ሥነ ፍጥረት ዘዕለተ ኃሙስ

Jun 15, 2018

ኃሙስ፥ ካብ ‘ኀመሰ’ ዝብል ግእዛዊ ግሢ ዝወፀ ኮይኑ ‘ኃሙሻይ’ ማለት እዩ። ኣብ ኃሙሻይ መዓልቲ ናይ ሥነ ፍጥረት ካብ ደመ ነፍስ ዘይብላ ባሕሪ ብደመ ነፍስ ሕያዋን ዝኾኑ ፍጥረታት ተፈጥሩ። አምጻኤ ዓለማት ፈጣሬ ፍጥረት እግዚአብሔር ኣብ ኃሙሻይ መዓልቲ ብቀዳመይቲ ሰዓት ለይቲ “ለታውፅእ ማይ ዘይትሐወስ ዘቦ መንፈሰ ሕይወት፡ ወአዕዋፈ ዘይሠርሩ መልዕልተ ምድር ወመትሕተ ሰማይ፡ ወኮነ ከማሁ/ ማያት ደመ ነፍስ ዘለዎ ተንቀሳቃሲ ፍጥረት ተውፅእ በለ። እንሆ ድማ ብደመ ነፍሲ ሕያዋን ኮይኖም ዘስተንፍሱ ሠለስተ ዓይነታት ፍጥረት ካብ ማይ (ባሕሪ) ፈጠረ። ጽቡቕ ከም ዝኾነ ረኣየ እሞ ‘ፍረዩን ተባዝኁን ንማያት ባሕሪ ምልእዎ፡ ኣዕዋፍ ከኣ ኣብ ምድሪ ብዝኃ’ ኢሉ ባረኾም። (ዘፍ. 1፡20-23)

እዞም ፍጥረታት ዋላ እኳ ካብ ባሕሪ ይፈጠሩ እምበር ተፈጥሮኦም ካብ ኣርባዕተ ባሕርያተ ሥጋ (ማይ፡ ሓዊ፡ ንፋስ፡ መሬት) እዩ።

ኣካላቶም ዓጽሚ ጅማት ክኸውን ከሎ ብደመ ነፍስ ዝንቀሳቀሱ ናይ ደመ ነፍስ ፍልጠት ዘለዎም እዮም። ደመ ነፍስ ማለት ብደመ ነፍስነት ዝንቀሳቀሱ ደሞም ጠጠው ምስ ዝብል ምንቅስቓሶም ደው ዝብል ሕይወቶም ዘብቅዕ ማለት እዩ። (ዘፍ 1።20)

ናይ ዕለተ ኃሙስ ፍጥረታት ብሓፈሻ ዓበይቲ እንስሳ ባሕርን በብዓይነቱ ሕይወት ዘለዎም ውንጅርጅር ዚብሉ ዅሎምን፡ ክንፊ ዘለወን በብዓይነተን ኵለን ኣዕዋፍን ዘጠቓልል እዩ። እዚኣቶም፥

* ብዓይነቶም ኣብ ሠለስተ ክኽፈሉ ከለዉ፥ ዘመደ እንስሳ ዝበሃሉ ከም ዓሳ፣ ዘመደ ኣራዊት ዝበሃሉ ከም ጉማሬ. . ፣ ዘመደ ኣዕዋፍ ዝበሃሉ ከም ደርሆ ማይ  . . ዝኣመሰሉ እዮም።
* ብኣከያይዳኦም ኣብ ሠለስተ ክኽፈሉ ከለዉ፥ ብኣፍ ልቦም ዚሰሓቡ፡ ብእግሮም ዝኸዱ፡ ብኽንፎም ዝበሩ እዮም ።
* ብኣነባብራኦምን ኣብ ሠለስተ ክኽፈሉ ከለዉ፥ ኣብ ውሽጢ ባሕሪ ጥራይ ዝነብሩ፡ ካብ ባሕሪ ተፈጢሮ ናብ ምድሪ ዝወፅኡ፡ ኣብ ባሕርን ምድርን ክነብሩ ዝኽእሉ እዮም።

ምሳሌን ትርጕምን

ባሕሪ ናይ ጥምቀት ምሳሌ ኮይኑ ካብ ባሕሪ ዝተረኽቡ ፍጥረታት ድማ ናይ ደቂ ሰብ ምሳሌ እዮም።

ሀ. ኣብ ውሽጢ ባሕሪ ጥራይ ዝነብሩ ምሳሌ ናይ ፡-

1. ተጠሚቆም ብሃይማኖትን ሠናይ ግብርን ጸኒዖም ዝነብሩ ሕዝበ ክርስቲያን፣
2. ቃል ኪዳኖም ሓልዮም፡ ሠናይ ተግባር እናፈጸሙ ዓስራት በዅራት ቀዳምያት እናውፅኡ ብፍቅሪ ጸኒዖም ዝነብሩ ሰብ ሓዳር፣
3. ኣብ ባሕሪ ኃጢኣት ጥሒሎም ዝነብሩ ኃጥኣን፣
4. . . .

ለ. ኣብ ባሕርን ንቑጽ ምድርን (የብስ) እትው ውፅእ እናበሉ ኣብ ክልቲኡ ዝነብሩ ምሳሌ ናይ፦

1. ኣታዊ ወፃኢ ዝኾነ ሕይወት ዘለዎም ሓንሳእ ምስ እግዚአብሔር መንፈሳዊ ይኾኑ፣ ሓንሳእ ድማ ምስ ዓለም ዓለማዊ ዝኾኑ ሰባት፣
2. ሓንሳእ ሃይማኖቶም ኣጽኒዖም ይነብሩ፣ ሓንሳእ ድማ ከሓድቲ ይኾኑ ኣይኣመንቲ ኣይከሓድቲ ዝኾኑ ሰባት ፣
3. ሓንሳእ ናብራ ገዳም ከቢድዎም ናብ ጣዕሚ ዓለም ይኸዱ፣ ሓንሳእ ድማ ጣዕሚ ዓለም ሰልኪይዎም ናብ ገዳም ዝኸዱ መነኮሳት ፣
4. . . .

ሐ. ካብ ባሕሪ ተፈጢሮም በሪሮም ናብ ምድሪ ዝወፅኡ እሞ ኣብ ምድሪ ጥራይ ዝነብሩ ምሳሌ ናይ ፦

1. ብጐይታ ዘይኣመኑ፡ ካብ የማናይ ጐድኑ ብዝወፀ ማየ ገቦ ዘይተጠምቁ ሰባት፣
2. ምእንቲ ንፈጣሪኦም ከሥምሩ ሓንሳእን ንሓዋሩን ካብ ናብራ ሥጋ ንናብራ ነፍስ፣ ካብ ሕጊ እንስሳ ንሕጊ መላእኽት መሪጾም፣ ካብ ቤተ ሰቦምን ሃገሮምን ተፈልዮም ጣዕሚ ዓለም መኒኖም አውሊ ልሒሶም እምኒ ተተርኢሶም ኣብ ፈቐዶ በዓትታትን ጐዳጕድን ዝነብሩ ባሕታውያን፣
3. . . .

ብኻልእ ምሳሌ ድማ

ሀ. ብኣፍ ልቦም ዝሰሓቡ፡-

1. ናይቶም ባዕሎም ሓሲቦም ሠሪሖም ተግባረ እድ ዝፍጽሙ ሰብአ ዓለም፣
2. ብቃል ኪዳን ጸኒዖም ዝነብሩ ሰብ ሓዳር፣
3. . . .

ለ. ብእግሮም ዝኸዱ፦

1. ናይ ካህናት፣
2. ‘ይስዓበኒ’ ብዝብል ኣማናዊ ቃል ተሳሒቦም ካብ ዘመድ ኣዝማድ ርኂቖም ብድንግልናኦም ጸኒዖም ኣሰር ጐይታ ዝስዕቡ መነኮሳት፣ ካብቶም ብኸብዶም ዝሓስቡ እቶም ብእግሮም ዚኸዱ ከምዝበልጹ፡ መነኮሳት ድማ ካብቶም ሰብአ ዓለም ይበልጹ።
3. . . .

ሐ. ብኽንፎም ዝበሩ

1. ናይቶም ተመስጦ ጸጋ ዘለዎም ሰማዕታት፣ (ግብ. 7፡ 55-56፣ 2ይ ቆሮ. 12፡3)
2. ካብ ብእግሪ ምኻድ ብክንፊ ምብራር ከም ዝበልጽ፣ ካብ ኵሉ ድማ እቲ ሀብተ ውሉድነት ሥላሴ ዝህብ ጥምቀት ይበልጽ፣
3. . . .

ብሓፈሻ ድማ እዞም ደመ ነፍስ ዘለዎም ሕያዋን ፍጥረታት ካብታ ደመ ነፍስ ዘይብላ ባሕሪ ከም እተረኽቡ፡ ከባቴ ኣበሳ መድኃኔ ዓለም ጐይታናን መድኃኒናን ኢየሱስ ክርስቶስ ድማ ካብታ ፍተወት እንስሳዊ ዘይብላ ንጽሕተ ንጹሓን ኣዴና ቅድስት ድንግል ማርያም ካብ ሥጋኣ ሥጋ ካብ ነፍሳ ነፍስ ወሲዱ ናይ ምርኻቡ ምሳሌ እዩ።

ከምኡ’ውን እግዚአብሔር ኣምላኽ፡ ነዞም ዅሎም ካብ ባሕሪ ዝተፈጥሩ ፍጥረታት ፍልጠት ደመ ነፍስ ዝሃቦም ከምኡ ድማ ንዅሎም ብጥምቀት ሀብተ ውልድነት ዝረኸቡ ምእመናን መንፈሳዊ ፍልጠት ከምዝህቦም ዘረድእ እዩ።

ወስብሐት ለእግዚአብሔር ወለወላዲቱ ድንግል ወለመስቀሉ ክቡር፡ አሜን !

No events found.
Ad Right

ዜና ኅትመት

እዋናዊ ጽሑፋት

ክብረ በዓል ወዝክረ ዕረፍት አቡነ ኤዎስጣቴዎስ 18 መስከረም 2013 ዓ.ም…

ኣብ ናይ መንፈስ ደቆም ገዳማትን ብሽሞም ኣብ ዝተሓንፁ ኣብያተ ክርስቲያንን ክብረ በዓል ኣቡነ ኤዎስጣቴዎስ ተኸቢሩ።

ክብረ በዓል ቅዱስ መስቀል 2013 ዓ.ም. ብመንፈሳዊ ተመስጦን ሓበንን ተባዒሉ!

ትማሊ ዕለት 17 መስከረም 2013 ዓ. ም. ክብረ በዓል ቅዱስ መስቀል፡ ዓቃቤ ወንበር ብፁዕ ኣቡነ ጴጥሮስ ዋና ጸሓፊ ቅዱስ ሲኖዶስ...

“ነቶም ቃል ኣምላኽ ዝነገሩኹም መራሕትኹም ዘክርዎም” ዕብ. 13፡7 - አቡነ…

ቅዱስ አቡነ ኤዎስጣቴዎስ ካብ ኣቦኡ ክርስቶስ ሞዐን፡ ኣደኡ ሥነ ሕይወትን ኣብ እንድርታ፡ ጽራእ ኣብ ዝተባህለ ዓዲ ተወልደ። ክርስቶስ ሞዐን ሥነ...

ወገብረ ሰላመ በደመ መስቀሉ/ ብደም መስቀሉ ሰላም ገብረ። ቈላ. 1፡19-20

በስመአብ ወወልድ ወመንፈስ ቅዱስ አሐዱ አምላክ!    * ኣመጻጽኣ መስቀል፣ መስቀል ማለት ‘ሰቀለ’ ካብ ዝብል ግእዛዊ ግሲ ዝተረኽበ ኾይኑ ትርጕሙ ድማ ዝተመሳቐለ...

እንቋዕ ናብ በዓለ መስቀል 2013 ዓ.ም. ኣብጽሓና!

ኣብ ውሽጢ ሃገርን ወፃእን እትነብሩ ምእመናንን ምእመናትን፣ ቅዱስ ፍቓዱ ኮይኑ ካብ ዘመነ ዮሓንስ ናብ ዘመነ ማቴዎስ ዘሰጋገረና እግዚአብሔር ኣምላኽና፣ እንቋዕ...

ንቤት ንባብ ደብረ ሲና ቅድስት ሥላሴ መንፈሳዊ ኮሌጅ ዘገልግል…

ንቤት ንባብ ደብረ ሲና ቅድስት ስላሴ መንፈሳዊ ኮሌጅ ኣብ መሥርሕ ምምሃርን ምስትምሃርን ከም መወከሲ ዘገልግል መጻሕፍቲ ብገባሬ ሠናይ ኣቶ ቴድሮስ...

ዓመታዊ በዓል ቤት ትምህርት ሰንበት ቅዱስ ዮሐንስ ቤተ ክርስቲያን መድኃኔ…

ብዕለት 2 መስከረም 2013 ዓ.ም.ግ. “እግዚአብሔር ከኣ በደልካ ኣርሒቑልካ እዩ ኣይትመውትን ኢኻ” 2ይ ሳሙ. 12፡13 ብዝብል ኃይለ ቃል ዓመታዊ በዓል...

ካብ ርእሰ ዓውደ ዓመት ክሳዕ ፀአተ ክረምት

1. ካብ ዮሐንስ (መለወጢ ዘመን ) ክሳዕ ዘካርያስ (1 መስከረም ክሳዕ 8 መስከረም) ሓድሽ ዓመት ዝትክኣሉ እዋን ስለዝኾነ ኣብ ልቢ ክርስቲያን...

በዓለ ሥእል ዘጼዴንያ

ብመሠረት ትምህርቲ ቅድስት ቤተ ክርስቲያን ካብ ቅዱሳት ኣሣእል ብዙኅን ዓቢይን ጥቕሚ ይርከብ። ኣብ ቅዱሳት መጻሕፍቲ ዝርከቡ ትምህርትታትን ታሪኻትን ብሥእላዊ ኣገላልጻ...

ሓድሽ ዓመት ብሓድሽ መንፈስ!

ኣብቲ ብብርሃን ዝወቀበ ዘመን ኣዳራሽ ፡ ኣርባዕተ ወንጌላውያን ከም ዕንቍ ተኾሊዖም ብሓጐስ ዝነብርሉ፡ ሓደ ንበይኑ ኣብ መደቡ ግልል ኢሉ ነበረ።...

ዓመታዊ በዓል ቤት ትምህርት ሰንበት ቅዱስ ሩፋኤል ቤተ ክርስቲያን መድኃኔ…

ብዕለት 3 ጳጕሜን 2012 ዓ.ም.ግ. “ሕይወቱ ምሉእ ንእግዚአብሔር ኣሚኑ ዝኃፈረ የለን” መጽ.ሲራ. 2፡10 ብዝብል ኃይለ ቃል ዓመታዊ በዓል ቤት ትምህርት...

ገዳም ደብረ ደናግል ሰማዕት ቅድስት ኣርሴማ ገዳመን ክሓንፃ ፕላን ኣጽዲቀን…

ናይ ደቀ ኣንስትዮ ገዳም ደብረ ደናግል ሰማዕት ቅድስት ኣርሴማ ብ29 መስከረም ብሠናይ ፍቓድ ቅዱስ ሲኖዶስ ምስ ተገደመ ቤተ ጸሎት፡ መንበሪ...

  

latest articles

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...

Ascension

After the Lord Jesus Christ had finished the operation of His wisdom upon earth, by His Passion, and His Death...

Tsinset (Annunciation – Feast of Incarnation)

In accordance with the cannon of the Church, one of the nine major feast days of Our Lord. it Tsinset (Annunciation...