ካብ ዓሠርተው ክልተ ሓዋርያት ሓደ ሓዋርያ ቅዱስ በርተሎሜዎስ

Nov 28, 2018

 

ሓደ ካብ ዓሰርተው ክልተ ሓዋርያት ዝኾነ ሓዋርያ በርተሎሜዎስ እዩ። (ማቴ. 10፡3፣ ማር. 3፡18) በርተሎሜዎስ ማለት ተኽሊ ናይ ምስታይ ሃብት ዝተዋህቦ ውሉድ ማለት እዩ። “ኩን ወልደ ኃይል፡ ኩን ወልደ የማን” ከም ዝብል። ኣብ ሀገረ ስብከቱ ስሙ ምስ ግብሩ ተሳንዩ ንግሆ ወይኒ ተኺሉ ምሸት ንመሥዋዕቲ ኣብጺሑ እዩ። 

ምስ ቅዱሳን ሓዋርያት ጐይታናን መድኃኒናን ኢየሱስ ክርስቶስ ኣብ ዝወዓሎ እናወዓለ፡ ኣብ ዝኃደሮ እናኃደረ ንልዕሊ ሠለስተ ዓመት ተማህረ። ሕሙማን የሕዊ፡ ለምጻማት የንጽሕ፡ ኣጋንንቲ የውፅእ ነበረ። ድኅሪ ናይ ጐይታ ስቅለትን ትንሣኤን ዕርገትን ድማ ምስ ሓዋርያት ብሓደ ይነብር ነበረ። ቅዱሳን ሓዋርያት ጸጋ መንፈስ ቅዱስ ተቐቢሎም፡ ንስብከተ ወንጌል ምእንቲ ክጥዕምም ነዛ ዓለም ምስ ተኻፈልዋ ንቅዱስ ሓዋርያ በርተሎሜዎስ ‘ሃገረ እልዋህ’ በጽሖ። 


ብሊቀ ሓዋርያት ቅዱስ ጴጥሮስ ተሰንዩ ናብ ሃገረ ስብከቱ እልዋህ ኣምርሐ። ብጥበበ እግዚአብሔር ድማ ናብታ ዓዲ ንምእታው ሓዋርያ ጴጥሮስ ናብ ሓደ ገፊሕ ናይ ወይኒ ሕርሻ ዘለዎ ነጋዳይ ሸጦ።

እቲ ነጋዳይን በርተሎሜዎስን ናብታ ዓዲ መንገዶም ኣቕንዑ። ኣብ መንገዲ፡ እተን ኣግማል ናይቲ ነጋዳይ ብጽምኢ ማይ ሞታ። ሓዋርያ በርተሎሜዎስ ግና ጸልዩ ንዅለን ዝሞታ ኣግማል ኣተንሥአን።

ኣብቲ ዓዲ ምስ ኣተዉ፡ እቲ ነጋዳይ ንበርተሎሜዎስ ሓለቃ ሓለውቲ ወይኒ ገይሩ ሾሞ። ተክለ ወይን እናሓለወ፡ እናተኸለን እናኰስኰሰን ን40 መዓልቲ ብሥራሕ ተጸሚዱ ቀነየ። ፈልሲ ወይኒ ተኺሉ ኣለምሊሙ ብሓንሳእ የፍሪ ነበረ። 
 

ወዲ እቲ ሃብታም ነጋዳይ፡ መርዛም ተመን ነኺስዎ ምስ ሞተ ብስመ እግዚአብሔር ካብ ሞት ኣተንሥኦ። በዚ ዝገበሮ ተኣምራትን ትምህርቱን ከኣ ብዙኃት ኣሚኖም ተጠምቁ። 
ኣብቲ ኣታኽልቲ ወይኒ ዝነበሮ ግራት፡ ቤተ ክርስቲያን ሓነፀሎም። ነቲ ነጋዳይን ካልኦት ዝተጠምቁን ከኣ ቀሳውስትን ዲያቆናትን ገይሩ ሾመሎም። ተኪሉ ዘፍረዮ ወይኒ ምስ ሥርናይ ብጸሎተ ቅዳሴ ኣኽቢሩን ባሪኹን ናብ ቅዱስ ቍርባን ለዊጡ ኣቍረቦም።
 

ብድኅር እዚ ብፈቃደ እግዚአብሔር ምስ ሓዋርያ እንድርያስ ናብ ሀገረ በረበር ከደ። ነቶም ሕዝቢ ድማ ካብ አምልኮተ ጣዖት ናብ አምልኮተ እግዚአብሔር መለሶም።
 

ሓዋርያ በርተሎሜዎስ፡ ስብከተ ወንጌል ንምስፋሕ ኣብ ገምግም ባሕሪ ናብ ዝተደኮና ዓበይቲ ሃገራት ከደ። እቶም ሕዝቢ ኣምልኮተ እግዚአብሔር ዘይፈልጡ፡ ከም ጓሳ ዘይብሎም ጥሪት ብኣራዊት ሰይጣን ዝተበተኑ ስለዝነበሩ ሓዋርያ በርተሎሜዎስ ብትብዓት ወንጌል ጐይታና ኢየሱስ ክርስቶስ ኣምላኽ ሰበኸሎም። ጣዕሚ መንግሥተ ሰማያትን ምረት ገሃነመ እሳትን ክሳብ ዝፈልጡ መሃሮም። ንሳቶም ድማ ካብ ዓበይቶም ክሳብ ንኡሶም ብእግዚኣብሔር ኣመኑ። ግብረ ኃጣውእ ኃዲጎም ፍኖተ ወንጌል መንግሥተ ሰማያት ሰዓቡ። 
 

ስብከቱ ክሳብ ቤተ መንግሥት በጽሐ እሞ ሰበይቲ ንጉሥ ኣግሪጳ ኣሚና ንንጉሥ ገዲፋ ናብ ሰማያዊ ንጉሥ እግዚአብሔር ሰዓበት። 
 

እዚ ዅሉ ኣብ ሃገሩን ሰበይቱን ዝኾነ ብስብከት ሓዋርያ በርተሎሜዎስ ምዃኑ ዝፈለጠ ንጉሥ ኣግሪጳ፡ ንሓዋርያ በርተሎሜዎስ ሑፃ ኣብ ዝመልአ ቈርበት ኣእቲዮም ናብ ባሕሪ ከጥሕልዎ ኣዘዘ። በዚ ኸኣ ብዕለት ሓደ መስከረም ኣብ ባሕሪ ሰጢሙ ብሰማዕትነት ኃለፈ። ብትእዛዝ እግዚኣብሔር እታ ባሕሪ ናብቲ ገምገም ምስ ገፍዓትሎም፡ እቶም ብእኡ ኣሚኖም ዝተጠምቁ ምእመናንን ምእመናትን ንሬሳኡ ብኽብሪ ቀበርዎ። 
 

ሓዋርያዊት ቤተ ክርስቲያንና ድማ 01 መስከረም ዕለተ ሰማዕትነቱ፣ 18 ኅዳር ድማ ዕለተ ተዝካሩ ብኽብሪ ተብዕሎ።
 

ጸሎቱን በረኸቱን ምስ ኵልና ሕዝበ ክርስቲያን ይኹን!
 

ሰላም እብል ሐዋርያ መስተጋድለ፣ 
በተወርዎ ባሕር ዕሙቅ ወበሠቀ ፀጕር ጥብሉለ፣ 
በርተሎሜዎስ ገዳመ አመ ምስሌሆሙ ዔለ፣ 
በማየ ጸሎቱ ጽምአ ነጋድያን አጥለለ፣ 
ወአንሥአ ዓዲ ዘሞቱ አግማለ።

ወስብሐት ለእግዚአብሔር!

No events found.

ዜና ኅትመት

እዋናዊ ጽሑፋት

በዓለ እረፍት አቡነ ቦክረ ድንግል ኣብ ገዳም ኣቡነ ብፁዓ አምላክ…

ሓዋርያዊትን ኣጽናፋዊትን ዝኾነት ቅድሥቲ ቤተ ክስቲያን ሓደ ካብቲ መለለይአ ዝኾነ፡ንቅዱሳን ዘለዋ ክብርን ዝኽርን እዩ።ከምቲ ቅዱስ ጳውሎስ  “ተዘከሩ መኳኒንክሙ ዘነገርኩሙ ቃለ...

መመረቕታ ቤተ ክርስቲያን ደብረ ትጉሃን መላእክት ኣርባዕቱ እንስሳ ብድሙቕ መንፈሳዊ…

ኣብ ንኡስ ዞባ ማይ ዓይኒ ቤተ ክርስቲያን ደብረ ትጉሃን መላእክት ኣርባዕቱ እንስሳ ብፁዕ ወቅዱስ አቡነ ቄርሎስ ፓትርያርክ ዘኦርቶዶክስ ተዋሕዶ ቤተክርስቲያን...

ሓጺር መግለጺ ታሪኽ ሕይወትን ኣገልግሎትን ብፁዕ ወቅዱስ ኣቡነ ቄርሎስ 5ይ…

`` ዝንቱሰ ብእሲ ዘእምንእሱ ሕይወቱ ውስተ ቤተ እግዚኣብሔር / እዚ ሰብ እዚ ካብ ንእስነቱ ኣትኂዙ ኣተዓባብያኡ ኣብ ቤተ እግዚኣብሔር እዩ...

ጸሎተ ፍትሓትን ሰማዕታተ ኤርትራ

በስመ አብ ወወልድ ወመንፈስ ቅዱስ አሐዱ አምላክ። ሰብ ንሕይወቱ ኣብ ክንዲ ብጻዩ በጃ ዘሕልፍ፡ ካብዚ ዝዓቢ ፍቅሪ የልቦን፤ ዮሓ 15፥13 ኣብ ውሽጢ...

መግለጺ ቅዱስ ሲኖዶስ ድኅሪ ሢመተ 5ይ ፓትርያርክ!

መግለጺ ቅዱስ ሲኖዶስ ድኅሪ ሢመተ 5ይ ፓትርያርክ!

ሥርዓተ ሢመት ወጸሎተ ተቀብዖ ብፁዕ ወቅዱስ አቡነ ቄርሎስ ፭ይ ፓትርያርክ…

ሎሚ ዕለት ፮ ሰነ 2013 ዓ.ም (13/06/2021) ሥርዓተ ሢመት ወጸሎተ ተቀብዖ ብፁዕ ወቅዱስ አቡነ ቄርሎስ ፭ይ ፓትርያርክ ኣብ ርእሰ ኣድባራት...

ጸሎተ ሠርክ ሥርዓተ ተቀብዓ 5ይ ፓትርያርክ ዘኦርቶዶክስ ተዋሕዶ ቤተ ክርስቲያን…

5 ሰነ 2013 ዓ.ም. (12 ሰነ 2021 ዓ.ም.) ጸሎተ ሠርክ ኣብ ዋዜማ ሥርዓተ ተቐብዖ 5ይ ፓትርያርክ ዘኦርቶዶክስ ተዋሕዶ ቤተ ክርስቲያን...

ምድላው ክዳውንቲ 5ይ ፓትርያርክን ተፈጺሙ!

ብደብረ ደናግል ሰማዕት ቅድስት ድምያና በራሪ ሃገረ ግብጽ ኣልባሳት 5ይ ፓትርያርክ ብልዑል ጻዕሪ ኣብ ሓጺር እዋን ተዳልዩ፡ ብዕለት 4 ሰነ...

እንቋዕ ናብ በዓለ ዕርገት ጐይታናን ኣምላኽናን መድኃኒናን ኢየሱስ ክርስቶስ ብሰላም…

በስመ አብ ወወልድ ወመንፈስ ቅዱስ አሐዱ አምላክ! በዓለ ዕርገት፥ ሓደ ካብ ትሽዓተ ዓበይቲ በዓላት ኮይኑ፡ ጐይታናን መድኃኒናን ኢየሱስ ክርስቶስ ካብ ሙታን...

ኣብ ምቛም ቤተ መዘክርን ቤት ንባብን ርእሰ ኣድባራት ደብረ ጽዮን…

ብዋና ኣመኃዳሪ ቤት ጽሕፈት መንበረ ፓትርያርክ ኦርቶዶክስ ተዋሕዶ ቤተ ክርስቲያን ኤርትራ ብፁዕ አቡነ ባስልዮስ ዝተመርሐ ልዑኽ ኃለፍቲ ቤት ጽሕፈት መንበር...

ክብረ በዓል ቅድስት ድንግል ማርያም በለዛ ብድምቀት ተኸቢሩ!

ዓመታዊ 21 ግንቦት ኣስተርእዮ (ምግላጽ) ቅድስት ድንግል ማርያም ኣብ ደብረ ምጥማቅ ብምዝካር ዝኽበር ክብረ በዓል ቅድስት ድንግል ማርያም ኣብ ኩለን...

  

latest articles

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...