ምጽዋት

Feb 03, 2018

ምጽዋት፡- ናይ ግእዝ ቃል ኾይኑ ሕያብ ለውሃት ልግስና ማለት እዩ፡ ምጽዋት መግለጺ ምሕረት እዩ። (ፍት. ነገ. ኣንቀጽ 16 ቁ125)

ምጽዋት ባሕርየ እግዚአብሔር እዩ።

ምጽዋት ርኅራኄን ለውሓትን ካብ ኣምላኽ ዝተወሃበና ጸጋ እዩ። ንሰብ ድማ ብዝኸኣሎ መጠን ንፈጣሪኡ ክመስል ይገብሮ። እግዚአብሔር ኣምላኽ ንዝህቦ ህያብ መልሲ ከይደለየ ከይለመንዎ ንፍጥረታ ዘድልዮም ነገራት ኵሉ ፈሊጡ ይህብ።

ርህራሄ ናይ ፍጽምና ናይ ፍቕሪ መግለጺ እዩ። “ከምቲ ሰማያዊ ኣቦኹም ብምሕረት ፍጹም ዝኾነ፡ ባእድ ዘመድ ከይበልኩም ንዅሉ ብምፍቓር ፍጹማን ኩኑ” (ትርጓሜ ማቴ. 5፡48) “እቲ ኻባኻ ዝተቐበልናዮ ኸኣ ኢና ዝሃብናካ” (1ይ ዜና. 29፡14)


ጐይታናን ኣምላኽናን መድኃኒናን ኢየሱስ ክርስቶስ ንዝጠመዩ ንዝጸምኡ ንዝዓረቁ ይሓዝነሎምን ንይርሕርሓሎም ነበረ። ነቶም ንትምህርቱ ንተኣምራቱ ክርእዩ ዝስእብዎ ዝነበሩ፡ “ዝበልዕዎ ድማ የብሎምን እሞ የደንግጹኒ ኣለዉ ስለዚ ኣብ መንገዲ ከይሰንፉ ጾሞም ከፋንዎም ኣይደልን” ብምባል ነቲ ዝነበረ ሒደት ባሪኹ ኣበርኺቱ መገቦም ብለውኃቱ’ውን ኣጽገቦም። (ማቴ. 15፡32) ድኻታት ኣብ ምድሪ ክሳዕ ዘለዉ ምጽዋት ዘይተርፍ ግቡእ ምዃኑ ንከረድእ ድማ “ድኻታትሲ ዅሉ ጊዜ ምሳኻትኩም ኣለዉ” ብምባል ተዛሪቡ እዩ። (ማቴ. 26፡11)

ምጽዋት ንኣምላኽ ዝወሃብ ልቃሕ እዩ። “ጥሪትኩም ሸጥኩም ምጽዋት ሃቡ። ሠራቒ ኣብ ዘይረኽቦ ነቐዝ ኣብ ዘየበላሽዎ። ዘይበሊ ማኅፉዳን ዘይጐድል ሃብትን ኣብ ሰማይ ዕቘሩ።” (ሉቃ. 12፡33) “እቲ ንድኻ ዚህብ ንእግዚአብሔር የለቅሖ፡ እግዚአብሔር ከኣ ኪፈድዮ እዩ።” (ምሳ. 19፡17)

ምጽዋት ብንብረታዊ ነገራት ዝውሰን ኣይኮነን።

ምጽዋት ዝብሃል ቃል ክዝረብ ከሎ ኣብ ሕሊና ዝቕረጽ ዝረአ ናይ ገንዘብ ናይ መግቢ ወይ’ውን ናይ ንብረት ህያብ እዩ ፡ ይኹን እምበር ምጽዋት ብገንዘባዊ ዓይነት ጥራይ ዝተወሰነ ኣይኮነ። ምጽዋት ካብ ዘለኻ ነገር ንዘይብሉ ምርዳእ ክሳዕ ዝኾነ ዝቑጸርን ዝስፈርን ጥራይ ኣይኾነን። ንድኹምን ብጕልበት ንዘይተመሃሩ ብፍልጠትኻ፡ ምዕዶ ንዝደሊ ብምዕዳ ነዚ ዝመሰለ ኵሉ ዓይነት ምርዳእ’ውን ምጽዋት እዩ። ሓዋርያ ጴጥሮስን ዮሓንስን ነቲ ኣብ ኣፍ ደገ ቤት መቕደስ ዝልምን ዝነበረ ሰብኣይ ቅዱስ ጴጥሮስ “ወርቅን ብሩርን የብለይን እቲ ዘሎኒ ግና እህበካ ኣሎኹ ብስም ኢየሱስ ክርስቶስ ናዝራዊ ተንሥእ እሞ ኺድ” ብምባል ምሕረት መጽወተሉ። (ሓዋ. 3፡2-10)

ኣብ ቅዱስ መጽሓፍ “መሓርቲ ምሕረት ክረኽቡ እዮም እሞ ብፁዓን እዮም።” (ማቴ. 5፡7) ዝተባህለ ኣንቀጽ ዘመሓላልፎ ሰፊሕ ትምህርቲ ኣሎ፡ ምሕረት ኣብ ትርጓሜ ከም ዝገልጾ ሰብኣዊን መንፈሳዊን ይበሃል።

1. ሰብኣዊ ምሕረት፦ እዚ ንዝጠመየ ብምብላዕ፡ ንዝጸምዐ ብምስታይ፡ ንዝኣረቐ ብምኽዳን ፡ ንዝተጸገመ ብምሕጋዝ፡ ንዝበደለኻ ይቕረ ብምባል፡ ዝኣመሰለ ብምግባር ዝፍጸም እዩ።
2. መንፈሳዊ ምሕረት፡ እዚ ንዝተጋገዩ ምሂርካ ቅኑዕ እምነትን ሠናይ ተግባርን ከም ዝኅዙ ምግባር እዩ። ከምኡውን መንፈሳዊ ምሕረት መጥዎተ ርእስ (በጃ ምሕላፍ) እዩ። (ዮሓ. 15፡13)። ከም ናይ ኣንጢላርዮስ ታሪኽ እዩ። (ስንክሳር 27 መስከረም።)

ምጽዋት በረኸት ዘውህብ ትእዛዝ እግዚአብሔር እዩ።

ምጽዋት ምሃብ ንእግዚአብሔር ዘሕጉስ ከምዝኾነን ነቲ መጽዋቲ ድማ ካብ እግዚአብሔር በረኸት ከም ዘውህብ ኣብ ብሉይን ሓዲሽን ኪዳን ብሰፊሑ ተገሊጹ ንረኽቦ።
• “ድኻታት ኣብ ማእከል ሃገር ኣይሰኣኑንን እዮም እሞ ነቲ ኣብ ማእከል ሃገሩም ዘሎ እስራኤላዊ ኃውኩምን ሽጉርኩምን ድኻኹምን ኣጸቢቕኩም ብልግሲ ሃብዎ ኢለ እእዝዘኩም ኣሎኹ።” (ዘዳ. 15፡ 11)
• “እስራኤላዊ ኃውካ እንተ ደኸየ እሞ ምሳኻ ኸሎ እንተሰኣነ ኸም ጓናን ከም ጋሻን ጌርካ ምሳኻ ኣንብሮ።” (ዘሌ. 25፡35)
• ግራትካ ኽትዓጽድ ከሎኻ ነቲ ደረት ግራትካ ፈጺምካ ኣይትዕጸዶ። ነቲ ቐሪም ዓጺድካ እውን ኣይትእረዮ። ንወይንኻ ድማ ተረፍ ዘይብሉ ጌርካ ኣይትእረዮ ነቲ ዝወደቐ ፍረ ኸኣ ኣይትእረዮ። ንድኻን ንስደተኛን ደኣ ኅደጎ። ኣነ እግዚአብሔር ኣምላኽካ እየ።” (ዘሌ. 19፡9-10 ዘዳ. 24፡19-21)
• “ካብ መሥዋዕቲ ኸተቕርቡለይሲ ምሕረት(ምጽዋት) ክትገብሩ እፈቱ።” (ሆሴ. 6፡6)
• “ንድኻ ዚሓልየሉ ሰብ ብፁዕ እዩ፡ እግዚአብሔር ከኣ ብመዓልቲ መከራ ኼናግፎ እዩ።” (መዝ. 41፡1)
• “ስለዚ ኦ ንጉሥ ምኽረይ ስማዕ፡ ቅሳነት ዘለዎ ነዊኅ ዕድማ ኽትረክብ ምኅጣእ ኅደግ ጽድቂ ግበር ንድኻታት መጽውት፡ ሽዑ ኅድገት ኃጢኣት ክትረክብ ኢኻ።” (ዳን. 4፡27)
• “ገለ ሰባት ገንዘቦም ለጊሶም ይህቡ መሊሶም ከኣ ይህብትሙ። ገለ ኸኣ ብዘይግባእ ይቝጥቡ ኣዝዮም ከኣ ይነድዩ።” (ምሳ. 11፡24) “ንድኻ ዚህብ ገለ ኣይጐድሎን እቲ ኣዕይንቱ ዚዕምተሉ ግና ብዙኅ መርገም ይወርዶ” (ምሳ. 28፡27)
• “ነቲ ዝለመነካ ሃቦ፡ ካባኻ ኺልቃሕ ንዚደሊውን ኣይትኽልኣዮ።” (ማቴ. 5፡42)
• “ንኣምላኽ ከምዚ ዘኣመሰለ መሥዋዕቲ እዩ ዜሐጕሶ እሞ ሠናይ ምግባርን ዘሎኩም ምስ ካልኦት ምምቓልን ኣይትረስዑ።” (ዕብ. 13፡16)
• “ብየማኑ ንዘለዉ ‘ኣቱ ናይ ኣቦይ ቡሩኻት እቲ ዓለም ኪፍጠር ከሎ ዝተዳለወልኩም መንግሥቲ ኽትወርሱ ንዑ። ምኽንያቱ ኸኣ ጠምየ ኣብላዕኩምኒ ጸሚአ ኣስቴኹምኒ ጋሻ ኾይነ መጺአ ተቐበልኹምኒ ዓሪቐ ኸደንኩሚ ሓሚመ በጻህኩምኒ ተኣሲረ ኣጸናናዕኩምኒ” (ማቴ. 25፡34)

ምጽዋት መግለጺ ክርስቲያናዊ ሥነ ምግባር እዩ።

ምጽዋት ሰብ ንሰብ ዘለዎ ሠናይ ፈቓድ ዝገልጸሉ ክርስቲያናዊ ሥነ ምግባር እዩ። “ብብዙኅ ጸበባ ተፈቲኖም ኃሊፎም እዮም። እንተኾነ ሕጉሳት ስለ ዝኾኑ ኣዝዮም ድኻታት እኳ እንተ ኾኑ ኣዝዮም ለጋሳት እዮም።” (2ይ ቆሮ. 8፡2) “እሞ ሓደ ካባኻትኩም ንሥጋኦም ዜድሊ ከይሃበ “ብሰላም ኪዱ ሙቑ ጽገቡ” እንተ በሎም እንታይ ይጠቅም፧” (ያዕ. 2፡16) “ጸላኢኻ እንተ ጠመየ እንጌራ ኣብልዓዮ፡ እንተ ጸምአውን ማይ ኣስትዮ። ከምዚ እንተ ደኣ ጌርካ ኸም ብጓህሪ ብኅፍረት ከተንድዶ ኢኻ፡ እግዚአብሔር ከኣ ኺፈድየካ እዩ።” ምሳ. 25፡21 “ንምሃብ ድልየት እንተ ደኣ ኣልዩ እቲ ውህበት ቅቡል እዩ እንተኾነ ኸም ዓቕሙ ደኣ እምበር ልዕሊ ዓቕሙ ኪኸውን የብሉን።” 2ይ ቆሮ. 8፡12

ኣፈጻጸማ ምጽዋት

ምጽዋት ንኣምላኽ ዝወሃብ ልቓሕ ምዃኑ ብምእማን፡ (እቲ ንድኻ ዚህብ ንእግዚአብሔር የለቅሖ፡ እግዚአብሔር ከኣ ኪፈድዮ እዩ። ምሳ 19፡17) ምጽዋት ሰራቒ ኣብ ዘይረኽቦ ነቐዝ ኣብ ዘየባላሽዎ ዘይበሊ ማኅፉዳን ዘይጐድል ሃብትን ኣብ ሰማይ ምእቋር ምዃኑ ብምፍላጥ (ሉቃ. 12፡33 ፣ ማቴ. 6፡19-21) ከምቲ ጐይታ “ክትምጽውት ከሎኻ እቶም ግቡዛት ብሰብ ምእንቲ ኺንኣዱ ኣብ ናይ ኣይሁድ ኣባይቲ ጸሎትን ዓበይቲ መገድታኣትን ከም ዚገብርዎ ኣብ ቅድሜኻ መለኸት ኣይትንፋሕ። ዓስቦም ከም ዝተቐበሉ ብሓቂ እብለኩ ኣሎኹ። ንስኻ ግና ምጽዋትካ ብኅቡእ ምእንቲ ኪኸውን ክትምጽውት ከሎኻ የማነይትኻ እትገብሮ ጸጋመይትኻ ኣይትፍለጦ፡ እቲ ብሥውር ዚርኢ ኣቦኻ ድማ ብግልጺ ኪፈድየካ እዩ።” (ማቴ. 6፡2) ኢሉ ዝመሃረና ምጽዋት ካብ ግብዝነትን ውዳሴ ከንቱ ተፈሊና ክኸውን ኣሎዎ። ግና ኣብነት ንምዃን ብዘይ ግብዝነት ብግልጺ ይፍጸም። “ነቲ ጽቡቕ ግብርኹምም ርእዮም ኣብ ሰማያት ንዘሎ ኣቦኹም ምእንቲ ኼመስግንዎ ብርሃንኩም ኣብ ቅድሚ ሰብ ይብራህ” (ማቴ. 15፡16) ዝበሎ።

ምጽዋት ብዘይ ግብዝነት ካብቲ ዘለኻ ብፍቕሪ ክኸውን ከም ዘለዎ ጐይታ ድማ ውሒዱ ኢሉ ከም ዘይንእቕ “. . . ብዙኃት ሃብታማት ከኣ ብዙኅ የውድቑ ኽልተ ሳንቲም ዚኣክል ቆድራንቴን ኣውደቀት። ኢየሱስ ንደቀ መዛሙርቱ ናብኡ ጸዊዑ ኸኣ “ካብዞም ኣብዚ መቐበል ምጽዋት ዘውደቑ ዅሎም እዛ ድኻ መበለት እዚኣ ዚበዝኅ ከም ዘውደቐት ብሓቂ እብለኩም ኣሎኹ።” (ማር. 12፡43)

ኣበው ሓዋርያት ንድኻታት ይሓዝኑ ይሓስቡሎም ይንኸባኸብዎም ነበሩ። ናብ ቤተ ክርስቲያን ካብ ዝኣትው ዝነበረ ምጽዋትን ዕሽርን ንድኻታትን የኻፍልዎም ነበሩ።

ምጽዋት ምስ ጾም ተዝካር ዕሽር እተሓሓዝ እዩ።

“እቲ ኣነ ዝፈትዎ ጾምሲ እዚ ዚስዕብ እዩ ንመእሰር እከይ ምፍታሕ ነርዑት ባርነት ምዝላቕ ንጥቑዓት ምውፃእ ሓራ ኣርዑት ባርነት ዘበለ ኵሉ ምስባር እንጌራኹም ንጥሙይ ምምቃል ነቶም ዝተሰዱ ድኻታት ኣብ ቤትኩም ምቕባል ዕሩቕ እንተ ርኤኹም ምኽዳን ንዘመድኩም ካብ ምሕጋዝ ዘይምኅባእ እዩ።” ብምባል ጾም ብምጽዋት ክድገፍ ከም ዘለዎ ኣዚዙ እዩ። (ኢሳ. 58፡6-7) “ጸሎትካን ምጽዋትካን ናብ ቅድሚ ኣምላኽ ንመዘከርታኻ ዓሪጉ እዩ።” ግብ.ሓዋ. 10፡4

“ኣብ መወዳእታ ሠሠለስተ ዓመት ካብ ኵሉ ናይታ ዓመት እቲኣ እቶትኩም ዕሽር ኣውፂእኩም ኣብ ውሽጢ ተማታትኩም ኣክብርዎ። እግዚአብሔር ኣምላኽኹም ብኹሉ እትገብርዎ ግብሪ ኢድኩም ምእንቲ ኺባርኸኩምሲ እቲ ምሳኹም ግደን ርስትን ዘይብሉ ሌዋውን እቶም ምሳኹም ዘለዉ ስደተአኛታትን ዘኽታማትን መበለታትን ይምጽኡ ኦ ይብልዑን ይጽገቡን።” (ዘዳ. 14፡28)

“ምሳሕ እንተ ገበረካስ ድኻታትን ቈራያትን ሓንካሳትን ዕውራትን ደኣ ጸውዕ። ዚፈድዩኻ የብሎምን እሞ ብፁዕ ክትከውን ብትንሣኤ ጻድቃንውን ክትፍደዮ ኢኻ” (ሉቃ. 14፡13)

“እቲ ኣብ ቅድሚ እግዚአብሔር ኣቦ ንጹሕን ርኽሰት ዘይብሉን ኣምልኾ ገዛእ ርእስኻ ካብ ርኽሰት ዓለም እናሓሎኻ ንዘኽታማትን መበለታትን ኣብ ጊዜ ጸበባኦም ምርዳእ እዩ።” (ያዕ. 1፡27)

ወስብሐት ለእግዚአብሔር ወለወላዲቱ ድንግል ወለመስቀሉ ክቡር!

ዘመነ ማቴዎስ 19 መስከረም 2013 ዓ.…

September
Tuesday
29
ዝክር፦ ጎርጎርዮስ ሊቀ ጳጳሳት ዘአርማንያ፡ ወአባ ቂርቆስ ገዳማዊ። ዘቅዳሴ ምንባብ መልእክታት ኤፌ. 2፡13-ፍጻሜ 1ይ ጴጥ. 5፡1-6 ግብ. ሐዋ. 14፡1-7 ምስባክ መዝ. 70/71 ወንጌል ማቴ. 12፡9-21 ቅዳሴ ቅዳሴ ዘዮሐንስ አፈ ወርቅ። * * *
00:00 h
Ad Right

ዜና ኅትመት

እዋናዊ ጽሑፋት

ክብረ በዓል ቅዱስ መስቀል 2013 ዓ.ም. ብመንፈሳዊ ተመስጦን ሓበንን ተባዒሉ!

ትማሊ ዕለት 17 መስከረም 2013 ዓ. ም. ክብረ በዓል ቅዱስ መስቀል፡ ዓቃቤ ወንበር ብፁዕ ኣቡነ ጴጥሮስ ዋና ጸሓፊ ቅዱስ ሲኖዶስ...

“ነቶም ቃል ኣምላኽ ዝነገሩኹም መራሕትኹም ዘክርዎም” ዕብ. 13፡7 - አቡነ…

ቅዱስ አቡነ ኤዎስጣቴዎስ ካብ ኣቦኡ ክርስቶስ ሞዐን፡ ኣደኡ ሥነ ሕይወትን ኣብ እንድርታ፡ ጽራእ ኣብ ዝተባህለ ዓዲ ተወልደ። ክርስቶስ ሞዐን ሥነ...

ወገብረ ሰላመ በደመ መስቀሉ/ ብደም መስቀሉ ሰላም ገብረ። ቈላ. 1፡19-20

በስመአብ ወወልድ ወመንፈስ ቅዱስ አሐዱ አምላክ!    * ኣመጻጽኣ መስቀል፣ መስቀል ማለት ‘ሰቀለ’ ካብ ዝብል ግእዛዊ ግሲ ዝተረኽበ ኾይኑ ትርጕሙ ድማ ዝተመሳቐለ...

እንቋዕ ናብ በዓለ መስቀል 2013 ዓ.ም. ኣብጽሓና!

ኣብ ውሽጢ ሃገርን ወፃእን እትነብሩ ምእመናንን ምእመናትን፣ ቅዱስ ፍቓዱ ኮይኑ ካብ ዘመነ ዮሓንስ ናብ ዘመነ ማቴዎስ ዘሰጋገረና እግዚአብሔር ኣምላኽና፣ እንቋዕ...

ንቤት ንባብ ደብረ ሲና ቅድስት ሥላሴ መንፈሳዊ ኮሌጅ ዘገልግል…

ንቤት ንባብ ደብረ ሲና ቅድስት ስላሴ መንፈሳዊ ኮሌጅ ኣብ መሥርሕ ምምሃርን ምስትምሃርን ከም መወከሲ ዘገልግል መጻሕፍቲ ብገባሬ ሠናይ ኣቶ ቴድሮስ...

ዓመታዊ በዓል ቤት ትምህርት ሰንበት ቅዱስ ዮሐንስ ቤተ ክርስቲያን መድኃኔ…

ብዕለት 2 መስከረም 2013 ዓ.ም.ግ. “እግዚአብሔር ከኣ በደልካ ኣርሒቑልካ እዩ ኣይትመውትን ኢኻ” 2ይ ሳሙ. 12፡13 ብዝብል ኃይለ ቃል ዓመታዊ በዓል...

ካብ ርእሰ ዓውደ ዓመት ክሳዕ ፀአተ ክረምት

1. ካብ ዮሐንስ (መለወጢ ዘመን ) ክሳዕ ዘካርያስ (1 መስከረም ክሳዕ 8 መስከረም) ሓድሽ ዓመት ዝትክኣሉ እዋን ስለዝኾነ ኣብ ልቢ ክርስቲያን...

በዓለ ሥእል ዘጼዴንያ

ብመሠረት ትምህርቲ ቅድስት ቤተ ክርስቲያን ካብ ቅዱሳት ኣሣእል ብዙኅን ዓቢይን ጥቕሚ ይርከብ። ኣብ ቅዱሳት መጻሕፍቲ ዝርከቡ ትምህርትታትን ታሪኻትን ብሥእላዊ ኣገላልጻ...

ሓድሽ ዓመት ብሓድሽ መንፈስ!

ኣብቲ ብብርሃን ዝወቀበ ዘመን ኣዳራሽ ፡ ኣርባዕተ ወንጌላውያን ከም ዕንቍ ተኾሊዖም ብሓጐስ ዝነብርሉ፡ ሓደ ንበይኑ ኣብ መደቡ ግልል ኢሉ ነበረ።...

ዓመታዊ በዓል ቤት ትምህርት ሰንበት ቅዱስ ሩፋኤል ቤተ ክርስቲያን መድኃኔ…

ብዕለት 3 ጳጕሜን 2012 ዓ.ም.ግ. “ሕይወቱ ምሉእ ንእግዚአብሔር ኣሚኑ ዝኃፈረ የለን” መጽ.ሲራ. 2፡10 ብዝብል ኃይለ ቃል ዓመታዊ በዓል ቤት ትምህርት...

ገዳም ደብረ ደናግል ሰማዕት ቅድስት ኣርሴማ ገዳመን ክሓንፃ ፕላን ኣጽዲቀን…

ናይ ደቀ ኣንስትዮ ገዳም ደብረ ደናግል ሰማዕት ቅድስት ኣርሴማ ብ29 መስከረም ብሠናይ ፍቓድ ቅዱስ ሲኖዶስ ምስ ተገደመ ቤተ ጸሎት፡ መንበሪ...

ኣብ ምድላው ዝርከብ ሥርዓተ ትምህርቲ ቤት ትምህርቲ ሰንበት ንምግምጋም ጉባኤ…

ብዕለት 4-5 ጳጕሜን 2012 ዓ.ም. ኣብ ኣዳራሽ ቤት ጽሕፈት መንበረ ፓትርያርክ ንኣብ ምድላው ዝርከብ ሥርዓተ ትምህርቲ (ካሪክሉም) ዝግምግም ጉባኤ ተቓኒዑ።...

  

latest articles

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...

Ascension

After the Lord Jesus Christ had finished the operation of His wisdom upon earth, by His Passion, and His Death...

Tsinset (Annunciation – Feast of Incarnation)

In accordance with the cannon of the Church, one of the nine major feast days of Our Lord. it Tsinset (Annunciation...