“ብኃጢኣት ሕዝበይ እየ ኣብ ኢድኩም ኣውዲቐያ!”

Jul 04, 2020

ገቢረ ተአምራት ወላዲተ ኣምላክ ድንግል ማርያም፡ ተነጊሩ ዘይጽገብ ተጻሒፉ ዘይፍጸም እዩ። ካብ ፅንሰታ ዝጀመረ ገቢረ ተአምራት ክሳዕ ምጽኣተ ክርስቶስ በቲ ወዳ ዘኽበራን፡ ዝተዋህባ ኪዳነ ምሕረትን ዝቕጽል እዩ።

ቅዱስ ደቅስዮስ፡ ካብ ፍቕራ ዝተላዕለ እግዚአብሔር ምሥጢር ኣብ ልቡ፡ ነገር ኣብ ልሳኑ፡ ብርዒ ኣብ ኢዱ ኣቃኒዕሉ፡ ቀለም በጽቢጹ ብራና ፍሒቑ ንብዘሎ ተኣምራ ኣኻኺቡ መጽሓፍ ተኣምረ ማርያም ጸሓፈ። ኣብዚ መጽሓፍ ሠፊሩ ካብ ዘሎ ገቢረ ተኣምራታ ሓደ፡ ኣብታ ብስማ ዝተሓንፀት ቤተ ክርስቲያን ደብረ ምጥማቅ ዝተገብረ እዩ። 

ናይ እስክንድርያ ምስሪ ንጉሥ ንጉሥ ኣሽሪፍ ነጊሥሉ፣ ብፁዕ አቡነ ዮሐንስ ሊቀ ጳጳስ ዝነበረሉ እዋን እዩ። ገቢረ ተኣምራት እግዝእትነ ማርያም ምእንቲ ኽግለጽ ከምቲ ፈርዖን ልቡ ዘትረረ፡ እዚ ንጉሥ’ዚ ድማ ልቡ ኣትረረ። ብምኽሪ ሰይጣንን ድፍኢት ተንባላትን ንቤተ ክርስቲያን ደብረ ምጥማቅ ከፍርስዋ ብምእዛዝ ሰባት ለኣኸ። ሕዝበ ክርስቲያን ኦርቶዶክስ ተዋሕዶ ናብ ኃዘንን ስደትን መከራን ተቓልዑ። እቶም ልኡኻቱ “እስመ መልአ ሰይጣን ውስተ ልቦሙ በቅንአት ወአፍጠኑ ነሢቶታ” ከምዝብል ሰይጣን ብቅንኣት ኣብ ልቦም ስለዝኃደረ ቀልጢፎም ኣፍረስዋ።

እዚ ምስ ኮነ እቶም ክርስቲያን “እፎ አደመና እግዚአብሔር ለጽዮን/ እግዚአብሔር ንጽዮን ከመይ ኢሉ ኣጥፍኣ፧” ኢሉ ነቢይ ኢሳይያስ ከምኡ’ውን ነቢይ ሚልክያስ “በበይነ ዚአክሙ የሐርስዋ ለጽዮን ከመ ገራህት ቤቱሂ ከም ኦም/ ብሰንክኹም ንጽዮን ከም ግራት ንቤቱ’ውን ከም ዱር ክሓርስዋ እዮም” ኢሉ ዝተነበዮ ኣባኺ ተፈጸመ” እናበሉ ኣልቀሱላ።

ነዚ ክፉእ ግብሮም ፈጺሞም ኣብ ዝደቀስሉ ለይቲ፡ ንንጉሥ ኣሽሪፍን ዅሎም መኳንንቱን ኣብ ሓደ ሰዓት ብሕልሚ “ ኢትበሉ በኃይልነ ወበፅንዐ እደዊነ አንሀልነ ቤተ ክርስቲያና ለማርያም፣ ዳዕሙ አግባእክዋ ውስተ እደዊክሙ በእንተ ኃጢአተ ሕዝብየ/ ብኃይልናን ብጽንዓት ቅልጽምናን ናይ ማርያም ቤተ ክርስቲያን ኣፍሪስናያ ኣይትበሉ። ብኃጢኣት ሕዝበይ እየ ኣብ ኢድኩም ኣውዲቐያ። ” ክትብል ተዛረበቶም።  

ንጽባሒቱ ኵሎም ተጋቢኦም ብሓደ ቃል ነቲ ዝረኣይዎ ተዛረቡ። ሽዑ ንጉሥ ምስ መኳንንቱ ዓበደ፣ ነሓድሕዶም ድማ ከም ኣኽላባት ተናኸሱ።” ይብል መጽሓፈ ተአምረ ማርያም።

ነዚ “ብኃጢኣት ሕዝበይ እየ ኣብ ኢድኩም ኣውዲቐያ።” ዝብል ኃይለ ቃል ቅድስት ድንግል ማርያም፡ ኣብዚ ብሰንኪ ተላባዒ ሕማም ኮረና ሕዝበ ክርስቲያን ኦርቶዶክስ ተዋሕዶ ቤተ ክርስቲያን ኤርትራ ሥርዓት ኣምልኾና ኣብ ምልክት ሕቶ ወዲቕሉ ዘሎ ጊዜ ብዕምቆት ከነስተንትኖን ብምስትውዓል ክንምልከቶን ዝግባእ እዩ።

እግዚአብሔር ንዕቡያት ይጻረሮም ንትሑታት ድማ ጸጋ ይህቦም። እዩ እሞ ብዝኃለፈ እዋን ርእስና ብርእስና ገሢፅና ኣካይዳና ክነቅፍ፡ ጌጋና ክንእርም፡ ጕድለትና ክንምልእ ኣብ ቅድሚ እግዚአብሔር ግርማ ሞገስ ዘውህብ እዩ።

ክርስቲያን ብዛዕባ ዝኃለፈ ክዝክርን ንዝመጽእ ዝገብሮ ክሓስብን ዝግባእ እኳ እንተኾነ ናይ ዝኃለፍናዮ ጕዕዞ ነቲ ኃጢኣትና ደኣ እምበር ነቲ ከም ፍቓድ ኣምላኽ ዝገበርናዮ ግብሪ ጽድቂ ክንዝክርን ክንጽብጽብን ኣይግባእን። ምኽንያቱ ኃጢኣትካ ምዝካር ንዝመጽእ ግብሪ ጽድቂ ዘዳልው እዩ። ነቲ ዝኃለፍካዮ ጽድቂ ምዝካር ግና ንናይ ጽባሕ ኃጢኣት ዘዳሉ ስለዝኾነ።  

ብመምርሒ እዚ ተላጋቢ ሕማም ስለምንታይ ከምኡ ኾይኑ ፧ እስከ ንበል

ስለምንታይ ‘ተርሓሓቁ’ ተባሂሉ ንዝብል፡ ምቅርራብና እንታይ ኣፍርዩ ምግምጋም የድሊ። ኣብ ቤተ እግዚአብሔር፡ ኣብ ቤትና፡ ሥራሕና፡ ናብራና ተቐራሪብና ግብረ ጽድቂ ዲና ግብረ ኃጢኣት ንገብር ነይርና፧ “ሕቱ ርእሰክሙ/ ርእስኹም መርምሩ” ከምዝተባህለና ቤቱ ከይንሳለም መስቀሉ ከይንስዕም ኣርኂቕና ዘሎ፣ ክፉእ ግብሪ ካባና ንምርሓቕ ብኃጢኣትና ናብዚ መምርሒ ወዲቕና ከይንህሉ ርእስና ንመርምር።

ኣገልግሎት ቤተ ክርስቲያን ብውኁድ ቍጽሪ ኣገልገልትን ቈረብቲ ምእመናንን ይፍጸም ኣሎ ኣይተቋረጸን። ብዝሕና እንታይ ጥቕምን ጉድኣትን ነይርዎ፧ ምብዛሕና ንምንታይ ንጥቀመሉ ነይርና፧ ፍቕሪ ንምንጋሥ ሃይማኖት ንምስፋሕ ዲና ዋላስ ብጽልእን ተንኮልን ዝተነድቀ ምጉጅጃል ንምሕናፅ ንጥቀመሉ ነይርና፧ ኣብ ቤተ እግዚአብሔር ከይተረፈ ብዝሒ ከም ምንጪ ኣታዊ ይሕሰበሉ ከምዝነበረ ክትዝክር ከለኻ ‘ኢድና እዩ’ ዘብል እዩ።

ቀጽሪ ቤተ ክርስቲያን በየናይ ልቢ ኢና ንሳለሞ ነይርና፧ ብቅብኣ ሜሮን ዝተባረኸ ቀጽሪ ቅድስና እዩ ዲና ንብል ነይርና ዋላስ ቀዳሞት ዘጽንሑልና ኾይኑ እምበር መንደቅ መንደቅ ምዃኑ ኣይተርፎን እዩ ዝብል መረዳእታ ኂዝና ኢና ንሳለም ነይርና፧ ሎሚ “ንቤተ ክርስቲያን ምስላም ተኸሊእና” ዘይኮነስ ኽንሳለም ስለምንታይ እግዚአብሔር ዘይፈቐደ፧ ደኣ ንበል።  

ካህናት ናብ ቤት ምእመናን ከይዶም ጸሎት ክገብሩ በረኸት ከኅድሩ ጊዜ ኮረና ከልኪሉና ኣሎ። “ስለምንታይ እዚ ኮነ፧” ፍቓድ እግዚአብሔር ድዩ ፍቓድ ሰብ ንምፍላጥ ኅሉፍ ኣካይዳና ንገምግም። ውሉደ ክህነት ኣብ ቤቶም ንምእመናን መግበ ሥጋን ነፍስን ዝኸውን ቃል እግዚአብሔር ንምግቦም’ዶ ነይርና ዋላስ ንሓድሕድና ኣዕሊልና ተመሳጊና ጥራይ ንወፅእ ነይርና፧ ምእመናን’ከ ምክንያተ ዝክርን በዓልን ተረዲእና’ዶ ንገብሮ ነይርናስ ዋላ ናይ ወለዲ ጸኒሕና እምበር . . . እናበልና።

ከምቲ ዓለም በዚ ለበዳ ዝሰኣነቶ ክትዝርዝር ትውዕል ዘላ ንሕና’ውን እቲ ክበሃል ዝግብኦ ዝዝርዘር ብዙኅ እዩ ግናኸ ጉድለትካ ምዝርዛር ምሉእ ፍታሕ ስለዘይኮነ ኅሉፍ ድኻምና እናገምገምና መጻኢና እግዚአብሔር ብዝሠምሮ መንገዲ ክንጕዓዝ ይግብኣና።

እዚ ዝተተረኸ ተኣምረ ማርያም ንዅሉ ኣሉታዊ ፍጻሜ መገምገሚ፣ ካብ ኢድና ናብ ካልእ እነወጣውጥ ናብ ገዛእ ርእስና ከነመልክትን ርእስና ብነጸላ ጽድቂ ጎልቢብናን ናብ ደረጃ ንብዓት ንስሓ ዘብጽሕን እዩ።

ደብረ ምጥማቅ ምስ ፈረሰት ኃዘንን ንብዓትን ኮይኑ፡ ኵሉ እቲ ሕዝቢ ካብ ግብሩ ተመሊሱ ብሓቅን ልብን ተነስሐ። ድኅር’ዚ ድማ “ትርሢታ ይኄይስ ለደኃሪት ቤት እምቀዳሚት/ ካብ ቀዳመይቲ ናይታ ዳኅረወይቲ ቤት ሥልማት ይበልጽ” ዝብሎ ቃል ነቢይ ተፈጸመ።

ተግባር ኣእዳውና መርሚርና ብንብዓት ንስሓ ናብ እግዚአብሔር ኽንቀርብ ኣማላድነታ ኣይፈለየና!

ጸሎታን በረኸታን ምሕረት ፍቁር ወዳን ምስ ኵልና ሕዝበ ክርስቲያን ይኹን።

ወስብሐት ለእግዚአብሔር ወለወላዲቱ ድንግል ወለመስቀሉ ክቡር፡ አሜን!

 

Ad Right

ዘመነ ማቴዎስ 12 ጥር 2013 ዓ.ም.ግ…

January
Wednesday
20
ዝክር፦ ቅዱስ ሚካኤል ዘአድኀኖ ለያዕቆብ እምኤሳው፡ ወቴዎድሮስ ምሥራቃዊ ወክልኤቱ ምእት ማኅበራኒሁ፡ ወልደተ ያዕቆብ እስራኤል፡ ወልያኖስ፡ ወዳንኤል መነኮስ ።               ዘቅዳሴ ምንባብ መልእክታት፦ ሮሜ 9፡1-16። ይሁ . 1፡9-13። ግብረ ሓዋርያት፦ ግብ. ሐዋ.  11፡12-18 ምስባክ፦ መዝ. 71/72 ወንጌል፦ ዮሐ. 1፡44-ፍጻሜ። ቅዳሴ፦ ቅዳሴ ዘኤጲፋንዮስ፡ ዓዲ ዘ፫፻ት።        * * *
00:00 h

ዜና ኅትመት

እዋናዊ ጽሑፋት

ክቡር በዓለ ጥምቀት ጥር 11 2013 ዓ.ም. ኣብ ኵለን ኦርቶዶክሳውያን…

ካብቶም ዓበይቲ በዓላት ጐይታናን አምላክናን መድኃኒናን ኢየሱስ ክርስቶስ ዝኾነ ንደቂ ሰባት እውን ዓበይቲ ምሥጢራተ ድኅነት ዝተፈጸመልና፡ ዝቓወመና ዕዳ ደብዳቤ ዝተደምሰሰሉ...

ሕፅበተ መድኃኒት - ምሥጢረ ጥምቀት

ቀዳማይ ሰብ ኣዳም፡ ሕገ እግዚአብሔር ብምጥሓሱ ኣብ ደቂ ሰባት ውርደትን መርገምን ን5500 ዓመት ጸኒዑ ነበረ። እንተኾነ ግና ባዕሉ እግዚአብሔር ዝሃቦ...

ስብሐተ ማኅሌት

‘ማኅሌት’፦ ‘ኀለየ፡ዘመረ፡ኣመስገነ’ ካብ ዝብል ግእዛዊ ቃል ዝወፀ ኮይኑ ምስጋና፡ መዝሙር፡ ንእግዚአብሔር ዝቐርብ መንፈሳዊ መሥዋዕት ማለት እዩ። ብሰንበት ዝቅወም ‘መዝሙር መወድስ’...

ክብረ በዓል አቡነ ሊባኖስ ብዓቢይ መንፈሳዊ ድምቀት ተኸቢሩ!

ዓመት መጽአ 3 ጥር ዝክረ ዕረፍት ኣቡነ ሊባኖስ ዝኽበር ኮይኑ ሎሚ ዓመት’ውን ኣብ ገዳሞም ክብረ በዓል ደብረ ወርቅ ኣቡነ ሊባኖስ...

ግዝረት አመ ፮ ለጥር

ሓደ ካብተን ትሽዓተ ንኡሳን በዓላት ጐይታና ኢየሱስ ክርስቶስ በዓለ ግዝረት’ዩ። ሠራዔ ሕግ ጐይታና ኢየሱስ ክርስቶስ ብዘይካ በይና ኃጢኣት ፡ ሕጊ...

ግዝረት ኣብ ክርስትና፧?!

ግዝረት፡ ማለት ሕፃን ዕልቦኡ ዝኽንሸበሉ ኵነት እዩ። ዕልቦ ፆታዊ ኽፍሊ ኣካል ናይ ሕፃን ብምቕራጽ ዝፍጸም እዩ።

ናይ ኦርቶዶክስ ተዋሕዶ ቤተ ክርስቲያን መደብ ፓልቶክ መበል 11 ዓመት…

ኣብ ትኅቲ ሃገረ ስብከት ኤውሮጳ ዝመሓደር ናይ ኦርቶዶክስ ተዋሕዶ ቤተ ክርስቲያን መደብ ፓልቶክ መበል 11 ዓመት ኣብ ትሕቲ “መስቀሉ ኣልዒሉ...

ዘመነ ልደት

ካብ 29 ታኅሣሥ ክሳዕ 5 ጥር ዘሎ ጊዜ ኾይኑ ጐይታና ኢየሱስ ክርስቶስ ብኅቱም ድንግልና ተፀኒሱ፡ ብኅቱም ድንግልና ከም እተወልደ ብሰፊሑ...

“ኮከብ ርኢና፡ ኽንሰግደሉ መጺእና” ማቴ 2፡2

ኣብ ሥነ ፍጥረት ብዕለተ ረቡዕ፡ ካብ ዝተፈጥሩ ሓደ ከዋክብት እዮም። “እግዚአብሔር ድማ ‘ንመዓልቲ ካብ ለይቲ ዝፈልዩ ብርሃናት ኣብ ጠፈር ሰማይ...

ብምኽንያት በዓል ልደት ጐይታናን መድኃኒናን ኢየሱስ ክርስቶስ 2013 ዓ.ም.ግ (2021)…

በስመ ኣብ ወወልድ ወመንፈስ ቅዱስ አሐዱ አምላክ! ኣብ ውሽጢ ሃገርን ወጻእን እትነብሩ ሕዝበ እግዚኣብሔር፡ ኣብ ሆስፒታል ዘለኹም ሕሙማነ ሥጋ፥ ሕዝብኹም ንምድኃን...

ኣብ ደብረ ሲና ቅድስት ሥላሴ መንፈሳዊ ኮሌጅ ኣብ ጕዳያት…

ብዕለት 15 ታኅሣሥ 2013 ዓ.ም. ላዕለዎት ኃለፍቲ ቤት ጽሕፈት መንበረ ፓትርያርክ ምስ ተማሃሮን ምምኅዳርን ቤት ትምህርቲ ሥነ መለኮት ብዛዕባ ኣብ...

ቤት ጽሕፈት ቅዱስ ሲኖዶስ ዘካይዶ ዘሎ ናይ ዙም ርክባት ይቕጽሎ…

ቤት ጽሕፈት ቅዱስ ሲኖዶስ ኦርቶዶክስ ተዋሕዶ ቤተክርስቲያን ኤርትራ፡ ብምኽንያት ኮረና ቫይረስ ናይ ዙም ርክባት በብጊዜኡ ይቕጽል ኣሎ።

  

latest articles

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...

Ascension

After the Lord Jesus Christ had finished the operation of His wisdom upon earth, by His Passion, and His Death...