ኦርቶዶክሳዊ መርዓ

Jan 21, 2017

እቲ ናይ መጀመርታ ሰብ ኣዳም ምስ ተፈጥረ ንበይኑ ይነብር ነበረ። መፍቀሬ ሰብ እግዚአብሔር ድማ ጸገም ሰብ ፈሊጡ፡ “ሰብኣይ በይኑ ኺነብር ጽብቕ ኣይኮነን። ንእኡ እትሰማማዕ ደጋፊት ክገብረሉ እየ” ብምባል ካብኡ ዘይትፍለ ሓቢራቶ እትነብር ካብ ጎድኑ ንሔዋን ፈጠረሉ። ኣዳም’ውን “እዚኣ ዓጽሚ ኻብ ኣዕጽምተይ፡ ሥጋ ኸኣ ካብ ሥጋይ እያ ካብ ሰብኣይ ተወሲዳ እያ እሞ ሰበይቲ ትብሃል” ብምባል ተቐቢልዋ ከም ነፍሱ ይፈትዋ የኽብራ ነበረ። ኣብ ጊዜ ሓጐሱ ኣብ ገነት ከመኡ ኸኣ ኣብ ጊዜ ሽግሩ ኣብ ምድረ ፋይድ ምስ ሓንቲ ሔዋን ከይተፈላለየ ጸኒዑ ተረኽበ። ሔዋን’ውን ምስ ኣዳም ጸኒዓ ተረኽበት።

እግዚአብሔር ኵሉ ዝኽእል እኳ እንተኾነ ንሓደ ኣዳም ሓንቲ ሔዋን ንሓንቲ ሔዋን ውን ሓደ ኣዳም እዩ ፈጢሩ። (ዘፍ. 2፡20-25)። ጐይታናን ኣምላኽናን መድኃኒናን ኢየሱስ ክርስቶስ ድማ ነዚ ሕጊ እዚ ደጊሙ ኸጽንዖ ኸሎ፦ “እቲ ኻብ መጀመርታ ዝፈጠረ ሰብኣይን ሰበይትን ገይሩ ፈጠሮም። ስለዚ ሰብኣይ ኣቦኡን ኣደኡን ኃዲጉ ምስ ሰበይቱ ይዋሓድ፡ ክልቲኦም ድማ ሓደ ኣካል ይኾኑ።

ደጊም ሓደ ኣካል እዮም እምበር ክልተ ኣይኮኑን። እምበኣር ነዚ ኣምላኽ ሓደ ዝገበሮ ሰብ ኣይፍለዮ።” ይብል። ስለዚ ሓደ ምስ ሓንቲ ምጽማድ (መርዓ) ፍቓድ እቲ ዝፈጠረና እግዚአብሔር ኣምላኽ እዩ። “ብዝኁን ተፋረዩን ንምድሪ ድማ ምልእዋን” ዝብል ትእዛዝን ኸኣ ኻብኡ ዝተዋህበ ሕጊ እዩ። (ዘፍ. 1፡28) ስለዚ መርዓ ኣብ ትሕቲ ጽላል ኣምላኽ ብቅዱስ ተኽሊል ኪፍጸም ኣለዎ። ምኽንያቱ ተኽሊል ሓደ ካብ ምሥጢራተ ቤተ ክርስቲያን ኮይኑ ብዝርአ መንፈሳዊ ኣገልግሎት ዘይርአ ጸጋን በረከትን ዘውህብ፡ ክልተኦም ተጻመድቲ ብሓድነት ኣብ ሃይማኖትን ፍቅርን ሓዳርን ከም ዝጸንሑ ዝገብር ምሥጢር እዩ። መጀመርታ እግዚአብሔር ንሰብኣይን ንሰበይትን ዝፈጠረ ሓደ ኮይኖም እናተረዳድኡ፡ እናተሓጋገዙ ናይ ኵሉ ገዛእትን ኣዘዝትን ኮይኖም ኪበዝኁን ኪፈርዩን ንምድሪ ውን ኪመልእዋን እዩ። (ዘፍ. 1፡27-28)። ቤተ ክርስቲያና ውን ጸሎተ ተኽሊል ኣብ እትፍጽመሉ ጊዜ ነዚ ዝዓለመ ኾይኑ እቲ ኽልተነት ጠፊኡ ብሓድነት፡ ምፍልላይ ጠፊኡ ፍጹም ፍቕሪ ኪምሥረትንን ናይ ሰብኣይን ሰበይትን ምክብባርን ምጽውዋርን ምርድዳእን ኪህልዎም እዩ።

መርዓ ቕዱስ ምዃኑ ኪምህረና ጐይታና ኢየሱስ ክርስቶስ ኣብዚ ዓለም እዚ እቲ ቐዳማይ ተኣምራቱ ኣብ ቤት መርዓ ተረኺቡ እዩ ፈጺምዎ (ዮሓ. 2፡1-14)። “ነቲ ምትእትታውስ ጽቡቕ ኣይኮነን” ዝብል ዘረባ ሓዋርያት’ውን ጐይታ ከምዚ ኢሉ እዩ መሊስዎ። “እዚ ነገር እዚ ነቶም ዝተዋህቦም እንተ ዘይኮይኑ ዅሉ ዝኽእሎ ኣይኮነን። ካብ ከርሢ ኣደኦም ስሉባት ኮይኖም ዝተወልዱ ኣለዉ፡ ሰባት ዝሰለብዎም ስሉባት’ውን ኣለዉ፡ ምእንቲ መንግሥተ ሰማያት ኢሎም ዝተሰልቡ ስሉባት እውን ኣለዉ፡ ነዚ ትምህርቲ እዚ ኪቕበሎ ዝደሊ ይቀበሎ።” (ማቴ. 19፡10-17) ብምባል ኣብ ዓለም ካብዚ ዝተባህለ ትምህርቲ ወፃኢ ምንባር ከምዘይከኣልን ካብ ዓቕምካ ወፃኢ ምንባር ጌጋ ምዃኑን ኣርዲኡና እዩ።

በዚ መሠረት ኣብዚ ወርኀ ጥሪ’ዚ ብጸሎተ ተኽሊልንን ብሥጋሁ ወደሙ መርዓኦም ኪፍጽሙ ይርኣዩ። እዚ ዓይነት ሓሳብ ብዝተቐደሰ መርዓን ሕይወትን ንምንባር ዝዓለመ ስለዝኾነ ኣዝዩ ዘሐጕስ እዩ። ይኹን እምበር እቲ መርዓ ዝፍጸም ዘሎ ብመጽናዕቲ ናይ ዕድመ ልክዕ ናብራ ንምምሥራት ተሓሲቡሉ ድዩ፧ ዋላስ ብሃንደበት ‘ፈትየኪ ፈትየካ’ ብዝብል እዩ፡ ብዘይ ዓሚቝ መጽናዕትን ርድኢትን ዝምሥረት መርዓ ጾር ሓድሕድ ዝጠፍኦ ቐጻልነት ዘይብሉ እዩ። ሰብኣይ ንሰበይቲ ኸይፈለጣ፡ ሰበይቲ ኸኣ ንሰብኣይ ስለዝምርዓዉ ቐሊል ጉዳይ የባእሶም፡ ንእሽቶ ነገር የጨንቖም እሞ ጉዳዮም ናብ ቤት ፍርዲ ይኃልፍ። ሎሚ ኣብያተ ፍርዲ ተጻቢቦም ዝረኣዩ ብኽሲ ሰብኣይን ሰበይትን እዩ። እቲ ጸገም ካብኦም ኃሊፉ ናብ ሥድራን ከባብን ኪኃልፍ ይርአ። መርዓ ቅዱስን ክቡርን እኳ እንተኾነ ተመራዒኻ ምፍታሕ ከኣ ዝገደደ ኽፉእ እዩ።

ስለዚ እምበኣር ተጻመድቲ ናብቲ ዘለዓለማዊ ኽብርን ሕይወትን ኪበጽሑ ዝኽእሉ ብምጽውዋርን፡ ብምክብባርን፡ ብምርድዳእን ዝመርሕዎ ቈይቍ ኾነ ግጭት ዘይብሉ ናብራ ኺህልዎም፡ ሓደ ናይቲ ሓደ ድኹም ጐኒ ብምፍላጥ ኪዕገስን እቲ ድኹም ጎኒ ዚፍወሰሉ መንገዲ ኪፈጥርን ቃል ኪዳን ኸጽንዕን እዩ ዝግባእ። እወ መርዓ ቕዱስ ምዃኑ ምፍታሕ ውን ከምዘይግባእን ሓዋርያት ምሂሮምና እዮም። ምፍልላይ ብሞት ብዝሙት ወይ ብእምነት ምልዋጥ ናይ ሓደ ወገን እንተ ዘይኮይኑ ፍቑድ ኣይኮነን።

ሓዋርያ ቅዱስ ጳውሎስ “ኣቱም ሰብኡት ከምቲ ክርስቶስ ንቤተ ክርስቲያን ዘፍቀራ ኸምኡ ድማ ንኣንስትኹም ኣፍቅሩ፡ እቲ ንሰበርቱ ዘፍቅር ንገዛእ ርእሱ እዩ ዘፍቅር፡ ሰብ ንገዛእ ርእሱ ይምግባን፡ ይከናኸናን እምበር ሰብነቱ ሓደ ይኸውን፡ ክልቲኦም ከኣ ሓደ ኣካል ይኾኑ እዚ ዓቢይ ምሥጢር እዩ” ብምባል እቲ ኺህሉ ዘለዎ ሓድሕዳዊ ፍቕሪ ገሊጽዎ ኣሎ። (ኤፌ. 5፡25-31)። ሰብኣይ ንሰበይቱ ከኽብራ፡ ሰበይቲ’ውን ንሰብኣያ ክተኽብሮ ቅዱስ ተግባር ኮይኑ ንኽልተኦም ብማዕረ ዝብጽሖም እዩ።

ነዞም ኣብዚ እዋን’ዚ ብግቡእ ክርስቲያናዊ ሥርዓትን ትምህርቲ ሃይማኖትን መርዓኦም ዝፍጽሙ ዘለዉ፡ ኸምቲ ጐይታ ብመጀመርታ ኣብ ቤት መርዓ ተረኺቡ በረኸቱ ዝሃበ ሎሚ ውን እዚ በረኸት እዚ ኽህቦምን ክሳዕ ፍጻሜ ሕይወቶም ከጽንዖምን ቅዱስ ፍቓዱ ይኹን።

ይትባረክ እግዚአብሔር አምለከ አበዊነ! 

   ወስብሐት ለእግዚአብሔር ወለወላዲቱ ድንግል ወለመስቀሉ ክቡር፡ አሜን!

ዘመነ ዮሐንስ 9 የካቲት 2012 ዓ.ም…

February
Monday
17
ዝክር፦ አባ በርሱማ፡ ወጳውሎስ ሶርያዊ፡ ወዮሴፍ፡ ወጴጥሮስ ሰማዕት። ዘቅዳሴ ምንባብ፦ ኤፌ. 4፡1-6። 1ይ ዮሐ. 1፡8-ፍጻሜ። ግብ. ሐዋ. 11፡22-26። ምስባክ፦ መዝ. 111/112 ወንጌል፦ ዮሐ. 8፡51-ፍጻሜ። ቅዳሴ፦ ዘ፫፻ት ግሩም። * * *
00:00 h

  

ዜና ኅትመት

እዋናዊ ጽሑፋት

ሓዋርያ ቅዱስ ያዕቆብ ወልደ እልፍዮስ

ያዕቆብ ማለት አኀዜ ሰኰና አዕቃጺ (ሓንኳሊ) ማለት እዩ። ነገዱ ካብ ነገደ ጋድ ሃገረ ስብከቱ ኢየሩሳሌም ዕረፍቱ 10 የካቲት ቍጽሩ ካብ...

አዋጅ ምህላ ጾመ 40 ኣብ ኵለን ኣብያተ ክርስቲያናት

“ቀድሱ ጾመ ወስብኩ ምህላ/እትጾሙሉ እዋን ፍለዩ ምህላ’ውን ኣውጁ” ኢዩ. 1፡14 ብኦርቶዶክሳዊት ተዋሕዶ ቤተ ክርስቲያን ሕገ ቀኖና ኣብ ዓመት ካብ ዘለዉ ሾብዓተ...

ሠራሕተኛታት ቤት ጽሕፈት መንበረ ፓትርያርክ ናብ ገዳም ደብረ ጥሉል አቡነ…

05 የካ 2012 ዓ.ም.ግ (13 የካ 2020 ፈ.) ሠራሕተኛታት ቤት ጽሕፈት መንበረ ፓትርያርክ ናብ ገዳም ደብረ ጥሉል አቡነ አብራንዮስ (እንዳ...

በዓለ ስምዖን ኣረጋዊ - 8 የካቲት

ጐይታናን መድኃኒናን ኢየሱስ ክርስቶስ ካብ ቅድስት ድንግል ማርያም ነፍስን ሥጋን ተዋሒዱ ምስ ተወልደ፡ ሕጊ መጽሓፋዊ ንምፍጻም ኣብ 40 መዓልቱ፡ መሥዋዕቲ...

ክብረ በዓል ገዳም አቡነ እንድርያስ ሰፍኣ ተኸቢሩ!

ዓመት መጸ 1 የካቲት ዝበዓል ዝክረ ዕረፍቲ ኣቡነ እንድርያስ ሎሚ ዓመት 2012 ዓ.ም. እውን ብዓቢይ መንፈሳዊ ክብሪ ተኸቢሩ! ኣብዚ ክብረ በዓል...

ዕለታት ጾመ ነነዌ

ጾመ ነነዌ ሓደ ካብቶም 7ተ ናይ ኣዋጅ ኣጽዋማት ቤተ ክርስቲያን እዩ። ጾመ ነነዌ ኵል ሳዕ ዓቢይ ጾም ቅድሚ ምእታዉ ቅድሚ...

ንዑ ደቂቅየ ወስምዑኒ . . እመሀርክሙ - ታሪክ ሰብአ ነነዌ…

እግዚአብሔር ዝፈትወኩም ሕፃናት ከመይ ኣሎኹም፧ ናብዚ ሰዓትን እዝን ዕለትን ብሰላም ዘብጸሓና እግዚአብሔር ዝኸበረን ዝተመስገነን ይኹን። ልበ ኣምላክ ኣቦና ቅዱስ ዳዊት...

እንቋዕ ናብ ጾመ ነነዌ ኣብጽሓና፦ ሰኑይ 2 የካቲት ክሳዕ ረቡዕ…

ጾመ ነነዌ ሓደ ካብቶም ሾብዓተ ናይ ኣዋጅ ኣጽዋማት እዩ። ኣብ ነነዌ ዝቕመጡ ዝነበሩ ሕዝቢ ጾይሞም ምሕረት ከምዝረኸቡ፡ ሕዝበ ክርስቲያን ድማ...

አሥርቆት ዘወርኀ የካቲት

በስመ አብ ወወልድ ወመንፈስ ቅዱስ አሐዱ አምላክ! አሥርቆት ዘወርኀ የካቲት ዮም ሠረቀ ለነ ወርኀ ቡሩክ የካቲት ያብጽሐነ እስከ ወርኀ መጋቢት በሰላመ እግዚአብሔር...

ገዳም ደብረ ጽጌ ጺዳርዋ ኣቡነ እንድርያስ (ሰፍኣ)

ገዳም ደብረ ጽጌ ጺዳርዋ፡ ኣብ ዞባ ደቡብ ከባቢ ሰፍኣ ምብራቕ ካብ ዓዲ ፈለስቲ ኣብ 1760 ሜትሮ ብራኸ ይርከብ። እዚ ገዳም’ዚ...

ገዳም ወግረ ስኂን ኣቡነ እንድርያስ (ዕፉን)

ገዳም ወግረ ስኂን ኣቡነ እንድርያስ ዕፉን ኣብ ዞባ ደቡብ ንኡስ ዞባ ዓረዛ ዝርከብ ኮይኑ፡ ካብ ዓረዛ ንሸነኽ ደቡብ 33 ኪ.ሜ...

ኣብ ቅድስት ሃገር እስራኤል ዓመታዊ በዓል ብድምቀት ተኸቢሩ!

ቀዳም 23 ጥር 2012 ዓ.ም. (01/02/2020 ዓ.ም.ፈ.) ኣብ ቅድስት ሃገር እስራኤል ዓመታዊ ክብረ በዓል ዕረፍታ ናይ ቅድስት ድንግል ማርያም ከምኡ...

  

latest articles

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...

Fast of the Prophets (Advent)

15th November (geez calander), marks the first day of the Advent Fast, a period of abstinence and penance practiced by...

FASTING

Fasting is abstinence from all things that a body needs, and one has to fast from animal products and from...

The Eritrean Orthodox Tewahdo Church (EriOTC)

In the name of the Father, and of the Son, and of the Holy Spirit, One God. “We call our...

Holy of Holies Our Lady, the virgin Mary

The word holy (kidus) in Geez denotes being special, pure and esteemed. This prefix is an attribute to denote the...

HOLY SCRIPTURES (part one)

All Scriptures are written with the inspiration of the Spirit of God or the breath of God. They are also...