6ይ ሰንበት፡ ‘ገብርኄር’

Mar 28, 2020

 ሻዱሻይ ሰንበት ዓቢይ ጾም “ገብርኄር” ትበሃል። እዛ ሰንበት እዚኣ ‘ገብርኄር’ ዝተሰምየት፡ ማኅሌታይ ቅዱስ ያሬድ ኣብ ዝደረሶ ጾመ ድጓ፡ ብዛዕባ ቅኑዓት ኣገልገልትን፡ ጐይታ ነቶም ቅኑዓት ኣገልገልቲ “ገብርኄር” እናበለ ዓስቦም ከም ዝህቦም ዘዘኻኽር ስለዝዝመር እዩ። ‘ገብርኄር’ ማለት እሙን ኣገልጋሊ እዩ። ኣብዚ ሰሙን’ዚ ብዛዕባ ጐይታ ኣገልገልትን፡ እሙናት ኣገልገልትን ዘይእሙን ኣገልጋልን ይትርኽ። (ማቴ. 25፡14-30፣ ሉቃ. 19፡12-27) እዚ ምሳሌያዊ ትምህርቲ፡ ሓደ ክገይሽ ዝደለየ ሰብኣይ ቅድሚ መገሻኡ ንኣገልገልቱ ጸዊዑ ንነፍሲ ወከፎም ከከም ዓቕሞም ነቲ ቐዳማይ ኃሙሽተ መክሊት፡ ነቲ ኻልኣይ ክልተ መክሊት፡ ነቲ ሣልሳይ ድማ ሓደ መክሊት ሂቡ፡ ነጊዶም ክረብሕሉን ትርፊ ክረኽቡሉን ተላብዩ ኸደ።

ድኅሪ ጊዜ ጐይታ ኣገልገልቲ መክሊቱ ኪጸባጸብ፡ ንሥራሖም ኪቈጻጸር መጽአ። በዓል ኃሙሽተ መኽሊት ኃሙሽተ፡ በዓል ክልተ ድማ ክልተ ረቢሖም ምስ ረኸቦም ብተኣማንነቶም ተሓጕሱ ናብ ቦታ ሓጐስ ኣእተዎም። እቲ በዓል ሓደ መክሊት ግና ነቲ መክሊቱ ኃቢኡ ምንባሩ ከይኣክል ምስ ተሓተተ ዘረባ ዓመጽ ምምላሱ ጐይታኡ ተቘጢዑ ከምዝቐጽዖ ይነግረና።

ትርጕም ናይ’ዚ ምሳሌያዊ ትምህርቲ እምብዛ ዓሚቕን ነዊኅን እዩ። ጐይታ ኣገልገልቲ ዝተባህለ እግዚአብሔር እዩ። እቶም ኣገልገልቲ ድማ ኣብ ዝተፈላለየ ደረጃ ዘለዉ ከከም መዓርጎምን ዝተዋህቦም ጸጋን ከምቲ ዝግብኦም ከገልግሉ ካብ ዲያቆናት ክሳብ ሊቃነ ጳጳሳት ንዘለዉ ሥዩማን ኣገልግልቲ ቤተ ክርስቲያን ዝምልከት እዩ። እቶም እሙናት ኣገልገልቲ ቤተ ክርስቲያን፡ ከምቲ ዝተዋህቦም መክሊት (ሥልጣነ ክህነት) ተጊሆምን ነቒሖምን መጓሰ ምእመናን ከውፍሩን ክሕልዉን ከብዝኁን፤ ስብከተ ወንጌል ከስፍሑን ዝነበሩ እሞ ኣብ ጊዜ ጸብጻብ መክሊቶም ኣበርኪቶም ንጐይታኦም ዘረከቡ እዮም። ጐይታኦም ድማ “አግብርት ኄራን ወፍቁራን/ ፍጹም እሙናት ኣገልገልቲ”፣ ከምኡ’ውን “ንዑ ኀቤየ ቡሩካኑ ለአቡየ/ ናይ ኣቦይ ቡሩኻት ናባይ ንዑ” ኢሉ ናብ ዘለዓለማዊ መንግሥቱ ዘእትዎም እዮም። ብኣንጻሩ ከምቲ በዓል ሓደ መክሊት ዝበሉ ሃካያን ኣገልገልቲ ድማ ንሽም ጥራይ መክሊት ተቐቢሎም ከብቅዑ ንምእመናን ዘይጓስዩን ኣብ ካልእ ጕዳያቶም ጥራይ ከድህቡን ዝነብሩ ኮይኖም ኣብ ጊዜ ጸብጻብ ብቑዕ መልሲ ስለዘይብሎምን ምኽንያት’ውን ከድኅኖም ስለዘይክእልን “ረሓቁ እምኔየ” (ካባይ ርሓቑ) ተባሂሎም ናብቲ “ዘለዓለማዊ ጸልማት” ኪድርበዩ እዮም።

ብኻልእ ወገን ድማ እዚ ምሳሌ መክሊት ንሥዩማን ኣገልግልቲ ጥራይ ዝተነግረ ዘይኮነስ ከከም ዓቕሞም ከገልግሉን ብመንገዲ ቅድስና ክምርሑን ጸጋ ጥምቀት ዝተቐበሉ ምእመናንን ምእመናትን ዝምልከት እዩ። ምእመናንን ምእመናትን መንፈሳዊ ፍረ ፈርዮም መክሊቶም ከርብሑን ኣብ ሃይማኖት ክጸንዑን ብሠናይ ግብሪ ክተግሁን ንኻልኦት ኣርኣያ ኪኾኑን ይግብኦም። ኣብ ጉዳይ ቤተ ክርስቲያን ‘ንኣና ኣይመልከተናን እዩ’ ከይበሉ፡ ስለ ቤተ እግዚአብሔር እሙናት ኣገልገልቲ ኪኾኑ ኣለዎም።

ብሓፈሻ ካብዚ ንርድኦ ወሃቢ መክሊት ጐይታ እግዚአብሔር ንነፍሲ ወከፍ ክርስቲያን፦ምስ ጥምቀት ተተኃኂዙ ዝወሃብ ውህበትን (መክሊትን) (ዮሓ. 3፡3)፣ ከምኡ’ውን ከም መጠን ስፍሓት ኣእምሮን ጽንዓት እምነትን ዝወሃብ ጸጋን ሥልጣንን (መክሊት) (1ይ ቆሮ. 12፡4) ከምዘሎ እዩ። ሽዑ ባዕሉ ወሃቢ መክሊት ጐይታ ንተቐባሊ መክሊት ከም መጠን ዝሃቦ ዝጸባጸበሉን ከከምግብሩ ዝፈርደሉን ጊዜ ኣሎ። ሽዑ እቶም እሙናት ኣገልገልቲ ቃል ሕይወት ሰሚዖም ብየማን ቈይሞም ኣብቲ ዘይውዳእ ሓጐስ ዘለዎ መንግሥተ ሰማያት ኪኣትዉ ኸለዉ፡ እቶም ዘየፍረዩ ሃካያን ግና ቃል ስክየት(ኵነኔ) ሰሚዖም ንሰይጣንን ንሠራዊቱን ናብ ዝተዳለወ “ዕፄሁ ዘኢይነውም፡ እሳቱ ዘኢይጠፍእ ገሃነመ እሳት” ኪድርበዩ እዮም።

ወስብሐት ለእግዚአብሔር ወለወላዲቱ ድንግል ወለመስቀሉ ክቡር፡ አሜን!

Ad Right

ዘመነ ማርቆስ 15 መስከረም 2014 ዓ.…

September
Saturday
25
ፍልሰተ ሥጋሁ ለእስጢፋኖስ፡ ወአባጴጥሮስ። ዘቅዳሴ ምንባብ መልእክታት ቈላ.1፡1-10 ያዕ. 5፡13-ፍጻሜ ግብረ ሓዋርያት ግብ. ሐዋ. 6፡7-ፍጻሜ ምስባክ መዝ. 127/128 ወንጌል ዮሐ. 15፡12-19 ቅዳሴ ቅዳሴ ዘወልደ ነጐድጓድ። * * *
00:00 h

ዜና ኅትመት

እዋናዊ ጽሑፋት

ኃይሊ ቅዱስ መስቀል ኣብ ዘመነ ኣበው።

በስመአብ ወወልድ ወመንፈስ ቅዱስ አሐዱ አምላክ ኣብ ዘመነ ኣበው’ውን እንተኾነ ናይቲ ኺመጽእ ዘለዎ ኣማናዊ መስቀል ጽላሎት ኮይኑ ብዙኅ ተኣምራት ሰሪሑ እዩ፤...

ሓድነታዊ ጉባኤ ሓድሽ ዝተመርጸ ምምሕዳር ሰበካ ጉባኤን ምእመናን ኣባላት ሰበካ…

መሪሕነት ኣባላት ሰበካ ጉባኤ መድኃኔ ዓለም ኦርቶዶክስ ተዋሕዶ ቤተ ክርቲያን ኤርትራ (ሉሳካ) ከምኡውን ምእመናን ምእመናት ነበርቲ ሃገረ ዛምብያ ብማእከልነት ቀሲስ...

ጉባኤ ማኅበር መላእ ኣብያተ ክርስቲያናት ኣፍሪቃ ኣብ ሃገረ ዛምብያ ይካየድ…

ብማኅበር መላእ ኣብያተ ክርስቲያናት ኣፍሪቃን(AACC) ብኣኣንጋድነት ቤት ምኽሪ ኣብያተ ክርስቲያናት ዛምብያ (CCZ) ተወዲቡ፡ ኣብ ዛዕባ ሕዝባዊ ዕዳን ብልሽውናን ምቁጽጻር ከምኡ’ውን...

ጉባኤ ኤፌሶን (431 ዓ.ም.) 1ይ ክፋል

ዝቐደመ ጉባኤታት ኣብ ምሥጢረ ሥላሴ ንዝተላዕለ ኑፋቄታት፣ ብፍላይ ብተመሃሮ ቤት ትምህርቲ አንጾኪያ፣  መልሲን ግቡእ መግትኢ ዝኸውን ውግዘትን ኣቐሚጡ ነበረ። ብድሕሪ...

በዓለ ሥእል ዘጼዴንያ

ብመሠረት ትምህርቲ ቅድስት ቤተ ክርስቲያን ካብ ቅዱሳት ኣሣእል ብዙኅን ዓቢይን ጥቕሚ ይርከብ። ኣብ ቅዱሳት መጻሕፍቲ ዝርከቡ ትምህርትታትን ታሪኻትን ብሥእላዊ ኣገላልጻ...

በዅሪ ጽምብል ሥነ ሥርዓት መመረቕታ ኮለጅ ነገረ መለኮት ደብረ ሲና…

ኮለጅ ነገረ መለኮት ደብረ ሲና ቅድስት ሥላሴ ዘኦርቶዶክስ ተዋሕዶ ቤተ ክርስቲያን ኤርትራ፡ ብመዓልታውን ምሸታውን መርሐ ግብር ክምህሮም ካብ ዝጸንሐ ተማሃሮ፡...

“ነቢይ ኢሳይያስ”

ነቢይ ማለት ፡ መንፈስ ትንቢት ኃዲርዎ ብዛዕባ ዚመጽእ ትንቢት ዚንበ፣ ብዛዕባ ዝኃለፈን ዚመጽእን ራእይ ዚርኢ፣ ብዛዕባ ግብረ እግዚአብሔር ኣብ ታሪኽ...

ዜና መዋዕል ካብ ልደት ክሳዕ ግብአተ መሬት መሪጌታ ባራኺ ገብረመድኅን…

በስመ አብ ወወልድ ወመንፈስ ቅዱስ አሐዱ አምላክ! “በድርየኒ ፈጸምኩ ወሃይማኖትየኒ ዐቀብኩ፡ እንከሰ ጽኑሐ ሊተ አክሊለ ጽድቅ ዘየዐሥየኒ እግዚአብሔር ይእተ ዕለተ መኰንነ...

ኣብ ቤት ማኅተም ኮከበ ጽባሕ ንልዕሊ 20 ዓመት ዝሠርሑ መሪጌታ…

ናይ ኤርትራ ኦርቶዶክስ ተዋሕዶ ቤተ ክርስቲያን ቤት ማኅተም ኮከበ ጽባሕ ማኅበረ ሓዋርያት ንልዕሊ 20 ዓመት ዝሠርሑ መሪጌታ በራኺ ገብረመድኅን ኣብ...

እንቋዕ ካብ ዘመነ ማቴዎስ ናብ ዘመነ ማርቆስ ብሰላም ኣሰጋገረናን ኣብጽሓናን!

ዝናም ብመብረቕን ድምፂ ነጐድጓድን ተዓጂቡ ንምድሪ ዘዕለቕልቐሉ ወርኀ ክረምት ኣኅሊፉ፡ ንምድሪ ብልምላሜን ጽጌያትን ኣወቂቡ፡ ናብዚ ሓዲስ ዘመን ንሰጋገረሉ ወርኀ መስከረም...

ካብ ርእሰ ዓውደ ዓመት ክሳዕ ፀአተ ክረምት

1. ካብ ዮሐንስ (መለወጢ ዘመን ) ክሳዕ ዘካርያስ (1 መስከረም ክሳዕ 8 መስከረም) ሓድሽ ዓመት ዝትክኣሉ እዋን ስለዝኾነ ኣብ ልቢ ክርስቲያን...

ቃለ ቡራኬ ርእሰ ዓውደ ዓመት 2014 ዓ.ም.

አቀድም አእኵቶቶ ለእግዚአብሔር በኢየሱስ ክርስቶስ በእንተ ኵልክሙ እስመ ተሰምዓት ሃይማኖትክሙ ውስተ ኵሉ ዓለም። (ሮሜ ፲፩፡፰)/ ኣቐዲመ ንዂልኻትኩም ብኢየሱስ ክርስቶስ ሃይማኖትኩም...

  

latest articles

Transfiguration: (Debre Tabor)

This is the day celebrated on Nehase (August) 13 G.C. in which Our Lord Jesus Christ during his ministry, manifested...

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...