ክብረ በዓል ገዳም ደብረ ወርቅ ኣቡነ ሊባኖስ ብዓቢይ ኽብሪ ተባዒሉ!

Jan 13, 2020

“ደቂቅየ ወደቂቅክሙ ኢይትጓነዩ በበዓልየ ወበዓልክሙ/ ኣብ በዓለይን በዓልኩምን ደቀይን ደቅኹምን ኣይፈላለዩ”

ጻድቅ ኣቡነ ሊባኖስ ኣብ መፋርቅ 4ይ ክፍለ ዘመን ካብ ቁስጥንጥንያ መጺኦም ካብ ዝመሥረትዎ ገዳም ሓደ ዝኾነ ደብረ ወርቅ ሃም፡ ዓመት መጸ ንዘብዕሎ ዝክረ ዕረፍት ኣቡነ ሊባኖስ ሎሚ ዓመት ‘ውን ካብ ውሽጢ ሃገርን ካብ ገዳማት ኢትዮጵያን ዝመጹ ብዙኃን ነጋድያን ኣብ ዝተረክብሉ ብኽብሪ ተባዒሉ።

ብድሮ 2 ጥር ሰዓት 1፡00 ድ.ቀ ክሳዕ ሰዓት 5፡00 ድ.ቀ ዋዜማ ስብሐተ እግዚአብሔር ክበጽሕ ከሎ ካብ ምሸት 9፡00 ድ.ቀ. ኣብ ዝጀመረ ስብሐተ ማኅሌትን መዝሙር ዘሰንበትን ድማ ሊቃውንት መዘምራን ንእግዚአብሔር ዘመስግን ንአቡነ ሊባኖስ ዝውድስ ብሰቂለ ሕሊና ክሳዕ ወጋሕታ ኣብጺሖም።

ብድኅር’ዚ ብመሪሕነት መምህር ኣባ ዘሊባኖስ ተስፋዬ ኣብ መንበረ ፓትርያርክ ተዋሕዶ ቤተ ክርስቲያን ኢትዮጵያ ጸሓፊ ጉዳይ ገዳማት ‘ቅዱስ እግዚአብሔር . . . ’ ብምባል ጸሎተ ኪዳን በጺሑ። ብምቕጻል’ውን ካብ ደብረ ዳሞ አቡነ ኣረጋዊን ገዳም ኣባ ሳሙኤል ዘዋልድባን ዝመጹ መነኮሳት ‘ተኣምረ ማርያም’ ተነቢቡ።

ጸሎተ ቅዳሴ ምስ ኣኸለ ድማ ሰዓት 5፡00 ቅ.ቀ. ብኣበ ምኔት ደብረ ዳሞ ኣቡነ ኣረጋዊ ዝኾኑ መምህር ገብረጻድቃን ዝተመርሐ ጸሎተ ቅዳሴ ተሠሪዑ። ብሕይወተ ሥጋ ኣቡነ ሊባኖስ ምስ ኣቡነ ኣረጋዊ ከለው “ደቂቅየ ወደቂቅክሙ ኢይትጓነዩ በበዓልየ ወበዓልክሙ/ ኣብ በዓለይን በዓልኩምን ደቀይን ደቅኹምን ኣይፈላለዩ” ኢሎም ብዝኣተውዎ ቃል መሠረት፡ ኣብ መንጎ እዘን ክልተ ገዳማት ኣዝዩ ጥቡቅ መንፈሳዊ ርክብን ኅድሪ ቅዱሳን ኣቦታቶም ብምህላው፡ ደቂቀ ኣቡነ ሊባኖስ ኣብ ክብረ በዓል ኣቡነ ኣረጋዊ ክቅድሱ ከለው፡ ደቂቀ ኣቡነ ኣረጋዊ ድማ ኣብ ቅዳሴ ኣቡነ ሊባኖስ እዮም ዝቅድሱ። ከም መርኣያ ናይ’ዚ ድማ ኣብዚ ክብረ በዓል’ዚ መምህር ገብረጻድቃን ምስ 10 መነኮሳያት ገዳም ደብረ ዳሞ ብኣካል ተረኺቦም ሥርዓተ ቅዳሴ ሠሪዖም። ኣቐዲሞም’ውን ብኣበምኔት ገዳም ደብረ ወርቅ ኣቡነ ሊባኖስ መምህር ገብረ ሥላሴ ዝተመርሑ ገዳማውያን ኣብ ክብረ በዓል አቡነ አረጋዊ ደብረ ዳሞ ተሳቲፎም ከምዘቐደሱ ይዝከር እዩ።

ድኅሪ ጸሎተ ቅዳሴ፡ ታቦት ካብ መንበሩ ተላዒሉ ሥርዓተ ዑደት ተገይሩ ኣብ ዝተዳለወሉ ቦታ ምስ ቆመ፡ ሊቃውንት መዘምራን “ወተቀበልዎ መላእክት፡ አብእዎ ኢየሩሳሌም/ መላእክት ተቐቢሎም ናብ ሰማያዊት ኢየሩሳሌም ኣእትዮሞ” እናበሉ ጣዕመ ዜማ ኣስሚዖም። ኣስዒቦም ካብ ኣዲስ ኣበባ ዝመጹ ሰባኬ ወንጌል መምህር ኣባ ተስፋማርያም፦ “ ጻድቅሰ ከም በቀልት ይፈሪ፡ ወይበዝኅ ከም ዘግባ ዘሊባኖስ ትኩላን እሙንቱ ውስተ ቤተ እግዚአብሔር” ብዝብል ኣርእስቲ ነቲ ዕለት ዝምልከት ሰፊሕ ትምህርቲ ምሂሮም።

ብፁዕ ኣቡነ ሉቃስ ዋና ጸሓፊ ቅዱስ ሲኖዶስ ኣብ ዘስምዕዎ ቃለ ምዕዳንን ዝሃብዎ ቡራኬን፡ ብፍላይ መንእሰያት ኣብ ሃይማኖቶም ክጸንዑ፡ ብሥነ ምግባር ክተግሁ፡ ወለዶምን ቤተ ክርስቲያኖምን ሃገሮምን ከፍቅሩ ምዒዶም።

ድኅር’ዚ ኵሉ ሕዝበ ክርስቲያን ስለ ሰላም ቤተ ክርስቲያንን ኵሉ ዓለምን ብእግዚኦታ ጸሎተ ምህላ ምስ ኣዕረገ፡ ‘ታቦት በውስቴታ ኦሪት በውስቴታ’ እናበሉ ንታቦት ናብ መንበረ ክብሩ መሊሶሞ። በዚ ድማ ሰዓት 9፡00 ቅድሚ ቀትሪ መፈጸምታ ናይቲ መርሐ ግብር ኾይኑ።

ከምዝፍለጥ፡ ፫ ጥር ዕለተ ዕረፍት ጻድቅ ኣቡነ ሊባኖስ ኮይኑ ንልዕሊ 1600 ዓመት ዝበዓል ዘሎ ክብረ በዓል እዩ።

ዘመነ ዮሐንስ 11 የካቲት 2012 ዓ.…

February
Wednesday
19
ዝክር፦ አውሎግ አንበሳዊ፡ ወበላትያኖስ ሰማዕት፡ አብርሃም ኤጲስ ቆጶስ፡ ወኮንቲ፡ ወአባ መቃሊስ፡ ወአባ በትራ ረድአ ሰልዋኖስ። ዘቅዳሴ ምንባብ፦ 2ይ ጢሞ. 4፡14-18። ያዕ. 3፡5-10። ግብ. ሐዋ. 14፡19-ፍጻሜ። ምስባክ፦ መዝ. 49/50 ወንጌል፦ ሉቃ. 13፡22-30። ቅዳሴ፦ ዘባስልዮስ። * * *
00:00 h
Ad Right

  

ዜና ኅትመት

እዋናዊ ጽሑፋት

ሓዋርያ ቅዱስ ያዕቆብ ወልደ እልፍዮስ

ያዕቆብ ማለት አኀዜ ሰኰና አዕቃጺ (ሓንኳሊ) ማለት እዩ። ነገዱ ካብ ነገደ ጋድ ሃገረ ስብከቱ ኢየሩሳሌም ዕረፍቱ 10 የካቲት ቍጽሩ ካብ...

አዋጅ ምህላ ጾመ 40 ኣብ ኵለን ኣብያተ ክርስቲያናት

“ቀድሱ ጾመ ወስብኩ ምህላ/እትጾሙሉ እዋን ፍለዩ ምህላ’ውን ኣውጁ” ኢዩ. 1፡14 ብኦርቶዶክሳዊት ተዋሕዶ ቤተ ክርስቲያን ሕገ ቀኖና ኣብ ዓመት ካብ ዘለዉ ሾብዓተ...

ሠራሕተኛታት ቤት ጽሕፈት መንበረ ፓትርያርክ ናብ ገዳም ደብረ ጥሉል አቡነ…

05 የካ 2012 ዓ.ም.ግ (13 የካ 2020 ፈ.) ሠራሕተኛታት ቤት ጽሕፈት መንበረ ፓትርያርክ ናብ ገዳም ደብረ ጥሉል አቡነ አብራንዮስ (እንዳ...

በዓለ ስምዖን ኣረጋዊ - 8 የካቲት

ጐይታናን መድኃኒናን ኢየሱስ ክርስቶስ ካብ ቅድስት ድንግል ማርያም ነፍስን ሥጋን ተዋሒዱ ምስ ተወልደ፡ ሕጊ መጽሓፋዊ ንምፍጻም ኣብ 40 መዓልቱ፡ መሥዋዕቲ...

ክብረ በዓል ገዳም አቡነ እንድርያስ ሰፍኣ ተኸቢሩ!

ዓመት መጸ 1 የካቲት ዝበዓል ዝክረ ዕረፍቲ ኣቡነ እንድርያስ ሎሚ ዓመት 2012 ዓ.ም. እውን ብዓቢይ መንፈሳዊ ክብሪ ተኸቢሩ! ኣብዚ ክብረ በዓል...

ዕለታት ጾመ ነነዌ

ጾመ ነነዌ ሓደ ካብቶም 7ተ ናይ ኣዋጅ ኣጽዋማት ቤተ ክርስቲያን እዩ። ጾመ ነነዌ ኵል ሳዕ ዓቢይ ጾም ቅድሚ ምእታዉ ቅድሚ...

ንዑ ደቂቅየ ወስምዑኒ . . እመሀርክሙ - ታሪክ ሰብአ ነነዌ…

እግዚአብሔር ዝፈትወኩም ሕፃናት ከመይ ኣሎኹም፧ ናብዚ ሰዓትን እዝን ዕለትን ብሰላም ዘብጸሓና እግዚአብሔር ዝኸበረን ዝተመስገነን ይኹን። ልበ ኣምላክ ኣቦና ቅዱስ ዳዊት...

እንቋዕ ናብ ጾመ ነነዌ ኣብጽሓና፦ ሰኑይ 2 የካቲት ክሳዕ ረቡዕ…

ጾመ ነነዌ ሓደ ካብቶም ሾብዓተ ናይ ኣዋጅ ኣጽዋማት እዩ። ኣብ ነነዌ ዝቕመጡ ዝነበሩ ሕዝቢ ጾይሞም ምሕረት ከምዝረኸቡ፡ ሕዝበ ክርስቲያን ድማ...

አሥርቆት ዘወርኀ የካቲት

በስመ አብ ወወልድ ወመንፈስ ቅዱስ አሐዱ አምላክ! አሥርቆት ዘወርኀ የካቲት ዮም ሠረቀ ለነ ወርኀ ቡሩክ የካቲት ያብጽሐነ እስከ ወርኀ መጋቢት በሰላመ እግዚአብሔር...

ገዳም ደብረ ጽጌ ጺዳርዋ ኣቡነ እንድርያስ (ሰፍኣ)

ገዳም ደብረ ጽጌ ጺዳርዋ፡ ኣብ ዞባ ደቡብ ከባቢ ሰፍኣ ምብራቕ ካብ ዓዲ ፈለስቲ ኣብ 1760 ሜትሮ ብራኸ ይርከብ። እዚ ገዳም’ዚ...

ገዳም ወግረ ስኂን ኣቡነ እንድርያስ (ዕፉን)

ገዳም ወግረ ስኂን ኣቡነ እንድርያስ ዕፉን ኣብ ዞባ ደቡብ ንኡስ ዞባ ዓረዛ ዝርከብ ኮይኑ፡ ካብ ዓረዛ ንሸነኽ ደቡብ 33 ኪ.ሜ...

ኣብ ቅድስት ሃገር እስራኤል ዓመታዊ በዓል ብድምቀት ተኸቢሩ!

ቀዳም 23 ጥር 2012 ዓ.ም. (01/02/2020 ዓ.ም.ፈ.) ኣብ ቅድስት ሃገር እስራኤል ዓመታዊ ክብረ በዓል ዕረፍታ ናይ ቅድስት ድንግል ማርያም ከምኡ...

  

latest articles

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...

Fast of the Prophets (Advent)

15th November (geez calander), marks the first day of the Advent Fast, a period of abstinence and penance practiced by...

FASTING

Fasting is abstinence from all things that a body needs, and one has to fast from animal products and from...

The Eritrean Orthodox Tewahdo Church (EriOTC)

In the name of the Father, and of the Son, and of the Holy Spirit, One God. “We call our...

Holy of Holies Our Lady, the virgin Mary

The word holy (kidus) in Geez denotes being special, pure and esteemed. This prefix is an attribute to denote the...

HOLY SCRIPTURES (part one)

All Scriptures are written with the inspiration of the Spirit of God or the breath of God. They are also...