ቃለ ቡራኬ በዓለ መስቀል 2012 ዓ.ም.

Sep 27, 2019

ቃለ ቡራኬ በዓለ መስቀል 2012 ዓ.ም.  

ኣብ ውሽጢ ሃገርን ወፃእን እትነብሩ ምእመናንን ምእመናትን፣ ቅዱስ ፍቓዱ ኮይኑ ካብ ዘመነ ሉቃስ ናብ ዘመነ ዮሐንስ ዘሰጋገረና እግዚአብሔር ኣምላኽና፣ እንቋዕ ናብ ብርሃነ መስቀሉ ብሰላም ኣብጽሓናን፣ ኣብጸሓኩምን።

ፈጣሬ ዓለማት እግዚአብሔር ኣቐዲሙ ኣብ ነቢያት ኃዲሩ ብመሠረት ዝሃበና ተስፋ ድኅነት፣ ፍጻመ ዘመን ምስ ኮነ ምእንታና ካብ ቅድስት ድንግል ማርያም ተወሊዱ በጃ ኵሉ ዓለም ብምዃን ዘድኃነና ኣብ ክቡር መስቀል ተሰቒሉ እዩ። ቅዱስ ዳዊት መስቀል ትእምርተ ድኅነተና ምዃኑ ክገልጽ ከሎ “ወወሃብኮሙ ትእምርተ ለእለ ይፈርሁከ ከመ ያምስጡ እምገጸ ቅስት” ክብል ትንቢቱ ገሊጹ ነይሩ (መዝ 60፣4)።

እምበኣር መንደቕ ጽልኢ ኣፍሪሱ፣ ካብ ጸልማት ናብ ብርሃን፣ ካብ ኵነኔ ናብ ጽድቅ፣ ካብ ሞት ናብ ሕይወት፣ ካብ መርገም ናብ በረከት፣ ካብ ገቢረ ኃጢኣት ናብ ገቢረ ጽድቅ፣ ካብ ምርሕሓቕ ናብ ምቅርራብ፣ ካብ ምፍልላይ ናብ ሓድነት ክንሰጋገር ዝኸኣልና ጐይታናን መድኃኒናን ኢየሱስ ክርስቶስ ኣብ ክቡር መስቀል ብዝፈጸመልና ቤዛነት እዩ። (ኤፌ 2፣11-18)

መስቀል፣ እግዚአብሔር ኣምላኽ ፍቕሩ ዝገለጸሉ፣ ቅዱስ ሥጋኡ ዝቖረሰሉ ክቡር ደሙ ዘፍሰሰሉ፣ ሞት ዝተሳዕረሉ፣ ደቂ ኣዳም ሓራ ዝወፁሉ፣ ገነት ዝተኸፈተሉ ስለዝኾነ፣ “መስቀል ብርሃን ለኵሉ ዓለም መሠረተ ቤተ ክርስቲያን / መስቀል ንዅሉ ዓለም ዘብርህ መሠረት ቤተ ክርስቲያን እዩ።” እናበልና ነኽብሮ ኣሎና። እምበኣር መስቀል ኃይልነ፣ መስቀል ጽንዕነ፣ መስቀል ቤዛነ፣ መስቀል መድኃኒተ ነፍስነ እናበልና ከነመስግኖ እንነብር ከኣ በዚ ምኽንያት ምዃኑ ከነስተውዕል ይግባእ።

ድኅሪ ትንሣኤኡ ተኣምራቱ ንዝገበረ መስቀል’ውን ተመቀንዮም፣ ሰባት ክቐብርዎን ካብ ገጸ ምድር ክኽውልዎን እኳ እንተፈተኑ ድኅሪ 300 ሚእቲ ዓመታት ብመገዲ እሌኒ ንግሥት ዝተረኽበሉን ናብ ዓለም ዝተገልጸሉን ወትሩ ዓመት መጸ 17 መስከረም፡ ብስብሐተ ማኅሌትን ውዳሴን ቅዳሴን፡ ብብርሃን ዳሜራን ሆየ ሽግን፡ ብዓቢይ ሓጐስ ከነኽብሮ ንነብር ኣሎና።

እዚ በዓል’ዚ ወርኀ ክረምት እዋን ልምላሜ ኃሊፉ ወርኀ ጽጌን ፍሬን ዝትክኣሉ፡ ብርሃን ፀሓይ ዝደምቀሉ፣ ሰባት ብሓድሽ ሰዊት፣ እንስሳታት ብሸኻታት ዝጸግቡሉ፣ ምድሪ ብዕምባታት ዘጊጸሉ፣ ኩሉ ፍጥረተ እግዚአብሔር በብፍጥረቱ ንኣምላኹ ዘመስግነሉ ኣብ ቀዳማይ ወርኂ ናይ ሓድሽ ዓመት ዝብዕል በዓለ ተስፋን ብርሃንን እዩ። ኣብ ሃገርና’ውን ሎምዘበን እግዚአብሔር ኣምላኽ ብጥሉል ክራማት ፍረ ምድሪ ዝባረኸሉ፣ ምስቲ ረኺብናዮ ዘሎና ሰላም ተደሚሩ ፍሥሓ ወኀሤት ሕዝብና ዝወሰኸሉ ብምዃኑ ልግሱ ንዘይወዳእ ወሃቢ ኵሉ ዝኾነ ፈጣሪ ምስጋና ይብጸሓዮ።

ቅዱስ ሲኖዶስ ኣብዚ ዘሎናዮ እዋን መስቀል፣ ኵሉ ሕዝበ ክርስቲያን ኣብ ርትዕት ሃይማኖቱ ጸኒዑ፣ ብሠናይ ምግባር ኣጊጹ፣ ብሓድነት ጥንታዊ ሥርዓቱን ባህሉን ዓቂቡ ክጓዓዝ ሓደራ ይብል። ብዝተዋህቦ ኃላፍነት ሓዋርያዊ ተልእኾኡ ኣብ ውሽጥን ወፃእን ኣብ ምስፋሕን ኣብ ምጥንኻርን ይርከብ ኣሎ። ንዝጐደለ እናመልአ፣ ንዝቀነነ እናቀንዐ፣ ንዝደኸመ እናኃየለ፣ ኣብ መንፈሳዊ፣ ምኅደራዊ፣ ልምዓታዊ መደባቱ ንቅድሚት ይግስግስ ከምዘሎ ክንሕብረኩም ንፈቱ።

ቅዱስ ሲኖዶስ ምእንቲ ድኅነት ርትዕት ሃይማኖት ክብል ንዝወሰዶ ውሳነ፣ ንሕዝቢ ዝግባእ ሓበሬታ ድኅሪ ምሃቡ፣ ሓሶት ምስ ጊዜ እናፈኾሰ፣ ሓቂ ድማ እናተኾልዐ ይመጽእ ኣሎ። ብሕጂ’ውን ዝያዳ ክንጸርን ኣብ ታሪኽ ድማ ብዝግባእ ክምዝገብን እዩ። ኣብ ውሽጥን ወፃእን ዘሎ ሕዝብና ከኣ ዝህበና ዘሎ ግብረ መልሲ ብዝግባእ ንከታተሎ ኣሎና።

እንተኾነ ግና ሕጂ’ውን ገለ ውሑዳት፣ ኣቐዲሞም ዝዓለምዎ ሓሳብን ትልምን ስለዘይሰለጦም፣ ዓቕሎም ኣጽቢቦም ዝምህዝዎ ዘሎ ሓሶት ንዕዘብ ኣሎና። ደድኅሪኦም ስለዘይሰዓብ ከኣ ካብ ጌጋታቶም ክምለሱን፣ ተጋግዮም ካብ ምግጋይ ክቑጠቡን ቅዱስ ሲኖዶስ ብተደጋጋሚ ይምዕድ ኣሎ። ገሌኦም ብፍልጠት፣ ገሌኦም ድማ ብዘይፍልጠት ብደም ክርስቶስ ንዝተዓደገ ሕዝበ ቤተ ክርስቲያን ካብ ምክፍፋል ክእደቡ ንመክር ኣሎና። “ይብእሰከ ረጊጽ ውስተ ቀኖት በሊኅ” (በሊሕ ነገር እንተረገጽካ ንርእስኻ እዩ ዝጐድኣኻ) ንዝብል ምኽሪ ቅዱሳት መጻሕፍቲ ንልግሰሎም ኣሎና። (ግብሪ ሓዋርያት 9፣5)

ካብዚ ብዝተረፈ ግና ኣበው ገዳማውያን፣ ሥዩማን ካህናት፣ ላእካነ ምሥጢር ዲያቆናት፣ ምእመናን ኣቦታት ምእመናት ኣዴታት፣ መንእሰያት ብሃይማኖትኩም ጸኒዕኩም፣ እትፍጽምዎ ዘሎኹም ሠናይ ተግባር ካብ እግዚአብሔር ዓስቢ ዘለዎ ዝምስገን እዩ እሞ በቲ ዝጀመርኩሞ ክትቕጽሉ ሓደራ ንብል። በዓለ መስቀል በዓለ ሓድነት፣ በዓለ ሰላም፣ በዓለ ጽንዓት እዩ እሞ፣ ኣብ ሰላምን ሓድነትን ቤተ ክርስቲያን ንጽናዕ።

እምበኣር ኣብዚ ጀሚርናዮ ዘሎና ዓመት፣ በረኸቱ ከብዝኃልና፣ ፍረ ምድሪና’ውን ናብ ቆፎና ከእትወልና፣ ዓመተ ቅሳነትን ጸጋን ይግበረልና። ንዝሞቱ ዕረፍቲ መንግሥተ ሰማያት፣ ተጋድሎኦም ፈጺሞም ንዝዓረፉ ኣክሊለ ሕይወት፣ ንዝኃዘኑ ምጽንናዕ፣ ንዝሓመሙ ፈውሰ ምሕረቱ፣ ንዝተጸገሙ ድማ ራሕዋ፣ ንዝገሹን ዝወፈሩን ድማ ኣሳልጦ ሂቡ ብሰላም ነናብ ቤቶም ይምለሰልና።

ብኃይለ መስቀሉ ካብ ኵሉ ፈተና ክሕልወና፣ በዓልና ክቕድሰልናን ሃገርና ክባርኸልናን ቅዱስ ፍቓዱ ይኹነልና። 
 

ወስብሐት ለእግዚአብሔር ወለወላዲቱ ድንግል ወለመስቀሉ ክቡር ወኃያል!

ዘመነ ዮሐንስ 11 ጥር 2012 ዓ.ም.

January
Monday
20
ዝክር፦ ተጠምቀ እግዚእነ፡ ወአስተርእዮተ መላእክት፡ ወእንጠልዮስ፡ ወዮስጦስ፡ ወጕድብ፡ ወአባ ዮሐንስ፡ ወሪቅረስ። ዘቅዳሴ ምንባብ፦ ቲቶ 3፡1-7። 1ይ ዮሐ. 5፡5-12። ግብ. ሐዋ. 10፡34-38። ምስባክ፦ መዝ. 41/42 ዓዲ መዝ. 113/114 ወንጌል፦ ዮሐ. 1፡29-34። ቅዳሴ፦ ቅዳሴ ዘዲዮስቆሮስ። * * *
00:00 h
Ad Right

  

ዜና ኅትመት

እዋናዊ ጽሑፋት

“ ወያሠጥሞን ውስተ ቀላየ ባሕር ለአበሳነ /ንኣበሳና ናብ ማዕሙቝ ቀላይ…

ካብ ሠለስተ ኣካል ሓደ ኣካል፡ እግዚአብሔር ወልድ ካብ ኣዴና ቅድስት ድንግል ማርያም ካብ ሥጋኣ ሥጋ ካብ ነፍሳ ነፍስ ወሲዱ ብተዋሕዶ...

“ልሕቀ በበሕቅ / በብንእሽቶ ዓበየ”

ባዕሉ እግዚአብሔር ዝሃቦ ተስፋን፡ ነቢያት ዝተነበይዎ ትንቢትን ንምፍጻም፡ ኣካላዊ ቃል እግዚአብሔር ወልድ ኢየሱስ ክርስቶስ፡ ፍጹም ሰብ ኮይኑ ኣብ ቤተ ልሔም...

መበል 50 ዓመት ወርቃዊ ኢዮቤልዩ ምምሥራት ደብረ ብርሃን ቅድስት ሥላሴ…

7 ጥር 2012 ዓ.ም.ግ (16 ጥሪ 2020 ፈ.) ክብረ በዓል ቅድስት ሥላሴ ኣብ ኵለን ኣብያተ ክርስቲያን ክኸብር ከሎ ብፍሉይ ግን...

ሓበሬታ ብዛዕባ ንግደት ኢየሩሳሌም 2020 ዓ.ም. (2020 ፈ.)

 ቤት ጽሕፈት ነጋድያን ኢየሩሳሌም ኦርቶዶክስ ተዋሕዶ ቤተ ክርስቲያን ኤርትራ ብዛዕባ ንግደት ኢየሩሳሌም ኣብ በዓለ ፋሲካ 2012 ዓ.ም.ግ. (2020 ዓ.ም.) ዝምልከት...

ጋሻ ንምቕባል ንቀዳደም! - ሥላሴ ኣብ ቤት አብርሃም

ጋሻ ምቕባል፡ ብዙኅ በረኸትን ጸጋን ዘውህብ እዩ። 7 ሓምሌ ኣቦና ኣብርሃም ጋሻ ብምቕባሉ፡ ኣጋእዝተ ዓለም ቅድስት ሥላሴ ኣብ ቤቱ ዝተኣንገዱሉን፡...

ግዝረት ኣብ ክርስትና፧?!

ግዝረት፡ ማለት ሕፃን ዕልቦኡ ዝኽንሸበሉ ኵነት እዩ። ዕልቦ ፆታዊ ኽፍሊ ኣካል ናይ ሕፃን ብምቕራጽ ዝፍጸም እዩ።

ጐይታና ኢየሱስ ክርስቶስ ተገዚሩ ድዩ፧

ሓደ ካብተን ትሽዓተ ንኡሳን በዓላት ጐይታና ኢየሱስ ክርስቶስ በዓለ ግዝረት’ዩ። ሠራዔ ሕግ ጐይታና ኢየሱስ ክርስቶስ ብዘይካ በይና ኃጢኣት ፡ ሕጊ...

ክብረ በዓል ገዳም ደብረ ወርቅ ኣቡነ ሊባኖስ ብዓቢይ ኽብሪ ተባዒሉ!

“ደቂቅየ ወደቂቅክሙ ኢይትጓነዩ በበዓልየ ወበዓልክሙ/ ኣብ በዓለይን በዓልኩምን ደቀይን ደቅኹምን ኣይፈላለዩ” ጻድቅ ኣቡነ ሊባኖስ ኣብ መፋርቅ 4ይ ክፍለ ዘመን ካብ ቁስጥንጥንያ...

ኣብ ሃገረ ስብከት ደቡብ መንደፈራ ጉባኤ ተቓኒዑ!

ብዕለት 26 ታኅሣሥ 2012 ዓ.ም. (05/01/20 ፈ.) ብብፁዕ አቡነ ሉቃስ ዋና ጸሓፊ ቅዱስ ሲኖዶስ ዝተመርሐ፡ ናይቲ ሃገረ ስብከት ኃለፍቲ ክፍልታትን...

  ብጐይታ ዝተፈትወ ሓዋርያ - ቅዱስ ዮሓንስ

ቅዱስ ዮሓንስ ብዙኅ ኣስማት መጸውዒ ዘለዎ ሐዋርያ እዩ።1. ፍቁረ እግዚእ (ጐይታ ዝፈትዎ)፦ ብሕይወቱን ናብራኡን ንጐይታ ኪመስል ይጽዕር ስለዝነበረ ጐይታ ይፈትዎ ነበረ።...

አሥርቆት ዘወርኀ ጥር

በስመ አብ ወወልድ ወመንፈስ ቅዱስ አሐዱ አምላክ! ዮም ሠረቀ ለነ ወርኀ ጥር ቡሩክ ያብጽሐነ እስከ ወርኀ የካቲት በሰላመ እግዚአብሔር! ወርኀ ጥር...

ገዳም ደብረ ወርቅ አቡነ ሊባኖስ

ገዳም ደብረ ወርቅ ኣብ ዞባ ደቡብ ንኡስ ዞባ ሰንዓፈ ብሸነኽ ደቡብ ካብ ሰርሓ ብእግሪ ናይ ኣርባዕተ ሰዓትን ፈረቓን መንገዲ፡ ወይ...

  

latest articles

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...

Fast of the Prophets (Advent)

15th November (geez calander), marks the first day of the Advent Fast, a period of abstinence and penance practiced by...

FASTING

Fasting is abstinence from all things that a body needs, and one has to fast from animal products and from...

The Eritrean Orthodox Tewahdo Church (EriOTC)

In the name of the Father, and of the Son, and of the Holy Spirit, One God. “We call our...

Holy of Holies Our Lady, the virgin Mary

The word holy (kidus) in Geez denotes being special, pure and esteemed. This prefix is an attribute to denote the...

HOLY SCRIPTURES (part one)

All Scriptures are written with the inspiration of the Spirit of God or the breath of God. They are also...

EXISTENCE OF GOD

The name God signifies the Divine Being, meaning He who created the world and governs it. There is one invisible...