮት ደብረ ሲና…

ኮለጅ ነገረ መለኮት ደብረ ሲና ቅድስት ሥላሴ ዘኦርቶዶክስ ተዋሕዶ ቤተ ክርስቲያን ኤርትራ፡ ብመዓልታውን ምሸታውን መርሐ ግብር ክምህሮም ካብ ዝጸንሐ ተማሃሮ፡...

“ነቢይ ኢሳይያስ”

ነቢይ ማለት ፡ መንፈስ ትንቢት ኃዲርዎ ብዛዕባ ዚመጽእ ትንቢት ዚንበ፣ ብዛዕባ ዝኃለፈን ዚመጽእን ራእይ ዚርኢ፣ ብዛዕባ ግብረ እግዚአብሔር ኣብ ታሪኽ...

ዜና መዋዕል ካብ ልደት ክሳዕ ግብአተ መሬት መሪጌታ ባራኺ ገብረመድኅን…

በስመ አብ ወወልድ ወመንፈስ ቅዱስ አሐዱ አምላክ! “በድርየኒ ፈጸምኩ ወሃይማኖትየኒ ዐቀብኩ፡ እንከሰ ጽኑሐ ሊተ አክሊለ ጽድቅ ዘየዐሥየኒ እግዚአብሔር ይእተ ዕለተ መኰንነ...

ኣብ ቤት ማኅተም ኮከበ ጽባሕ ንልዕሊ 20 ዓመት ዝሠርሑ መሪጌታ…

ናይ ኤርትራ ኦርቶዶክስ ተዋሕዶ ቤተ ክርስቲያን ቤት ማኅተም ኮከበ ጽባሕ ማኅበረ ሓዋርያት ንልዕሊ 20 ዓመት ዝሠርሑ መሪጌታ በራኺ ገብረመድኅን ኣብ...

እንቋዕ ካብ ዘመነ ማቴዎስ ናብ ዘመነ ማርቆስ ብሰላም ኣሰጋገረናን ኣብጽሓናን!

ዝናም ብመብረቕን ድምፂ ነጐድጓድን ተዓጂቡ ንምድሪ ዘዕለቕልቐሉ ወርኀ ክረምት ኣኅሊፉ፡ ንምድሪ ብልምላሜን ጽጌያትን ኣወቂቡ፡ ናብዚ ሓዲስ ዘመን ንሰጋገረሉ ወርኀ መስከረም...

ካብ ርእሰ ዓውደ ዓመት ክሳዕ ፀአተ ክረምት

1. ካብ ዮሐንስ (መለወጢ ዘመን ) ክሳዕ ዘካርያስ (1 መስከረም ክሳዕ 8 መስከረም) ሓድሽ ዓመት ዝትክኣሉ እዋን ስለዝኾነ ኣብ ልቢ ክርስቲያን...

ቃለ ቡራኬ ርእሰ ዓውደ ዓመት 2014 ዓ.ም.

አቀድም አእኵቶቶ ለእግዚአብሔር በኢየሱስ ክርስቶስ በእንተ ኵልክሙ እስመ ተሰምዓት ሃይማኖትክሙ ውስተ ኵሉ ዓለም። (ሮሜ ፲፩፡፰)/ ኣቐዲመ ንዂልኻትኩም ብኢየሱስ ክርስቶስ ሃይማኖትኩም...

  

latest articles

Transfiguration: (Debre Tabor)

This is the day celebrated on Nehase (August) 13 G.C. in which Our Lord Jesus Christ during his ministry, manifested...

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...