ጸሎት

Mar 17, 2017

ጸሎት ምስ እግዚአብሔር ዘራኽበና መንገዲ እዩ። ስለዚ ሓደ ክርስቲያን ኵሉ ጊዜ ኺጽሊ ይግባእ። እዚ ማለት ድማ ኽንትንሥእን ክንድቅስን ክንበልዕን ክንሰትን ክንሠርሕን ከነዕርፍን ክንወፍርን ክንኣቱን ከሎና፡ ብጸሎት ስም እግዚአብሔር ጸዊዕና፡ ክግበረልና ብእንደልዮ ክንልምን፡ ብዝተገብረልና ኸነመስግን ክርስቲያናዊ ሕጊ እዩ።

ብንጹሕ ሕሊና ነቒሕናን ተጊህናን ክንጽሊ ከም ዝግብኣና ቕዱሳት መጻሕፍቲ ይነግሩና እዮም። በዚ መሠረት’ዚኻብ ጸሎት ዝተፈልየ ሕይወት ክህልወና ፍቓድ ኣምላኽ ኣይኮነን። ጸሎትና ኸምቲ ንበልዖ እንጌራን ንሰትዮ ማይን ዘየቋርጽ ኺኸውን ይግባእ። ክንጽሊ ዝመሃረና’ውን ባዕሉ ጐይትና ኢየሱስ ክርስቶስ እዩ። ቅዱስ ዳዊት’ውን “ኣብ መዓልቲ ሾብዓተ ጊዜ ኣመስግነካ ኣሎኹ።” ይብል።

(መዝ. 119፡1640 ሓዋርያ ቅዱስ ጳውሎስ ብወገኑ፡ “ንምትጋህ ኣይትተሃከዩ ብመንፈስ ተቓጸሉ፡ ንእግዚአብሔር ኣገልግሉ፡ ብተስፋ ተሓጐሱ ብጸበባ ተዓገሡ ፡ ጸሎት ኣዘውትሩ።” ኢሉ ምሂሩና ኣሎ። (ሮሜ 12፡9-15) ስለዚ ብጸሎት ተሰኒና ናብ እግዚአብሔር እንተ ደኣ ቐሪብና ጸሎትና ብዘይ መልሲ ኣይተርፍን እዩ። ንኣብነት ሰላም፡ ቅሳነት ፡ ጥዕና፡ በረኸት፡ ቅድስና፡ ጽድቂ ናይ ጸሎትና መልሲ ኻብ እግዚአብሔር ዝወሃበና ጸጋ እዩ።

እምበኣርከስ ሓደ ሰብ ጸሎት ዘየዘውትር እንተ ኾይኑ ንፈተና ሰይጣን ዝተቓልዐ እዩ ዝኸውን። ጐይታና ኢየሱስ ክርስቶስ ነዚ ኺምህረና “ናብ ፈተና ኸይትኣትዉስ ንቕሑን ጸልዩን፡ መንፈስ ድልዊ እዩ ሥጋ ግና ድኹም እዩ።” ማቴ.26፡41 ኢሉ እዩ። ስለዚ ሓደ ክርስቲያን ንሰይጣን ኺስዕር ዝኽእለሉ ኃይሊ ኻብ ጸሎት ዝብርትዕ ኣጽዋር የልቦን። ኵሎም ቅዱሳን ንሰይጣንን ናይ ሥጋን ናይ ዓለምን ፈተና ዝሰዓሩ ብጸሎት እዩ። እግዚአብሔር ከኣ ዅሉ ጊዜ ጸሎትና ኺሰምዕ ባህ እዩ ዝብሎ። በቲ ዘይሕሶ ቓሉ እውን “ለምኑ ይወሃበኩም፡ ድለዩ ትረኽቡ ማዕጾ ዃሕኳሕ ኣብሉ ይኽፈተልኩም እዩ።” ይብለና። ማቴ. 7፡7 ኣዴና ቅድስት ቤተ ክርስቲያን’ውን ኣብ ጸሎት ትጉሃት ክንከውን ናይ ጸሎት ጊዜያትን ሥርዓትን ሠሪዐትልና ኣላ።

ናይ ጸሎት ጊዜያት፦

ናይ ጸሎት ጊዜያት ሾብዓተ እዮም (መዝ. 119፡164)
ሀ. ነግህ ለ. ሠለስት ሐ. ቀትር መ. ተስዕት ሠ. ሠርክ ረ. ሰዓት ንዋም (እዋን ድቃስ) ሰ. መንፈቀ ሌሊት (ፍርቂ ለይቲ)
ካብተን ሾብዓተ ጊዜያት ካህናትን ምእመናን ናብ ቤተ ክርስቲያን ከይዶም ዝጽልዩሎም ነግህን ሠርክን እዮም። ኣብ ዝተረፈ ጊዜያት ግና በብዘለውዎ ኺጽልይዎም ይግባእ። (ፍት.መን.ኣን. 14 ረስጣ 48፡47 ድስቅ. 12)

ጸሎት ኣብ ሠለስተ ይኽፈል፦

1. ናይ ውልቂ ጸሎት
2. ናይ ስድራ ጸሎት
3. ናይ ማኅበር ጸሎት

ናይ ውልቂ ጸሎት

ናይ ውልቂ ጸሎት ዝጽለ ኣብ ቤትን ዝጥዕም ቦታን እዩ። ናይ ውልቂ ጸሎት ዝኾነ ሰብ ከይረኣዮን ከይሰምዖን ሓደ ሰብ ብውልቁ ቤቱ ዓጽዩ ብሰቂለ ሕሊና ኮይኑ ፈጣሪኡ ጥራይ ክርእዮን ክሰምዖን ጌሩ ብኅቡእ ዚጽለ ጸሎት እዩ። (ማቴ. 6፡5-13)

ናይ ስድራ ጸሎት

ናይ ስድራ ጸሎት እቲ ስሙ ከምዘረድኦ’ውን ሓንቲ ስድራ ብኃባር ኮይና እትገብሮ ጸሎት እዩ። ነዚ’ውን ጸሎት ናይቲ ሓለቓ ሚእቲ ቆርኔሌዎስን ጻድቅ ኣቦና ኢዮብ ኣብነት ክኾኑና ይኽእሉ። (ግብ.ሓዋ. 10፡2-6 ፣ ኢዮ. 1፡4-5 ኢያ. 24፡15) እዚ ናይ ስድራ ቤት ጸሎት ኣብ ስድራ ቤት ፍቅርን ስላም ዘምጽእ እዩ።

ናይ ማኅበር (ቤተ ክርስቲያን) ጸሎት

ናይ ማኅበር ጸሎት ዝበሃል ካህናትን ምእመናንን ኣወዳትን ኣዋልድን ሽማግሌታትን መንእሰያትን ብኃባር ኮይኖም ኣብ ቤተ ክርስቲያንን ምቹኣት ኣብ ዝኾኑ ቦታታትን ተኣኪቦም ዝጽልይዎ ጸሎት እዩ።
ኣብ ብሉይ ኪዳን ዝነበሩ ኣማንያን ናብ ቤተ እግዚአብሔር እናኸዱ ይጽልዩ ኔሮም። ( 1ይ ሳሙ። 1፡9-13 ፣ መዝ.122፡1 ፡ ሉቃ. 18፡10-14)

ኣብ ሓዲስ ኪዳን’ውን ሓዋርያትን ሰዓብቲ ሓዋርያት ዝኾኑ ክርስቲያናትን ቀዳሞት ቤተ ክርስቲያን ኣብ ዝኾኑ ጽርሓ ጽዮን ኣብ ቤት ማርያም ኣደ ማርቆስ ከምኡ’ውን ኣብ ኣንጾኪያ ቤተ ክርስቲያን ተኣኪቦም ይጽልዩ ኔሮም (ግብ.ሓዋ. 1፡14 - 25 ፣ 3፡1 ፣ 12፡12 13፡1-3)

በዚ መሠረት’ዚ ከኣ ካህናትን ምእመናንን ኵሉ መዓልታት ኣብ ቤተ ክርስቲያን እናተረኽቡ ብሰዓታትን ማኅሌትን ጸሎተ ቅዳሴን ከመስግኑ ቤተ ክርስቲያን ሥርዓት ሠሪዓ ኣላ።

ኣፈጸጽማ ጸሎት፦

1. መንደቕን ዓንድታትን ብዘይምድጋፍ መቖምያ ከይተተኃዘ ብኽልተ እግሪ ትኽ ኢልካ ደው ምባል እዩ። (መዝ.5፡3)
2. ሕቖ ምዕጣቕን፡ ክዳንካ ትሕት ኣቢልካ ድግድጊት ምዕጣቕን የድሊ። (ሉቃ. 12፡35 ፍት.መን.ኣን.140
3. ኣብ ጊዜ ጸሎት ገጽካ ናብ ምብራቕ መሊስካ ምቛምን ናብትን ናብዝን፡ የማንን ጸጋምን ከይበልካ ብሰፊሐ እድ፡ ብሰቂለ ሕሊና ኮይንካ ምጽላይ ይግባእ፡ (መዝ. 134፡2 ዮሓ. 11፡41)
4. ጸሎት ኪጅመርን ኪፍጸምን ኣመልካቲቶ ኣጻብዕ ምስ ካልኦት ኣጻብዕ ብምምስቓል ብኣምሳል ትእምርተ መስቀል ምምዕታብ እዩ። እቲ ምምዕታብውን ካብ ላዕሊ ንታሕቲ ኻብ ጸጋም ንየማን እዩ። ኣብ እዋን ምምዕታብ መከራ መስቀል ክርስቲስ ምዝካር ይግባእ። (ሉቃ.11፡20)
5. ዝጽሊ ሰብ ብትሕትናን ስቕታን ኮይኑ ንኻልእ ሰብ ከምዘይስማዕ ንርእሱ ጥራይ ከምዝስማዕ ጌሩ ኃጢኣቱ ብምዝካር ምጽላይ ይግባእ። ነዚ’ውን ዝገብር ከኣ ስለ’ቲ ዝኃለፈ በደሉን ኃጢኣቱን እዩ። (1ይ ሳሙ. 1፡3)
6. ዝጽሊ ሰብ ከማዕትብ ከሎ “በስመ አብ ወወልድ ወመንፈስ ቅዱስ አሐዱ አምላክ አዐትብ ገጽየ ወኵለንታየ በትእምርተ መስቀል” እናበለ እዩ። ካልኣይ’ውን “እግዚኦ መሐረነ፡ እግዚኦ መሐከነ፡ እግዚኦ ተሣሀለነ ወባርከነ አሜን” እናበለ የማዕትብ። ሣልሳይ ጊዜ’ውን “ስብሐት ለአብ ወወልድ ወመንፈስ ቅዱስ ይእዜኒ ወዘልፈኒ ወለዓለመ ዓለም አሜን፡ እግዚኦ ረስየነ ድልዋነ ከመ ንበል በአኰቴት አቡነ ዘበሰማያት” ንዝብል ጸሎት 3ተ ጊዜ እናደገመ እናሰገደን ብምምዕታብ ጸሎት ክጅምርን ክፍጽምን ከሎ ኸምኡ ኺገብር ኣለዎ። ከምኡ’ውን መስቀል ኣብ ዘልዕል ቃል ምስ በጽሐ ኸማዕትብ፡ ስግደት ኣብ ዘልዕል ቃል ምስ በጽሐ ኸኣ ኺሰግድ ይግባእ።
7. ናይ ጸሎት ተርታ ኸኣ መጀመርታ አቡነ ዘበሰማያት፡ መዝሙረ ዳዊት፡ ውዳሴ ማርያምን ካልኦትን ቀጺሉ ኸኣ አቡነ ዘበሰማያት ጸሎተ እግዚእትነ ማርያም ጸሎተ ሃይማኖት ኣብ መወዳእታ ድማ አቡነ ዘበሰማያት ኪርያላይሶን 41 ጊዜ ይበሃል። ክርስቲያን ኵሉ ጊዜ ምጽላይ ይግብኦ። ዘይፈልጥ ምእመን ተማሂሩ ኺጽሊ ግቡእ እዩ። (ኤፌ. 5፡19-20 ፣ ማቴ. 7፡7-8)
8. ክጽለ ኸሎ ብልቢ ምሕዛንን ምብካይን የድሊ፡ ኺበኪ ኸሎ’ውን ኃጢኣቱ እናዘከረ ኺከውን ይግባእ።
9. ዝጽሊ ሰብ ኣብ መንጎ ጸሎት ጸሎቱ ኣቋሪጹ ምስ ዝኾነ ሰብ ፈጺሙ ምዝርራብ ኣይግብኦን እዩ። ጸሎቱ ንኸቋርጽ ዘገድድ ነገር እኳ እንተገጠሞ ነቲ ጸሎቱ ብአቡነ ዘበሰማያት ኣሲሩ ጕዳዩ ፈጺሙ ኻብ ዘቋረጸሉ ተበጊሱ ጸሎቱ ኺጽሊ ይግባእ።

ወስብሐት ለእግዚአብሔር

ዘመነ ዮሓንስ 2 ነሓሴ 2012 ዓ.ም.ግ…

August
Saturday
8
ዝክር፦ አትናስያ ቅድስት፡ ወደሚና ሰማዕት ወአኃዊሁ፡ ወኢዮጰራቅስያ ብፅዕት። ዘቅዳሴ ምንባብ መልእክታት፦ 1ይ ጢሞ. 5፡1-10 1ይ ጴጥ. 3፡1-6 ግብ. ሐዋ. 27፡39-ፍጻሜ ምስባክ፦ መዝ. 47/48 ወንጌል፦ ዮሐ. 8፡1-11 ቅዳሴ፦ ዘእግዝእትነ ማርያም። * * *
00:00 h

ዜና ኅትመት

እዋናዊ ጽሑፋት

ቤተ መዘክር (ሙዝየም) ዘመንበረ ፓትርያርክ ንጥፈታቱ የዕቢ ኣሎ!

ኦርቶዶክስ ተዋሕዶ ቤተ ክርስቲያን ኤርትራ፡ ብዓይኒ ዝርአ ዝንቀሳቐስን ዘይንቀሳቐስን ከምኡ’ውን ግዙፍነት ዘይብሉ ናይ ነዊኅ ዓመታት፡ ብቝጽሩ ብዙኅ፡ ብዓይነቱ ዘደንቕ ቅርስን...

እንቋዕ ናብ ጾመ ፍልሰታ ኣብጽሓና !

ካብ 1 ነሓሴ ክሳዕ 16 ነሓሴ 2008 ዓ.ም.ግ. ዘሎ መዓልታት ብጸሎትን ውዳሴን ቅዳሴን ከምኡ’ውን ዝጽወም ሓደ ካብ ሾብዓተ ናይ ኣዋጅ...

መቅድም ውዳሴ ማርያም

ነዚ መጽሓፍ እዚ ዝደረሶ ኤፍሬም ሶርያዊ፥ ኤፍሬም ለብሓዊ እዩ። ሶርያዊ ዝተባህለ ብሃገሩ ኮይኑ ለብሓዊ ድማ ብተግባሩ እዩ። እዚ ቅዱስ ኤፍሬም...

አሥርቆት ዘወርኀ ነሐሴ

ዮም ሠረቀ ለነ ወርኀ ቡሩክ ነሐሴ ያብጽሐነ እስከ ወርኀ ጳጕሜን በሰላመ እግዚአብሔር! ወርኀ ነሐሴ ቡሩክ መዓልቱ ዓሠርቱ ወሠለስቱ ወእምዝ የሐፅፅ።

መበል 15 ዓመታዊ ጉባኤ ቤት ትምህርቲ ሰንበት ሃገረ ስብከት ኅቡራት…

ዕለት 24-25 ሓምሌ 2012 ዓ.ም. (31/07 – 01/08 2020 ፈ.)፣ “ብጊዜኡን ኣብ ዘይጊዜኡን ጽናዕ” (2ይ ጢሞ 4፡2) ብዝብል መሪሕ ኃይለ...

ቀዳማይ መሥርሕ ኣርትዖት መጽሓፍ ቅዱስ ሐዲስ ኪዳን ንምክያድ ዝዓለመ ጉባኤ…

ብናይ ኤርትራ ኦርቶዶክስ ተዋሕዶ ቤተ ክርስቲያን እትውነን መጽሓፍ ቅዱስ ንምድላው ዝዓለመ ብክፍሊ ጉባኤ ሊቃውንት ብግእዝን ትግርኛን ዝቐረበት መጽሓፍ ሐዲስ ኪዳን...

ቅዱስ ሲኖዶስ ምስ ምምኅዳር ሃገረ ስብከት ኅቡራት መንግሥታት ኣሜሪካን ካናዳን…

ብዕለት 20 ሐምሌ 2012 ዓ.ም. (27/07/2020 ፈ.) ተወከልቲ ቅዱስ ሲኖዶስ ምስ ምምኅዳር ሃገረ ስብከት ኅቡራት መንግሥታት ኣሜርካን ካናዳን ብመንገዲ ማኅበራዊ...

ብሕንፃ እንዳ ኣቡን ኣቡነ ማርቆስ ዝፍለጥ ሕንጻዊ ጽገና ይግበረሉ ኣሎ

 ኣብ ከተማ ኣሥመራ ከባቢ ርእሰ ኣድባራት ደብረ ጽዮን ቅድስት ድንግል ማርያም ዝርከብ ብእንዳ ኣቡን ኣቡነ ማርቆስ ዝፍለጥ ዋንነት ቅድስት ቤተ...

ተኣምር ብፁዕ ወቅዱስ ኣቡነ ሰላማ ከሣቴ ብርሃን፣ ጸሎቱን በረኸቱን ምስ…

ሓደ ንእግዚአብሔር ዝፈርህ፡ ለዋህ፡ ትሑት፡ ገባሬ ሠናይን ተቐባል ጋሻን ዝኾነ ሰብኣይ ነበረ። ነፍስ ወከፍ ወርኂ ዕለት 26 ዝክር ብስም ኣቡነ...

ሓዋርያዊት ቅድስት ቴክላ

ኣብ ዘመነ ስብከቱ ንሐዋርያ ጳውሎስ ዝስዕባ ካብ ዝነበራ ቅዱሳት ኣንስት ሓንቲ ቅድስት ቴክላ እያ። ኣብ ዝተወለደትሉ ሃገር ኒቆምድያ ኣብ ቤት...

ሰማዕት ቅዱስ አበ ኖብ

ሎሚ ሕፃናት ከም ፍቓድ እግዚአብሔር ሓደ ካብ ሰማዕታት ዝኾነ ናይ ኣባ ኖብ ታሪኽ ክንርኢ ኢና። ሰማዕት ዝብል ቃል ትርጕሙ መስካሪ...

መራኄ ብርሃናት ቅዱስ ዑራኤል

ቅዱሳን መላእክት- ልዑካት እግዚአብሔር፡ ኣብሠርቲ ሐጐስ፡ ሓለውቲ ሰባት እዮም። ቅዱሳን መላእክት ወትሩ ከይደኸሙ ቅዱስ ቅዱስ ቅዱስ እግዚአብሔር ጸባዖት ፍጹም ምሉእ...

  

latest articles

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...

Ascension

After the Lord Jesus Christ had finished the operation of His wisdom upon earth, by His Passion, and His Death...

Tsinset (Annunciation – Feast of Incarnation)

In accordance with the cannon of the Church, one of the nine major feast days of Our Lord. it Tsinset (Annunciation...

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...