‘ጸልዩ ባሕቱ ከመ ኢይኩን ጕያክሙ በክረምት / እቲ ምህዳምኩም ብኽረምቲ ከይከውንሲ ጸልዩ’ (ማቴ. 24፡20)

Oct 26, 2019

ጊዜ ኽረምቲ፡ ዝናም ንዘርኢ፡ ጠሊ ንምድሪ ዝህበሉ፡ ዝተዘርአ ዝቦቝለሉ፡ ዝተተኽለ ዝጸድቀሉ፡ ነቒጾም ዝነበሩ ኣትክልቲ ዝልምልሙሉ፡ ኣቝጽልቲ ዝጥጥዕሉ፡ ኣዕጽምቶም ክሳዕ ምርኣይ ዓቢሮም ዝነበሩ እንስሳታት ተሓዲሶም ዝጥንክርሉ፣ ሩባታትን ኣፍላጋትን ዝውኅዝሉ ሠናይ ጊዜ እዩ። ብኣንጻሩ ኣብ ወቕቲ ክረምቲ ኸኣ ብዙኅ ሽግር ከምዘሎ ዝፍለጥ እዩ።

እዋን ክረምቲ፡ ብላዕሊ ማይ ብታሕቲ ጭቃ ስለዝኸውን ንመንገዲ ኾነ ሥሩዕ ዕዮኻ ክትገብር የጸግም እዩ። ሩባታት ስለዝመልኡ፡ ሰባት ምስ ቤተ ሰቦም ዘይራኸቡሉ፡ ዓይን ንዓይኒ ዘይረኣዩሉ፡ ብሓፈሻ ካብ ከበሳ ናብ መታሕት እናተዘዋወሩ ከም ድሌቶም ነጊዶም ክነብርሉ ዘይክእልሉ ጊዜ እዩ። ብኻልእ ወገን ድማ ኣብ ቆፎ ዘሎ ቐዳማይ እኽሊ ዝውድኣሉን፡ እቲ ዳኅረዋይ ዝተዘርአ ኣብ ፍረ ዘይበጽሓሉን እዋን ስለዝኾነ ክብደት ናብራ የስዕብ፣ መሸጣ ዕዳጋ’ውን ይኸብር። እዚ ዅሉ ድማ ንሰባት ጸቕጢ ይፈጥረሎም።

ጐይታናን ኣምላክናን መድኃኒናን ኢየሱስ ክርስቶስ ብዛዕባ ዳግም ምጽኣቱን ኅልፈተ ዓለምን ኣብ ዝተዛረበሉ ጊዜ፡ “እቲ ምህዳምኩም ብኽረምቲ ከይከውንሲ ጸልዩ” ዝበለ ፡ ክረምቲ ቘጽሊ እምበር ፍረ ዘይርከቦ ንስኻትኩም ድማ ብቘጽሊ ዝምሰል እምነት ጥራይ ኂዝኩም ፍረ ጽድቂ ከየፍረኹም ከለኹም ሞት ከየርክበኩም ጸልዩ ንኽብል እዩ። (ማቴ. 24፡20)

ከምቲ ቤት ብዘይ መሠረት ዘይቀውም፡ መሠረት ዘለዓለማዊ ድኅነት ድማ ሃይማኖት (እምነት) እዩ። ነዚ ዓለም’ዚ ሠራዒ፡ መጋቢ ኣለዎ፡ ንሱ ድማ “ብሓድነቱን ብሠለስትነቱን ዚምለኽ፡ ዝነበረን ዘሎን ዚነብርን እግዚአብሔር እዩ ኢልካ ምእማን እዩ። ከምኡ’ውን ካብ ንጽሕት፡ ቅድስት ድንግል ማርያም ብሥጋ ዝተወልደ ጐይታናን ኣምላኽናን መድኃኒናን ኢየሱስ ክርስቶስ ናይ ባህርይ ኣምላኽ እዩ ድንግል ማርያም ወላዲተ ኣምላኽ እያ” ኢልካ ምእማን እዩ።

እንተኾነ እምነት ብዘይ ግብሪ፡ ወይ ድማ ግብሪ ብዘይ እምነት ክልቲኡ ነንበይኑ ትርጕም ከም ዘይብሉ ሓዋርያ ቅዱስ ይዕቆብ ኣብ መልእኽቱ “ሥጋ ብዘይ መንፈስ ምውት ከም ዝኾነት፡ እምነት ውን ብዘይ ግብሪ ምውትቲ እያ” ብምባል ገሊጽዎ ኣሎ። (ያዕ. 2፡26) እምነት ግብርን ከም ሥጋን ነፍስን ኪወሓዱ ስለዘለዎም ሃይማኖት ብዘይ ግብሪ ወይ ድማ ሠናይ ግብሪ ብዘይ እምነት ካብ ዳግማይ ሞት ዘድኅን ኣይኮነን። ሓደ ካብቲ ሓደ እንተተፈልዩ ከምቲ ነፍሲ ዘይብሉ ሥጋ እዩ። ሠናይ ግብሪ ዝህልወና ብትእዛዝ እግዚአብሔር ምስ እንምራሕ ብምዃኑ ሕገጋት ምሕላው ሓደ ካብ መንገዲ ድኅነት እዩ። (1ይ ዮሐ. 2፡9፣ 3፡9-10) እምነት ኣሎኒ እናበለ ሠናይ ግብሪ ዘይብሉ ዲያብሎስ እዩ፡ ምኽንያቱ ሠናይ ተግባር መርኣያ ቅኑዕ ሃይማኖት እዩ።

ስለዚ ‘እቲ ምህዳምኩም ብኽረምቲ ከይከውንሲ ጸልዩ’ ዝብል ኣምላኻዊ ኃይለ ቃል ብምስትውዓል ሃይማኖትና ኣጽኒዕና ግብርና ኣጸቢቕና ተዳሊና ክንነብር ይግባእ። ከመይ! ‘ናብ ፈተና ኸይትኣትዉስ ንቕሑን ጸልዩን’ ተባሂሉ ተጻሒፉልና እዩ። ማቴ. 26፡41

ብኣንጻሩ ነዚ ኃይለ ቃል’ዚ ሸለል ኢልካ፡ ከምቲ ብጊዜ ኽረምቲ ካብ ሓደ ቦታ ናብ ካልእ ዝዘዋወር ሰብ ኣብ ሓደጋ ዝወድቕ፡ ከምኡ ድማ እቲ ሃይማኖት ኣሎኒ ክርስቲያን እየ ዝብል ንኃጢኣት ብሓልዮ ፀኒሱ፡ ብነቢብ ወሊዱ፡ ብገቢር ምስ ዝፍጽሞ ካብ ዳግማይ ሞት ሞተ ነፍስ ኣየምልጥን። ከመይ! ዓስቢ ኃጢኣት ሞት እዩ።

ካብ ዳግማይ ኃዘን ካብ ዳግማት ሞት የድኅነና!
ስብሐት ለእግዚአብሔር ወለወላዲቱ ድንግል ወለመስቀሉ ክቡር፡ አሜን!

ዘመነ ዮሐንስ 8 ጥር 2012 ዓ.ም.

January
Friday
17
ዝከር፦ ሶል ጴጥሮስ ዘሮሜ፡ ወኢፍራ፡ ወአትንያኖ፡ ወሉያ፡ ወመይልን፡ ወመሶላዮስ፡ ወማርትያ።               ዘቅዳሴ ምንባብ፦ ቆላ. 2፡1-11። 1ይ ዮሐ. 5፡1-5። ግብ. ሐዋ.  22፡6-16። ምስባክ፦ መዝ. 148/149 ወንጌል፦ ማቴ. 2፡19-ፍጻሜ። ቅዳሴ፦ ዘዲዮስቆሮስ።        * * *
00:00 h
Ad Right

  

ዜና ኅትመት

እዋናዊ ጽሑፋት

መበል 50 ዓመት ወርቃዊ ኢዮቤልዩ ምምሥራት ደብረ ብርሃን ቅድስት ሥላሴ…

7 ጥር 2012 ዓ.ም.ግ (16 ጥሪ 2020 ፈ.) ክብረ በዓል ቅድስት ሥላሴ ኣብ ኵለን ኣብያተ ክርስቲያን ክኸብር ከሎ ብፍሉይ ግን...

ሓበሬታ ብዛዕባ ንግደት ኢየሩሳሌም 2020 ዓ.ም. (2020 ፈ.)

 ቤት ጽሕፈት ነጋድያን ኢየሩሳሌም ኦርቶዶክስ ተዋሕዶ ቤተ ክርስቲያን ኤርትራ ብዛዕባ ንግደት ኢየሩሳሌም ኣብ በዓለ ፋሲካ 2012 ዓ.ም.ግ. (2020 ዓ.ም.) ዝምልከት...

ጋሻ ንምቕባል ንቀዳደም! - ሥላሴ ኣብ ቤት አብርሃም

ጋሻ ምቕባል፡ ብዙኅ በረኸትን ጸጋን ዘውህብ እዩ። 7 ሓምሌ ኣቦና ኣብርሃም ጋሻ ብምቕባሉ፡ ኣጋእዝተ ዓለም ቅድስት ሥላሴ ኣብ ቤቱ ዝተኣንገዱሉን፡...

ግዝረት ኣብ ክርስትና፧?!

ግዝረት፡ ማለት ሕፃን ዕልቦኡ ዝኽንሸበሉ ኵነት እዩ። ዕልቦ ፆታዊ ኽፍሊ ኣካል ናይ ሕፃን ብምቕራጽ ዝፍጸም እዩ።

ጐይታና ኢየሱስ ክርስቶስ ተገዚሩ ድዩ፧

ሓደ ካብተን ትሽዓተ ንኡሳን በዓላት ጐይታና ኢየሱስ ክርስቶስ በዓለ ግዝረት’ዩ። ሠራዔ ሕግ ጐይታና ኢየሱስ ክርስቶስ ብዘይካ በይና ኃጢኣት ፡ ሕጊ...

ክብረ በዓል ገዳም ደብረ ወርቅ ኣቡነ ሊባኖስ ብዓቢይ ኽብሪ ተባዒሉ!

“ደቂቅየ ወደቂቅክሙ ኢይትጓነዩ በበዓልየ ወበዓልክሙ/ ኣብ በዓለይን በዓልኩምን ደቀይን ደቅኹምን ኣይፈላለዩ” ጻድቅ ኣቡነ ሊባኖስ ኣብ መፋርቅ 4ይ ክፍለ ዘመን ካብ ቁስጥንጥንያ...

ኣብ ሃገረ ስብከት ደቡብ መንደፈራ ጉባኤ ተቓኒዑ!

ብዕለት 26 ታኅሣሥ 2012 ዓ.ም. (05/01/20 ፈ.) ብብፁዕ አቡነ ሉቃስ ዋና ጸሓፊ ቅዱስ ሲኖዶስ ዝተመርሐ፡ ናይቲ ሃገረ ስብከት ኃለፍቲ ክፍልታትን...

  ብጐይታ ዝተፈትወ ሓዋርያ - ቅዱስ ዮሓንስ

ቅዱስ ዮሓንስ ብዙኅ ኣስማት መጸውዒ ዘለዎ ሐዋርያ እዩ።1. ፍቁረ እግዚእ (ጐይታ ዝፈትዎ)፦ ብሕይወቱን ናብራኡን ንጐይታ ኪመስል ይጽዕር ስለዝነበረ ጐይታ ይፈትዎ ነበረ።...

አሥርቆት ዘወርኀ ጥር

በስመ አብ ወወልድ ወመንፈስ ቅዱስ አሐዱ አምላክ! ዮም ሠረቀ ለነ ወርኀ ጥር ቡሩክ ያብጽሐነ እስከ ወርኀ የካቲት በሰላመ እግዚአብሔር! ወርኀ ጥር...

ገዳም ደብረ ወርቅ አቡነ ሊባኖስ

ገዳም ደብረ ወርቅ ኣብ ዞባ ደቡብ ንኡስ ዞባ ሰንዓፈ ብሸነኽ ደቡብ ካብ ሰርሓ ብእግሪ ናይ ኣርባዕተ ሰዓትን ፈረቓን መንገዲ፡ ወይ...

ሀበኒ ወልድየ ልበከ (ምሳ. ፳፫፥ ፳፮)

ወደየ ልብኻ ሃበኒ! (ምሳ. 23፡26) ኣብ ቀጽሪ ናይ ልበይ ዝተሓፅረ መጻወድያ፣ሓደ ኢሉ ጀሚሩ ንልበይ ከብክያ፣ብጥበበይ ገይረ ክኣልዮ እንተ በልኩ፣መሊሰ ደኣ ኣብ...

በዓለ ልደት ጐይታናን መድኃኒናን ኢየሱስ ክርስቶስ፡ ብድምቀት ተኸቢሩ!

ልደት ጐይታናን መድኃኒናን ኢየሱስ ክርስቶስ ድኅነት ደቂ ሰባት ዝተኣወጀሉ፡ መላእክት ብሓጐስ ዝዘመሩሉ፡ ጸልማት ኃጢኣት ዘመነ ፍዳ ዝተቐንጠጠሉ፡ ዲያብሎስ ዝተጨነቀሉ፡ ሰብአ...

  

latest articles

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...

Fast of the Prophets (Advent)

15th November (geez calander), marks the first day of the Advent Fast, a period of abstinence and penance practiced by...

FASTING

Fasting is abstinence from all things that a body needs, and one has to fast from animal products and from...

The Eritrean Orthodox Tewahdo Church (EriOTC)

In the name of the Father, and of the Son, and of the Holy Spirit, One God. “We call our...

Holy of Holies Our Lady, the virgin Mary

The word holy (kidus) in Geez denotes being special, pure and esteemed. This prefix is an attribute to denote the...

HOLY SCRIPTURES (part one)

All Scriptures are written with the inspiration of the Spirit of God or the breath of God. They are also...

EXISTENCE OF GOD

The name God signifies the Divine Being, meaning He who created the world and governs it. There is one invisible...