መቐረት ጾመ ፍልሰታ

Aug 13, 2020

ቅዱስ ዳዊት ከምዝበሎ ጽሩይን ናይ ጥዕናን መዋዕል ሰብ እንተ በዝኀ ሰብዓ ሰማንያ ዓመታት እዩ። ኣብዘን ዓመታት ሓደ ክርስቲያን 70-80 ጊዜ ጥራሕ ከስተማቕራ ዝኽእል እዩ። ንሳ ድማ ኣብ ውሽጢ ዓመት፡ ዓሰርተው ሓደ ኣዋርኅ ኣኅሊፍካ እትርከብ ወርኂ ነሐሴ እያ። እዛ ወርኂ’ዚኣ ብዘለዋ መቐረት ብሓፈሻ ኵሉ ሕዝቢ ብፍላይ ግና ምእመናነ ኦርቶዶክስ ተዋሕዶ ብሃንቀውታ ዝጽበይዋ እያ። ካብ ባሕታ ክሳዕ ፍጻሜኣ ድማ ጠለለት ክረምት ስለ ዘይፍለያ ፍሉይ ባህታ ኣለዋ። ልዕሊ ዅሉ ድምቀትን መቐረትን ዝህባ ድማ ጾመ ፍልሰታ እዩ።

ጾመ ፍልሰታ ኣብ ውሽጢ ዓሰርተው ሽዱሽተ ዕለታት ናይዛ ወርኂ’ዚኣ ይፍጸም። እዚ ጾም እዚ ቅዱሳን ሓዋርያት ድኅሪ ዕረፍቲ ቅድስት ድንግል ማርያም፡ ቅዱስ ሥጋኣ ኣበይ ከም ዝተቐብረ እግዚአብሔር ንኽገልጸሎም ብሓደ ነሐሴ ሱባኤ ኣትዮም ኣብ ምፍጻም ካልኣይ ሰሙን ናይ ሱባኤኦም ኣብ ዕለት 14 ነሐሴ ቅዱስ ሥጋኣ ተቐቢሎም ኣብ ጌቴሴማኒ ቀበርዋ። ናብዚ ንኸርክብ ሓዋርያ ቶማስ ካብ ሃገረ ስብከቱ ሕንድ ብዓምደ ደመና እናመጸ ከሎ ብ16 ነሐሴ ዕርገታ ንበይኑ ርእዩ ምስክር ዝኾኖ ሰበን ቅድስት ድንግል ማርያም ኂዙ ንቕዱሳን ሓዋርያት ኣበሠሮም። ኣብ ዓመቱ ደጊሞም ኣብ ወርኀ ነሐሴ ቅዱሳን ሓዋርያት ከም ሓዋርያ ቶማስ ዕርገታ ክርእዩ ጾሙ እሞ ዓስቢ ጾሞም ድማ ረኸቡ።

ካብዚ ጊዜ’ዚ ጀሚራ ሓዋርያዊት ኦርቶዶክስ ተዋሕዶ ቤተ ክርስቲያን፡ ሕዝበ ክርስቲያን እናጾሙን ናብኣ እናተማኅፀኑን በረኸት ቅድስት ድንግል ማርያም ምእንቲ ኺሳተፉ ክጽውም ኣወጀት።

ኵሉ ሕዝበ ክርስቲያን ድማ ዓመት መጸ ምስ ዓሚቝ ፍቕርን መንፈሳዊ ሥርዓትን ይጸውም። ለይቲ ብመሪሕነት ውሉደ ክህነት ካብ ሕፃናት ክሳዕ ኣረጋውያን ኵሎም ኣብ ቤተ ክርስቲያን ተረኺቦም ጸሎተ ሰዓታት የብጽሑ። ትርጓሜ ውዳሴን ቅዳሴን ስብከተ ወንጌልን ክሰምዑ የርፍዱ። ፍርቂ መዓልቲ ኣብ ጸሎተ ቅዳሴ ተካፈልቲ ይኾኑ። ዝተዳለዉ ድማ ቅዱስ ሥጋኡን ክቡር ደሙን ይቕበሉ። ሠርክ ድማ ብጸሎተ ምህላን ስብከተ ወንጌልን ተጸሚዶም የምስዩ።

ብፍሉይ ጾመ ፍልሰታ፡ ኣብ ክረምቲ ምስ ዕረፍቲ ናይ ኣብያተ ትምህርትን ዓመታዊ ዕረፍቲ ናይ ሠራሕተኛታትን ዝሰማማዕ ወቅቲ ብምዃኑ ፍሉይ መቐረት ኣለዎ። ኣደተታት ምስ ደቀን፡ መንእሰያት ብሕብረት ኣብዘን ጊዜያት እዚአን ማየ ጸሎት ዘይሕጸብ የለን።

መንእሰያት ተማሃሮ ላዕለዋይ ደረጃ ትምህርትን ሠራሕተኛታትን ኣብ ገዳማትን ቅዱሳን መካናትን ብምኻድ ለይቲ ብጸሎት፡ ንግሆ ትርጓሜ ውዳሴን ቅዳሴን ማርያም ብምስማዕን፣ ረፋድ ብማእቶታዊ ንጥፈታት ገዳማት ከምኡ’ውን ብጸሎተ ቅዳሴን አንብቦተ መጻሕፍት ውዒልካ ምሸት ድማ ብጸሎተ ምህላ ዝዓርብ ምቁር ጊዜ እዩ። ብፍቅሪ ገዳማውያነ አበውን ሓልዮት አኅዋትን ማሚቕካ ዝኅለፍ እዋን ብምዃኑ ፍሉይ ጦብላሕታ ዘለዎ እዩ።

ኣብ ማየ ጸሎታት’ውን ብሕማም ዝደኸሙ ሽጉራት፡ ኣላይ ዘይብሎም ጽጉማት፡ . . . ማየ ጸሎት እናሕጸቡ ብጉልበት ዝኣልዩን ዝሕብሕቡን ኣብ መንፈሳዊ ኣገልግሎት ዝነጥፉ ውኁዳን ኣይኮኑን።
ብሓፈሻ ጾመ ፍልሰታ፡ ንዅሉ ንእሽቶን ዓቢይን ፡ ወድን ጓልን ፡ ሰብኣይን ሰበይትን ንውሉደ ክህነትን ምእመንን ሕልና ዝቕስቅስን ዘነቓቕሕን ወርኀ ጾም እዩ።

ብጸሎት እግዝእትነ ማርያም፡ ቅዱስ እግዚአብሔር ንዅሉ ሕዝበ ክርስቲያን፡ ንሃገርናን ንዅሉ ዓለምን ሰላሙን ፍቕሩን ፈውሰ ምሕረቱን ይዓድለልና።

ስብሐት ለእግዚአብሔር ልዑል
ወለወላዲቱ ማርያም ድንግል
ወለመስቀሉ ክቡር ወኃያል፡ አሜን!

Ad Right
No events found.

ዜና ኅትመት

እዋናዊ ጽሑፋት

ሓድነታዊ ጉባኤ ሓድሽ ዝተመርጸ ምምሕዳር ሰበካ ጉባኤን ምእመናን ኣባላት ሰበካ…

መሪሕነት ኣባላት ሰበካ ጉባኤ መድኃኔ ዓለም ኦርቶዶክስ ተዋሕዶ ቤተ ክርቲያን ኤርትራ (ሉሳካ) ከምኡውን ምእመናን ምእመናት ነበርቲ ሃገረ ዛምብያ ብማእከልነት ቀሲስ...

ጉባኤ ማኅበር መላእ ኣብያተ ክርስቲያናት ኣፍሪቃ ኣብ ሃገረ ዛምብያ ይካየድ…

ብማኅበር መላእ ኣብያተ ክርስቲያናት ኣፍሪቃን(AACC) ብኣኣንጋድነት ቤት ምኽሪ ኣብያተ ክርስቲያናት ዛምብያ (CCZ) ተወዲቡ፡ ኣብ ዛዕባ ሕዝባዊ ዕዳን ብልሽውናን ምቁጽጻር ከምኡ’ውን...

ጉባኤ ኤፌሶን (431 ዓ.ም.) 1ይ ክፋል

ዝቐደመ ጉባኤታት ኣብ ምሥጢረ ሥላሴ ንዝተላዕለ ኑፋቄታት፣ ብፍላይ ብተመሃሮ ቤት ትምህርቲ አንጾኪያ፣  መልሲን ግቡእ መግትኢ ዝኸውን ውግዘትን ኣቐሚጡ ነበረ። ብድሕሪ...

በዓለ ሥእል ዘጼዴንያ

ብመሠረት ትምህርቲ ቅድስት ቤተ ክርስቲያን ካብ ቅዱሳት ኣሣእል ብዙኅን ዓቢይን ጥቕሚ ይርከብ። ኣብ ቅዱሳት መጻሕፍቲ ዝርከቡ ትምህርትታትን ታሪኻትን ብሥእላዊ ኣገላልጻ...

በዅሪ ጽምብል ሥነ ሥርዓት መመረቕታ ኮለጅ ነገረ መለኮት ደብረ ሲና…

ኮለጅ ነገረ መለኮት ደብረ ሲና ቅድስት ሥላሴ ዘኦርቶዶክስ ተዋሕዶ ቤተ ክርስቲያን ኤርትራ፡ ብመዓልታውን ምሸታውን መርሐ ግብር ክምህሮም ካብ ዝጸንሐ ተማሃሮ፡...

“ነቢይ ኢሳይያስ”

ነቢይ ማለት ፡ መንፈስ ትንቢት ኃዲርዎ ብዛዕባ ዚመጽእ ትንቢት ዚንበ፣ ብዛዕባ ዝኃለፈን ዚመጽእን ራእይ ዚርኢ፣ ብዛዕባ ግብረ እግዚአብሔር ኣብ ታሪኽ...

ዜና መዋዕል ካብ ልደት ክሳዕ ግብአተ መሬት መሪጌታ ባራኺ ገብረመድኅን…

በስመ አብ ወወልድ ወመንፈስ ቅዱስ አሐዱ አምላክ! “በድርየኒ ፈጸምኩ ወሃይማኖትየኒ ዐቀብኩ፡ እንከሰ ጽኑሐ ሊተ አክሊለ ጽድቅ ዘየዐሥየኒ እግዚአብሔር ይእተ ዕለተ መኰንነ...

ኣብ ቤት ማኅተም ኮከበ ጽባሕ ንልዕሊ 20 ዓመት ዝሠርሑ መሪጌታ…

ናይ ኤርትራ ኦርቶዶክስ ተዋሕዶ ቤተ ክርስቲያን ቤት ማኅተም ኮከበ ጽባሕ ማኅበረ ሓዋርያት ንልዕሊ 20 ዓመት ዝሠርሑ መሪጌታ በራኺ ገብረመድኅን ኣብ...

እንቋዕ ካብ ዘመነ ማቴዎስ ናብ ዘመነ ማርቆስ ብሰላም ኣሰጋገረናን ኣብጽሓናን!

ዝናም ብመብረቕን ድምፂ ነጐድጓድን ተዓጂቡ ንምድሪ ዘዕለቕልቐሉ ወርኀ ክረምት ኣኅሊፉ፡ ንምድሪ ብልምላሜን ጽጌያትን ኣወቂቡ፡ ናብዚ ሓዲስ ዘመን ንሰጋገረሉ ወርኀ መስከረም...

ካብ ርእሰ ዓውደ ዓመት ክሳዕ ፀአተ ክረምት

1. ካብ ዮሐንስ (መለወጢ ዘመን ) ክሳዕ ዘካርያስ (1 መስከረም ክሳዕ 8 መስከረም) ሓድሽ ዓመት ዝትክኣሉ እዋን ስለዝኾነ ኣብ ልቢ ክርስቲያን...

ቃለ ቡራኬ ርእሰ ዓውደ ዓመት 2014 ዓ.ም.

አቀድም አእኵቶቶ ለእግዚአብሔር በኢየሱስ ክርስቶስ በእንተ ኵልክሙ እስመ ተሰምዓት ሃይማኖትክሙ ውስተ ኵሉ ዓለም። (ሮሜ ፲፩፡፰)/ ኣቐዲመ ንዂልኻትኩም ብኢየሱስ ክርስቶስ ሃይማኖትኩም...

ዜና ዕረፍት ሊቀ ሊቃውንት ኃይለሥላሴ ገብረሚካኤል

 “ኣታ ሕያዋይን እሙንን ኣገልጋሊ . . . ናብ ሓጐስ ጐይታኻ እቶ” (ማቴ. 25፡21) ሊቀ ሊቃውንት ኃይለሥላሴ ገብረሚካኤል ኣብ መበል 90 ዕድሚኦም...

  

latest articles

Transfiguration: (Debre Tabor)

This is the day celebrated on Nehase (August) 13 G.C. in which Our Lord Jesus Christ during his ministry, manifested...

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...