ሊቀ ሓዋርያት ቅዱስ ጴጥሮስ

Jul 12, 2021

በስመ አብ ወወልድ ወመንፈስ ቅዱስ አሐዱ አምላክ!

ቅዱሳን ሓዋርያት: ብኸመይ ከም እተጸውዑን ክሳዕ ዕርገት ዝነበርዎ ኵነታትን ኣብ ኣርባዕቱ ወንጌል፡ ድኅሪ ዕርገትን ክሳዕ መጀመርያ ስሳታትን ከኣ ኣብ ግብረ ሓዋርያት ተጻሒፉ ይርከብ። ብሰፊሑ ታሪኽን ገድልን ሓዋርያት ንምፍላጥ ግና እቲ እንኮ ምንጪ ኣብ ቅድስቲ ቤተ ክርስቲያንና ዝርከቡ መጻሕፍቲ ታሪኽ እዮም።
ስለዚ ካብዞም ዝተጠቕሱ ቅዱሳት መጻሕፍቲ መወከሲ ብምግባር ናይ ሊቀ ሓዋርያት ቅዱስ ጴጥሮስን ቅዱስ ጳውሎስን ታሪኽን ገድልን ብኸፊሉ ከነቕርብ ኢና እሞ በረከተ ኣምላኩ ምስ ኵልና ይኹን!

ቅዱስ ጴጥሮስ፡ ኣብ ወሰናስን ባሕሪ ገሊላ ኣብ እትርከብ ቤተ ሳይዳ ተወሊዱ። ስም ኣቦኡ ዮና ኾይኑ። ዚዓበየላ ኸተማ ቅፍርናሆም ኮይና፡ ምስ እንድርያስ ኃዉ ኣብ ባሕሪ ገሊላ ዓሣ ይገፉ ነበሩ።

ጐይታናን ኣምላኽናን መድኃኒናን ኢየሱስ ክርስቶስ ድማ ንወንጌል ከም መርበብ፡ ንሰብ ከም ዓሳ ጌርኩም ካብ ባሕሪ ዓለም ከም እተሳግሩ ከም እትምህሩ ክገብረኩም እየ እሞ “ንዑ ሰዓቡኒ” ምስ በሎም፡ መርበቦምን ጃልባኦምን ኃዲጎም ንወላዲኦም ገዲፎም ሰዓቡ። ማቴ. 4፡18-19 ኣብ ዚተጸውዓሉ ጊዜ፡ ቅዱስ ጴጥሮስ ንሓዋርያነት ክምረጽ እንከሎ ዕድሚኡ ኃምሳን ኃሙሽተን ዓመት ነበረ።

እቲ ናይ መጀመሪያ ስሙ ‘ስምዖን’ ክኸውን ከሎ፡ ደኃር ግና ኣብ ከተማ ቂሳርያ ጐይታናን ኣምላኽናን መድኃኒናን ኢየሱስ ክርስቶስ ንሓዋርያት “ንስኻትኹም መን ትብሉኒ፧” ኢሉ ኣብ ዝሓተተሉ ጊዜ “ንስኻ ወዲ ሕያው እግዚአብሔር ኢኻ” ኢሉ ብምምስካሩ ጐይታና “ንስኻ ጴጥሮስ ኢኻ” በሎ። እዚ ድማ ከውሒ፡ መሠረት ማለት እዩ። ብኣረማይክ ድማ ኬፋ ይበሃል። (ማቴ. 16፡18)
 

ቅዱስ ጴጥሮስ ንጐይታና ብብርቱዕ መንፈሳዊ ቅንኣት ዚተሓወሶ ፍቕሪ ይስዕቦ ስለዝነበረ፡ ጐይታና ንደቀ መዛሙርቱ ብዛዕባ ነገረ ሞቱ ምስ ነገሮም “ይባልህካ እባ ደኣ ጐይታይ እዚስ ኣይብጻሕካ፣ ዅላቶም እኳ እንተኸሓዱኻ ኣነስ ከቶ ኣይክሕደካን እየ” በለ። ዋላ ጐይታና “ደርሆ ኸይነቀወ ሠለስተ ሳዕ ከም እትኽሕደኒ ብሓቂ እብለካ ኣሎኹ” እንተ በሎ “ምሳኻ ምማት ኣድላይ እኳ እንተኾነ ምሳኻ እመውት እምበር ከቶ ኣይክሕደካን እየ” ብምባል ተዛረበ። (ማቴ. 26፡ 34) ነዚ ዝበሎ ከተግብሮ ፈቲኑ ነይሩ። ሠራዊት ሮም ንጐይታና ንኺኅዝዎ ምስ ቀረቡ፡ ነቲ ጊልያ ሊቀ ካህናት ዝነበረ ማልኮስ ዝስሙ ሰብኣይ ብሰይፉ ወቒዑ የማነይቲ ዕዝኑ ቘረጾ። (ዮሓ. 18፡10) ጐይታናን ኣምላኽናን መድኃኒናን ኢየሱስ ክርስቶስ ምእንቲ ድኅነት ዓለም ዝሞቶ ሞት ብፍቓዱ ስለ ዝነበረ ግና “ሰይፍኻ ናብ ሰገባኡ ምለሶ” ኢሉ ገሢጹ፡ ንማልኮስ ኣሕወዮ።

ሓዋርያ ጴጥሮስ፡ ጐይታና ብሓናን ቀያፋን፡ ብመኳንንትን ወተሃደራትን ሮማ መከራ መስቀል ኪቕበል ከሎ ብርኁቕ ይስዕቦ ስለዝነበረ፡ ናብ ቀጽሪ ሊቀ ካህናት ቀያፋ ምስ ኣእተውዎ ተኸቲልዎ ኣተወ። እንተኾነ ግና ንጐይታ “ኣይፈልጦን’የ” ኢሉ ሠለስተ ሳዕ ብልሳኑ ኸሓደ። ኣብዚ እዋን እዚ ደርሆ ነቀወ። ብኡ ንብኡ በደሉ ተኣሚኑ ኣምሪሩ ብምብካይ ብልቡ ተነስሐ። ጐይታና ድማ ድኅሪ ትንሣኤኡ ንስሓኡ ከምዝተቐበለሉ ንኺገልጸሉ ኣብ ባሕሪ ጥብርያርዶስ ተገሊጹ፡ ስለቲ ሠለስተ ጊዜ ዚኸሓዶ ሠለስተ ጊዜ ተፍቅረኒ ዲኻ፧ ኢሉ ሎሚ ውን ከምዝፈትዎን ነቲ ኣቐዲሙ ዝሃቦ ክብሪ ከምዘይጕድለሉን ነጊሩ ሓደራ ሃቦ። (ዮሓ. 21፡15-17) ቅዱስ ጴጥሮስ፡ በዚ ኣብ ባሕሪ ጥብርያዶስ ዝተዋህቦ ሓደራን ኣብ ቂሳርያ ዝተዋህቦ ቃል ኪዳንን ከምኡ’ውን ብኣቦነቱን ሽምግልናኡን ኣብ ዝርዝር ኣስማት ሓዋርያት ብቐዳምነት ዚጥቀስ
ሓዋርያ እዩ።

ጐይታና ኣብ በዓል ኃምሳ ጸጋ መንፈስ ቅዱስ ንደቂ መዛሙርቱ ኣብ ዘውረደሉ ጊዜ፡ ነቶም ተኣኪቦም ዝነበሩ ኣይሁድ ኣፈ ጉባኤ ሓዋርያት ኮይኑ ወንጌል ዚሰበኸ፡ ኣብቲ ኣብ ኢየሩሳሌም ዝተገብረ ሲኖዶስ ሓዋርያት ነቲ ካብ ምእመናን ኣንጾኪያ ዝቐረበ ሕቶታት ናይ መጀመርታ መልሲ ዚሃበ ከምኡ’ውን ንቆርኔሌዎስ ብምጥማቁ ንኣሕዛብ ወንጌል ኣቐዲሙ ዚሰበኸን በቲ ዝተዋህቦ ጸጋ ጽላሎቱ ከይተረፈ ድዉያን ዚፍውስ ዝነበረ ሓዋርያ እዩ። (ግብ. 2፡14-37፣ 5፡15፣ ግብ. 10፡1-11፣ ግብ. 15) 

ቅዱስ ጴጥሮስ ብኣካል በጺሑ ኣብ ፍልስጥኤም፡ ሶርያ፡ ጳንጣን፡ ገላትያ፡ ቀጶዶቅያ፡ ቢታንያ፡ ሮሜ፡ . . . ቃል እግዚአብሔር ኪሰብኽ ከሎ ብጽሑፍ ድማ ኣብ ሓድሽ ኪዳን ክልተ መልእኽትታት ጽሒፉ ኣሎ።
ብስብከት ሓዋርያ ቅዱስ ጴጥሮስ ክርስቲያናት ሮሜ ኣብ ርእሲ ምብዝኆም እቲ ስብከት ክርስትና ክሳብ ሰበ ሥልጣን ሮሜ በጽሐ። ኣንስቲ ናይ ኔሮን ቀረባ ሰበ ሥልጣን ዝኾኑ በዓል ኣልቢኖስን ኣግሪጳን ከይተረፋ ናብ ክርስትና ኣተዋ። በዚ ዅነታት ዝተረበሸ ንጉሥ ሮማ ኔሮን ብሰይጣናዊ ሓሳብ ተላዕለ። ኣንስቲ ኣግቢኖስን ኣግሪጳን፡ ቅዱስ ጳውሎስ ኣብ ቤት ማእሰርቲ ኸሎ ተሰይፉ ብሰማዕትነት ከምዝዓረፈ ስለዝሰምዓ፡ ንቅዱስ ጴጥሮስ “ንስኻባ ሃዲምካ ትረፈልና” ኢለን፡ በቲ ቐጽሪ ናይታ ከተማ ብገመድ ኣሲረን ኣብ ዘንቢል ገይረን ብምውራድ ንቐጽሪ ሮማ ሰጊሩ ከምዝወፅእ ገበራ።

ብድኅር’ዚ ሓዋርያ ቅዱስ ጴጥሮስ ቀስ እናበለ በቲ ድኹም ጕልበቱ እናተጓዕዘ እንከሎ፡ ጐይታናን ኣምላኽናን መድኃኒናን ኢየሱስ ክርስቶስ ብኣምሳል ቀይሕ መንእሰይ ተገሊጹ ናብኡ ገጹ ክመጽእ ተራእዮ። ሽዑ ንሽዑ ኣብ ቅድሚኡ ተደፊኡ “ጐይታይ ናበይ ትጓዓዝ ኣለኻ፧” ኢሉ ሓተቶ። ጐይታና ድማ “ዳግማይ ኣብ ሮም ክስቀል” በሎ። ቅዱስ ጴጥሮስ ከኣ “ኣነ እምበር ጐይታይ ክስቀል ይግብኣኒ” ብምባል ከም እንደገና ናብ ሮማ ተመሊሱ፡ “እንሆ ስቐሉኒ” በሎም እሞ፡ ወተሃደራት ኔሮን ይደልይዎ ስለዝነበሩ ኂዞም ኣሰርዎ። ኪሰቕልዎ ዕንፀይቲ ምስ ቀረቡ፡ ቅዱስ ጴጥሮስ፡ “ኣነ ከም ጐይታይ ክሰቀል ኣይግብኣንን” ብምባል ቍልቁል ኣፉ ገይሮም ንኺሰቕልዎ ለመኖም። ንሳቶም ድማ ከምቲ ዚበሎም ድማ ቍልቁል ኣፉ ገይሮም ሰቐልዎ። በዚ ኸኣ 5 ሓምለ 67 ዓ.ም. ብሰማዕትነት ዓረፈ።
 

ጥንታውያን መዛግብቲ፡ ናይ ቅዱስ ጴጥሮስ መልክዕን ቁመና ኣካልን ኪገልጹ ኸለዉ፦ “ርእሱ በራሕ፡ ገጹ ስፍሕ ዝበለ ጨሓምን ኮይኑ ማእከላይ ቁመት ነበሮ።”

ጸሎቱን በረኸቱን ምስ ኵልና ሕዝበ ክርስቲያን ይኹን!!!

 

Ad Right

ዘመነ ማርቆስ 15 መስከረም 2014 ዓ.…

September
Saturday
25
ፍልሰተ ሥጋሁ ለእስጢፋኖስ፡ ወአባጴጥሮስ። ዘቅዳሴ ምንባብ መልእክታት ቈላ.1፡1-10 ያዕ. 5፡13-ፍጻሜ ግብረ ሓዋርያት ግብ. ሐዋ. 6፡7-ፍጻሜ ምስባክ መዝ. 127/128 ወንጌል ዮሐ. 15፡12-19 ቅዳሴ ቅዳሴ ዘወልደ ነጐድጓድ። * * *
00:00 h

ዜና ኅትመት

እዋናዊ ጽሑፋት

ሓድነታዊ ጉባኤ ሓድሽ ዝተመርጸ ምምሕዳር ሰበካ ጉባኤን ምእመናን ኣባላት ሰበካ…

መሪሕነት ኣባላት ሰበካ ጉባኤ መድኃኔ ዓለም ኦርቶዶክስ ተዋሕዶ ቤተ ክርቲያን ኤርትራ (ሉሳካ) ከምኡውን ምእመናን ምእመናት ነበርቲ ሃገረ ዛምብያ ብማእከልነት ቀሲስ...

ጉባኤ ማኅበር መላእ ኣብያተ ክርስቲያናት ኣፍሪቃ ኣብ ሃገረ ዛምብያ ይካየድ…

ብማኅበር መላእ ኣብያተ ክርስቲያናት ኣፍሪቃን(AACC) ብኣኣንጋድነት ቤት ምኽሪ ኣብያተ ክርስቲያናት ዛምብያ (CCZ) ተወዲቡ፡ ኣብ ዛዕባ ሕዝባዊ ዕዳን ብልሽውናን ምቁጽጻር ከምኡ’ውን...

ጉባኤ ኤፌሶን (431 ዓ.ም.) 1ይ ክፋል

ዝቐደመ ጉባኤታት ኣብ ምሥጢረ ሥላሴ ንዝተላዕለ ኑፋቄታት፣ ብፍላይ ብተመሃሮ ቤት ትምህርቲ አንጾኪያ፣  መልሲን ግቡእ መግትኢ ዝኸውን ውግዘትን ኣቐሚጡ ነበረ። ብድሕሪ...

በዓለ ሥእል ዘጼዴንያ

ብመሠረት ትምህርቲ ቅድስት ቤተ ክርስቲያን ካብ ቅዱሳት ኣሣእል ብዙኅን ዓቢይን ጥቕሚ ይርከብ። ኣብ ቅዱሳት መጻሕፍቲ ዝርከቡ ትምህርትታትን ታሪኻትን ብሥእላዊ ኣገላልጻ...

በዅሪ ጽምብል ሥነ ሥርዓት መመረቕታ ኮለጅ ነገረ መለኮት ደብረ ሲና…

ኮለጅ ነገረ መለኮት ደብረ ሲና ቅድስት ሥላሴ ዘኦርቶዶክስ ተዋሕዶ ቤተ ክርስቲያን ኤርትራ፡ ብመዓልታውን ምሸታውን መርሐ ግብር ክምህሮም ካብ ዝጸንሐ ተማሃሮ፡...

“ነቢይ ኢሳይያስ”

ነቢይ ማለት ፡ መንፈስ ትንቢት ኃዲርዎ ብዛዕባ ዚመጽእ ትንቢት ዚንበ፣ ብዛዕባ ዝኃለፈን ዚመጽእን ራእይ ዚርኢ፣ ብዛዕባ ግብረ እግዚአብሔር ኣብ ታሪኽ...

ዜና መዋዕል ካብ ልደት ክሳዕ ግብአተ መሬት መሪጌታ ባራኺ ገብረመድኅን…

በስመ አብ ወወልድ ወመንፈስ ቅዱስ አሐዱ አምላክ! “በድርየኒ ፈጸምኩ ወሃይማኖትየኒ ዐቀብኩ፡ እንከሰ ጽኑሐ ሊተ አክሊለ ጽድቅ ዘየዐሥየኒ እግዚአብሔር ይእተ ዕለተ መኰንነ...

ኣብ ቤት ማኅተም ኮከበ ጽባሕ ንልዕሊ 20 ዓመት ዝሠርሑ መሪጌታ…

ናይ ኤርትራ ኦርቶዶክስ ተዋሕዶ ቤተ ክርስቲያን ቤት ማኅተም ኮከበ ጽባሕ ማኅበረ ሓዋርያት ንልዕሊ 20 ዓመት ዝሠርሑ መሪጌታ በራኺ ገብረመድኅን ኣብ...

እንቋዕ ካብ ዘመነ ማቴዎስ ናብ ዘመነ ማርቆስ ብሰላም ኣሰጋገረናን ኣብጽሓናን!

ዝናም ብመብረቕን ድምፂ ነጐድጓድን ተዓጂቡ ንምድሪ ዘዕለቕልቐሉ ወርኀ ክረምት ኣኅሊፉ፡ ንምድሪ ብልምላሜን ጽጌያትን ኣወቂቡ፡ ናብዚ ሓዲስ ዘመን ንሰጋገረሉ ወርኀ መስከረም...

ካብ ርእሰ ዓውደ ዓመት ክሳዕ ፀአተ ክረምት

1. ካብ ዮሐንስ (መለወጢ ዘመን ) ክሳዕ ዘካርያስ (1 መስከረም ክሳዕ 8 መስከረም) ሓድሽ ዓመት ዝትክኣሉ እዋን ስለዝኾነ ኣብ ልቢ ክርስቲያን...

ቃለ ቡራኬ ርእሰ ዓውደ ዓመት 2014 ዓ.ም.

አቀድም አእኵቶቶ ለእግዚአብሔር በኢየሱስ ክርስቶስ በእንተ ኵልክሙ እስመ ተሰምዓት ሃይማኖትክሙ ውስተ ኵሉ ዓለም። (ሮሜ ፲፩፡፰)/ ኣቐዲመ ንዂልኻትኩም ብኢየሱስ ክርስቶስ ሃይማኖትኩም...

ዜና ዕረፍት ሊቀ ሊቃውንት ኃይለሥላሴ ገብረሚካኤል

 “ኣታ ሕያዋይን እሙንን ኣገልጋሊ . . . ናብ ሓጐስ ጐይታኻ እቶ” (ማቴ. 25፡21) ሊቀ ሊቃውንት ኃይለሥላሴ ገብረሚካኤል ኣብ መበል 90 ዕድሚኦም...

  

latest articles

Transfiguration: (Debre Tabor)

This is the day celebrated on Nehase (August) 13 G.C. in which Our Lord Jesus Christ during his ministry, manifested...

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...