ሓዋርያዊት ቅድስት ቴክላ

Aug 01, 2020

ኣብ ዘመነ ስብከቱ ንሐዋርያ ጳውሎስ ዝስዕባ ካብ ዝነበራ ቅዱሳት ኣንስት ሓንቲ ቅድስት ቴክላ እያ። ኣብ ዝተወለደትሉ ሃገር ኒቆምድያ ኣብ ቤት ሓደ ስፋሮስ ዝስሙ ምእመን ኮይኑ ሓዋርያ ቅዱስ ጳውሎስ፡ ንብዙኅ ሕዝቢ ይምህር ነበረ። ቴክላ ድማ መስኮት ቤታ ከፊታ ንትምህርቱ ትሰምዕ ነበረት። ትምህርቱ ምስ ሰምዐት ንሠለስተ መዓልትን ለይትን እክለ ማይ ከይበልዐት ቀነየት። ትምህርቱ ድማ ኣብ ልባ ኃደረ እሞ ኣሰሩ ሰዓበት። ኣቦኣን ኣደኣን ግና መምለኽቲ ጣዖት ስለዝነበሩ እምብዛ ኃዘኑ። ኵሎም ቤተ ሰባ ከይተረፉ’ውን ንሓዋርያ ጳውሎስ ንኸይትቕበል ኣምሪሮም ለመንዋ። እንተኾነ ግና ካብ ቃለ እግዚአብሔር ካብ ፍቅረ ክርስቶስ ክፈልይዋ ኣይተኻእሎምን። ሮሜ 8፡35


ኣቦኣ፡ ዓቕሉ ጸቢብዎ ናብ ዲማኖስን ርምጋኖስን ዝበሃሉ ደያኙ ከሲሱ ኣቕረባ። እንተኾነ ኣገዲዶም ካብ ዕላማኣ ከታርፍዋ ኣይከኣሉን። ደጊሙ ኣቦኣ ንሓዋርያ ጳውሎስ ናብ ንጉሥ ከሰሶ። ንጉሥ ንሓዋርያ ጳውሎስ ኣጥቢቑ እኳ እንተ መርመሮ ዘቕጽዕ ገበን ኣይረኸበሉ። ትምህርቱ ስለዘይኃደገ ግና ኣብ ቤት ማእሠርቲ ዳጐኖ። 

ቅድስት ቴክላ፡ ነቲ ዘጌጸ ክዳውንታን ክቡር ስልማታን ደርብያ ናብቲ ቤተ ማእሠርቲ ብምኻድ ኣብ እግሪ ቅዱስ ጳውሎስ ሰገደት፡ ምስኡ እናተማህረት’ውን ተቐመጠት። ሥድራ ቤታ ደልዮም ሰኣንዋ። ሰባት ምስ ሓዋርያ ጳውሎስ ከምዘላ ነገሩዎም እሞ ኣብ መኰንን ኣክሲሶም ብእሳት ከቃጽሉዋ ተኣዘዘ። ኣደኣ ወላዲታ ከይተረፈት ጨቀነትላ። “ብዙኃት ኣንስቲ ንዕኣ ርእየን ምእንቲ ክስክሓ፡ ኣብ ቅድሚ ጉባኤ ኣንስት ብሓዊ ክትቃጸል ኣለዋ።” በለት።

ብእሳት ከቃጽሉዋ ናብቲ ሓዊ ወሰዱዋ። ንሓዋርያ ጳውሎስ’ውን ክትነድድ ከላ ምእንቲ ክሪኣ ናብኣ ወሰድዎ። እናጸለየ ብትእምርተ መሰቀል ኣማዕቲቡ ባረኻ። ብድኅር’ዚ ቅድስት ቴክላ፡ ዘሊላ ናብቲ እሳት ኣተወት፣ ኵለን ኣንስቲ ድማ ብንብዓት ተጋጬባ። እግዚአብሔር ግና ብርቱዕ ዝናምን በረድን መብረቕን ሰዲዱ ነቲ ሓዊ ኣጥፊኡ ከም ዝሑል ማይ ገበረላ። ገለ ከይተጐድአት ድማ ወፅአት።

ናብቲ ሓዋርያ ጳውሎስ ዝነበሮ ቦታ ከይዳ ደድኅሪኡ ኽትስዕብ ክፈቕደላ ለመነቶ። ንሱ ምስ ፈቐደላ ምስኡ ናብ ሃገረ ኣንጾኪያ ከደት። ሓደ ካብቶም መኳንንት፡ ብፆር ዝሙት ተሰኒፉ ነዓይ ተመርዓውኒ እናበለ ምስ ተፈታተና “ ኣነ መርዓት ክርስቶስ እየ። ንስኻን ኣማልኽትካን ግና ዝተረገምኩም ኢኹም” ብምባል ዘለፈቶ። ብድኅር’ዚ ተቘጢዑ ናብ ኣመኃዳሪ ናይታ ሃገር ከሰሳ። ንሱ ድማ ናብ ጕድጓድ ኣናብስት ክድርብይዋ ኣዘዘ እሞ ናብ ኣናብስት ደርበይዋ። እቶም ኣናብስት ግና ንኽልተ መዓልቲ ዝኣክል እግራ እናላሓሱ ብኽብሪ ሓለዉዋ። ኣብ መንጎ ኽልተ ኣብዑር ኣሲሮም’ውን ናብ ኵሉ ሃገር ጐተቱዋ። እንተኾነ ግና ዋላ ሓንቲ ኣይኮነትን።

ብድኅር’ዚ ናብ ቅዱስ ጳውሎስ ከደት። ንሱ ድማ ኣብ ሃይማኖታ ኽትጸንዕን ድኅሪ መከራ ዘሎ ዓስቢ ክትጥምትን ናብ ቆሎንያ እትብሃል ዓዲ ከይዳ ወንጌል ኽትሰብኽን ነገራ። ናብ ቆሎንያ ከይዳ ብስም ጐይታና መድኃኒና ኢየሱስ ክርስቶስ ሰበኸት። ቀጺላ ድማ ናብታ ዝተወለደትላ ዓዲ ብምኻድ ነቦኣን ነዲኣን ኣእሚና ናብ ቅድስት ሃይማኖት ጐይታናን መድኃኒናን ኢየሱስ ክርስቶስ ምስ ማኅበረ ክርስቲያን ጸንበረቶም።

ሃይማኖት ኣጽኒዓ፡ ስብከተ ወንጌል ኣስፊሓ ሠናይ ገድሊ ተጋዲላ፡ ጕያኣ ምስ ወድአት ድማ ኣኽሊል ዓወት ተቐቢላ 25 ሐምሌ ብሰላም ዓረፈት። ካብቲ መቓብራ ክሳዕ ሕጂ ተኣምር ይግበር ኣሎ።

ብጸሎት ቅድስት ቴክላ እግዚአብሔር ኣምላኽ ንዅልና ሕዝበ ክርስቲያን የሓልወና፡ ኣሜን።

ሰላም እብል ለሐዋርያዊት ቴክላ፣
እግዚአብሔር ዘአኃየላ፣
ኢያቍሰሉዋ አናብስት ወእቶነ እሳት ኢያህለላ፣
ሶበ ትምህርተ ጽድቅ ሰምዓት ከመ ጳውሎስ ይቤላ፣
ኀደገት አበዊሃ ወገደፈት ብዕላ።

ትርጕም ፦
ኣናብስት ከየቍሰሉዋ እቶነ እሳት ከየቃጽላ እግዚአብሔር ኃይሉ ሂብዋ ትምህርቲ ጽድቂ (ሓቀኛ) ናይ ጳውሎስ ሓዋርያ ሰሚዓ ሃብቲ ናይ ኣዲኣን ኣቦኣን ዝገደፈት ሓዋርያዊት ቴክላ ሰላም እብል።

ወስብሐት ለእግዚአብሔር ወለወላዲቱ ድንግል ወለመስቀሉ ክቡር!

No events found.
Ad Right

ዜና ኅትመት

እዋናዊ ጽሑፋት

ክብረ በዓል ወዝክረ ዕረፍት አቡነ ኤዎስጣቴዎስ 18 መስከረም 2013 ዓ.ም…

ኣብ ናይ መንፈስ ደቆም ገዳማትን ብሽሞም ኣብ ዝተሓንፁ ኣብያተ ክርስቲያንን ክብረ በዓል ኣቡነ ኤዎስጣቴዎስ ተኸቢሩ።

ክብረ በዓል ቅዱስ መስቀል 2013 ዓ.ም. ብመንፈሳዊ ተመስጦን ሓበንን ተባዒሉ!

ትማሊ ዕለት 17 መስከረም 2013 ዓ. ም. ክብረ በዓል ቅዱስ መስቀል፡ ዓቃቤ ወንበር ብፁዕ ኣቡነ ጴጥሮስ ዋና ጸሓፊ ቅዱስ ሲኖዶስ...

“ነቶም ቃል ኣምላኽ ዝነገሩኹም መራሕትኹም ዘክርዎም” ዕብ. 13፡7 - አቡነ…

ቅዱስ አቡነ ኤዎስጣቴዎስ ካብ ኣቦኡ ክርስቶስ ሞዐን፡ ኣደኡ ሥነ ሕይወትን ኣብ እንድርታ፡ ጽራእ ኣብ ዝተባህለ ዓዲ ተወልደ። ክርስቶስ ሞዐን ሥነ...

ወገብረ ሰላመ በደመ መስቀሉ/ ብደም መስቀሉ ሰላም ገብረ። ቈላ. 1፡19-20

በስመአብ ወወልድ ወመንፈስ ቅዱስ አሐዱ አምላክ!    * ኣመጻጽኣ መስቀል፣ መስቀል ማለት ‘ሰቀለ’ ካብ ዝብል ግእዛዊ ግሲ ዝተረኽበ ኾይኑ ትርጕሙ ድማ ዝተመሳቐለ...

እንቋዕ ናብ በዓለ መስቀል 2013 ዓ.ም. ኣብጽሓና!

ኣብ ውሽጢ ሃገርን ወፃእን እትነብሩ ምእመናንን ምእመናትን፣ ቅዱስ ፍቓዱ ኮይኑ ካብ ዘመነ ዮሓንስ ናብ ዘመነ ማቴዎስ ዘሰጋገረና እግዚአብሔር ኣምላኽና፣ እንቋዕ...

ንቤት ንባብ ደብረ ሲና ቅድስት ሥላሴ መንፈሳዊ ኮሌጅ ዘገልግል…

ንቤት ንባብ ደብረ ሲና ቅድስት ስላሴ መንፈሳዊ ኮሌጅ ኣብ መሥርሕ ምምሃርን ምስትምሃርን ከም መወከሲ ዘገልግል መጻሕፍቲ ብገባሬ ሠናይ ኣቶ ቴድሮስ...

ዓመታዊ በዓል ቤት ትምህርት ሰንበት ቅዱስ ዮሐንስ ቤተ ክርስቲያን መድኃኔ…

ብዕለት 2 መስከረም 2013 ዓ.ም.ግ. “እግዚአብሔር ከኣ በደልካ ኣርሒቑልካ እዩ ኣይትመውትን ኢኻ” 2ይ ሳሙ. 12፡13 ብዝብል ኃይለ ቃል ዓመታዊ በዓል...

ካብ ርእሰ ዓውደ ዓመት ክሳዕ ፀአተ ክረምት

1. ካብ ዮሐንስ (መለወጢ ዘመን ) ክሳዕ ዘካርያስ (1 መስከረም ክሳዕ 8 መስከረም) ሓድሽ ዓመት ዝትክኣሉ እዋን ስለዝኾነ ኣብ ልቢ ክርስቲያን...

በዓለ ሥእል ዘጼዴንያ

ብመሠረት ትምህርቲ ቅድስት ቤተ ክርስቲያን ካብ ቅዱሳት ኣሣእል ብዙኅን ዓቢይን ጥቕሚ ይርከብ። ኣብ ቅዱሳት መጻሕፍቲ ዝርከቡ ትምህርትታትን ታሪኻትን ብሥእላዊ ኣገላልጻ...

ሓድሽ ዓመት ብሓድሽ መንፈስ!

ኣብቲ ብብርሃን ዝወቀበ ዘመን ኣዳራሽ ፡ ኣርባዕተ ወንጌላውያን ከም ዕንቍ ተኾሊዖም ብሓጐስ ዝነብርሉ፡ ሓደ ንበይኑ ኣብ መደቡ ግልል ኢሉ ነበረ።...

ዓመታዊ በዓል ቤት ትምህርት ሰንበት ቅዱስ ሩፋኤል ቤተ ክርስቲያን መድኃኔ…

ብዕለት 3 ጳጕሜን 2012 ዓ.ም.ግ. “ሕይወቱ ምሉእ ንእግዚአብሔር ኣሚኑ ዝኃፈረ የለን” መጽ.ሲራ. 2፡10 ብዝብል ኃይለ ቃል ዓመታዊ በዓል ቤት ትምህርት...

ገዳም ደብረ ደናግል ሰማዕት ቅድስት ኣርሴማ ገዳመን ክሓንፃ ፕላን ኣጽዲቀን…

ናይ ደቀ ኣንስትዮ ገዳም ደብረ ደናግል ሰማዕት ቅድስት ኣርሴማ ብ29 መስከረም ብሠናይ ፍቓድ ቅዱስ ሲኖዶስ ምስ ተገደመ ቤተ ጸሎት፡ መንበሪ...

  

latest articles

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...

Ascension

After the Lord Jesus Christ had finished the operation of His wisdom upon earth, by His Passion, and His Death...

Tsinset (Annunciation – Feast of Incarnation)

In accordance with the cannon of the Church, one of the nine major feast days of Our Lord. it Tsinset (Annunciation...