መልእክቲ ጽንዓት ቤት ጽሕፈት መንበረ ፓትርያርክ!

May 29, 2018

ቤት ጽሕፈት መንበረ ፓትርያርክ፡ ብምኽንያት ዘጋጠመ ሓደጋ መኪና ንሕዝበ ክርስቲያን ዘመኃላለፎ ‘ናይ ጽንዓት ይሃብኩም’ መልእኽቲ ከምዚ ዝስዕብ እዩ፥

“ኦ መስተምሕርት አስተምሕሪ ኀበ ወልድኪ ከመ ያዕርፍ ነፍሰ ኵሎሙ ሕዝበ ክርስቲያን እለ አዕረፉ እማኅበረ ቤተ ክርስቲያን መቅድመ/ ኦ ኣማላዲት ነፍሲ ዅሎም እቶም ኣቐዲሞም ካብ ማኅበር ቤተ ክርስቲያን ዝሞቱ ሕዝበ ክርስቲያን ምእንቲ ከዕርፍ ናብ ወድኺ ኣማልዲ!

ዓመት መጽአ 21 ግንቦት ክብረ በዓል ገዳም ደብረ ሲና ከም ዝንገድ፡ እንሆ ሎሚ ዓመት’ውን ብዓሰርተታት ኣሽሓት ዝቝጸሩ ሕዝበ ክርስቲያን በረኸት እግዚአብሔር ንምርካብን ፍቕሪ ክብርቲ ወላዲተ ኣምላክ ንምግላጽን ካብ ርኁቕን ቀረባን ካብ ዝተፈላለየ ቦታታት ብእግሪ ኮነ ብመኪና ናብ ገዳም ደብረ ሲና ከም ዝነገዱ ይፍለጥ።

ሎሚ ዓመት ኣብ ክብረ በዓል ገዳም ደብረ ሲና ንምስታፍ ብዕለት 20 ግንቦት 2010 ዓ.ም. (28/05/2018 ዓ.ም.ፈ) ብኣውቶብስ መኪና ይጓዓዙ ኣብ ዝነበሩ ነጋድያን ዘጋጠመ ከቢድ ሓደጋ ኣብ ልዕሊ ሕዝብና ዝፈጠሮ ስንባደን ኃዘንን ብቃላት ዘይግለጽ ኣዝዩ መሪር እዩ። እዚ ብምግምጣል ኣውቶብስ ዘጋጠመ ሓደጋ’ዚ ኣብ ሰዓታት ናይ ንግሆ ካብ ኣሥመራ ኣብ ኣስታት 52 ኪ.ሜ. ከባቢ ሽንድዋ ኮይኑ ብኡ ንብኡ ካብቶም ነጋድያን 33 ሰባት ክሞቱ ከለዉ፡ 11 ሰባት ድማ ብከቢድ ቈሲሎም ይሕከሙ ኣለዉ።

ዕላማ መገሻኦም ንሕዝብን ሃገርን ንዅሉ ዓለምን ሰላምን ምሕረትን ንኽልምኑ፣ ብዝማሬ፡ ውዳሴን ቅዳሴን ነቒሖምን ተጊሆምን ንእግዚአብሔር ከስምሩ፣ ኃጢኣቶም ከስተሥርዩ፡ መብጽዓኦም ክፍጽሙን . . . እዩ ነይሩ። ብዓይኒ ሥጋ ክርአ ከሎ ካብ ዕላማኦም ዝተኾልፉን ዝኸሰሩን እኳ እንተመሰለ፡ ብዓይኒ መንፈስ ግና ልዑል እግዚአብሔር ንዝበለጸ ዓስብን በረኸትን ከምዝመረጾም ከምኡ’ውን ካብታ በኪደተ እግር ብጻዕርን ድኻምን ክበጽሕዋ ዝሓሰቡ ገዳም ደብረ ሲና እትበልጽ ናብታ ጻዕርን ድኻምን ዘይብላ ሰማያዊት ቤት ከምዝጸውዖም ብፍጹም ልብና እንኣምኖ እዩ። ከመይ’ሲ “ዘጸውዐ ስመ እግዚአብሔር ውእቱ ይድኅን/ እቲ ስም እግዚአብሔር ዝጽውዕ ዘበለ ኪድኅን እዩ” ከምዝብል ካብ ቤቶም ክወፅኡ ከለዉ ጀሚሮም ክሳዕ እቲ ሓደጋ ዘጋጠመሉ ዘሎ ጊዜ ብፍቅረ እግዚአብሔርን ጣዕሚ ድንግል ማርያምን ተመሊኦም ብመንፈሳዊ ሓበን “ጐይታየ፡ ማርያምየ . . . ” ኢሎም ይዝምሩን ብሰማያዊ ተመስጦ ስመ እግዚአብሔር ይጽውዑን እዮም ነይሮም።

ስለዚ ቅድስት ቤተ ክርስቲያን ነቶም ዝሞቱ ኣብ መካነ ዕረፍቱ ንከእትዎም ብጸሎተ ፍትሐት፡ ነቶም ዝተጐድኡ ከኣ ቅልጡፍ ምሕረት ክረኽቡ ጸሎት በእንተ ድዉያን . . . እናጸለየት ትዝክሮም ኣላ ኽትዝክሮም’ውን እያ። ኵሉ ሕዝበ ክርስቲያን ድማ ብጸሎት ኽዝክሮምን ብቃለ ምዕዳን ንሥድራቤቶም ከጸናንዕን ከኣ ትምዕድ።

በዚ መሠረት፡ ቤት ጽሕፈት መንበረ ፓትርያርክ ትንሣኤን ሕይወትን ናዛዜ ኅዙናንን ዝኾነ እግዚአብሔር ኣምላኽ ነቶም ዝዓረፉ ዕረፍተ ነፍስ መንግሥተ ሰማያት የዋርስኩም፣ ነቶም ብከቢድ ቈሲልኩም ትሕከሙ ዘለኹም ድማ ብፈውሰ ምሕረቱ ይብጻሕኩም ፣ ንሥድራ ቤትን ንኵሉ ሕዝበ ክርስቲያንን ከኣ ጽንዓት ይሃብ።

* * *

No events found.

ዜና ኅትመት

እዋናዊ ጽሑፋት

ብርሃነ ዓለም፡ ማኅቶተ ቤተ ክርስቲያን፡ ንዋየ ኅሩይ ቅዱስ ሓዋርያ ጳውሎስ

ሐዋርያ ቅዱስ ጳውሎስ ቅዱስ ሓዋርያ ጳውሎስ ዓሌቱ ዕብራዊ ኾይኑ ኣብ ከተማ ጠርሴስ ተወሊዱ። ሮማውያን ነቶም ኣብ ትሕቲኦም ዚመሓደሩ ሕዝቢ፡ ሮማዊ ዜግነት...

ኰኵሐ ቤተ ክርስቲያን ሊቀ ሐዋርያት ቅዱስ ጴጥሮስ

ሊቀ ሓዋርያት ቅዱስ ጴጥሮስ ቅዱሳን ሓዋርያት: ብኸመይ ከም እተጸውዑን ክሳዕ ዕርገት ዝነበርዎ ኵነታትን ኣብ ኣርባዕቱ ወንጌል፡ ድኅሪ ዕርገትን ክሳዕ መጀመርያ ስሳታትን...

ዓምደ ሃይማኖት ወማኅቶተ ቤተ ክርስቲያን ቅዱስ ቄርሎስ

ቅዱሳን አበው ሊቃውንት፡ ከም መጠን ስፍሓት ኣእምሮኦምን ጽንዓት ሃይማኖቶምን መንፈስ ቅዱስ ገሊጽሎም መንፈሳውያን ድርሳናት፡ ተግሣፃት፡ መድበላት ዝጸሓፉ፣ ናይ መጽሓፍ ቅዱስ...

ብመስቀሉ ክዘንመልና እዩ ፈውሰ ምሕረቱ

እስከ ኽንዛረብ ምእንትዚ ተላቢዑ ዘሎ ኮሮና ሕማምእግዚአብሔር ንሰብ ክፈጥሮ ከሎ ብተድላ ብደስታ ክነብር እምበር ኣይነበረን ክሳቐ ብሕማምምናልባት ነዚ ሰብ ዘጽሕን...

ቅዱስ ሓዋርያ ታዴዎስ፦ “ነዚ እዩ ጐይታ ሃብታም መንግሥተ ሰማያት ካብ…

ታዴዎስ ማለት ዘርእን ማእረርን፡ ካህነ ኣምላኽ ማለት እዩ። ቍጽሩ ምስ ዓሰርተው ክልተ ሓዋርያት ኮይኑ ሃገረ ስብከቱ ሶርያ እዩ። ሊቀ ሓዋርያት...

አሥርቆት ዘወርኀ ሐምሌ

ዮም ሠረቀ ለነ ወርኀ ቡሩክ ሐምሌ ያብጽሐነ እስከ ወርኀ ነሐሴ በሰላመ እግዚአብሔር! ወርኀ ሐምሌ ቡሩክ መዓልቱ ፲ወ፬ቱ ሰዓት ወሌሊቱኒ ፲ቱ...

ገዳም ቅዱስ ዮሓንስ መጥምቅ ቴድረር

ገዳም ቅዱስ ዮሓንስ መጥምቅ ቴድረር ኣብ ዞባ ደቡብ ንኡስ ዞባ ደቀምሓረ፡ ካብ ከተማ ደቀምሓረ ንደቡብ 25 ኪሎ ሜትር ኣብ ከባቢ...

“ብኃጢኣት ሕዝበይ እየ ኣብ ኢድኩም ኣውዲቐያ!”

ገቢረ ተአምራት ወላዲተ ኣምላክ ድንግል ማርያም፡ ተነጊሩ ዘይጽገብ ተጻሒፉ ዘይፍጸም እዩ። ካብ ፅንሰታ ዝጀመረ ገቢረ ተአምራት ክሳዕ ምጽኣተ ክርስቶስ በቲ...

"ወያስተዴሉ ክረምተ ለምድር/ ንምድሪ ዝናም የዝንመላ” “መዝ. ፻፵፮፥፰/147፡8

ቅድስት ቤተ ክርስቲያንና፡ ንዓመት ኣብ ኣርባዕተ ወቕትታት ማለት ዘመነ መፀው፡ ዘመነ ሓጋይ፡ ዘመነ ፀደይ ከምኡ ውን ዘመነ ክረምት ብምባል ትኸፍሎ። 

እንቋዕ ናብ ዘመነ ክረምት ብሰላም ኣብጽሓና!

ዘመነ ክረምት  ካብ 26 ሰኔ ክሳዕ 25 መስከረም ዘሎ ወቅቲ ጊዜ ክረምቲ እዩ። ሰማይ ብደመና ተሸፊኑ፡ ዝናም ብመብረቕን ድምፂ ነጐድጓድን ተዓጂቡ ንምድሪ...

“ብፁዕ ዘይሌቡ ላዕለ ነዳይ ወምስኪን/ ንድኻ ዝሓልየሉ ሰብ ብፁዕ እዩ”(መዝ…

ንሕይወተ ሥጋ ኣድለይቲ ዝኾኑ ነገራት ማይ፡ እንጌራ፡ ክዳን፡ መኅደሪ ቤት እዮም። (ሢራ. 29፡21) ብቐዳምነት ነዚኦም ዘይረኸቡን ዘይብሎምን ሰባት “ጽጉማት” ይበሃሉ። ብተወሳኺ’ውን...

ገዳም ደብረ ሲና

ገዳም ደብረ ሲና፡ ኣብ ዞባ ዓንሰባ ንኡስ ዞባ ዒላበርዕድ ከባቢ መንሳዕ፡ ካብ ዒላበርዕድ ንሸነኽ ምሥራቕ ብእግሪ ናይ ክልተ ሰዓትን ፈረቓን...

  

latest articles

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...

Ascension

After the Lord Jesus Christ had finished the operation of His wisdom upon earth, by His Passion, and His Death...

Tsinset (Annunciation – Feast of Incarnation)

In accordance with the cannon of the Church, one of the nine major feast days of Our Lord. it Tsinset (Annunciation...

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...