‘ምክዕቢተ ፍሥሐ’ ኣብ ቅድስት ኣርሴማ ቤተ ክርስቲያን ዓዲ ሓውሻ!

Oct 12, 2019

ዕለት 29 መስከረም 2012 ዓ.ም. ድርብ ሓጐስ ዝተኣንገደትላ ዕለት እያ። ዓመታዊ ክብረ በዓል ሰማዕት ቅድስት ኣርሴማ ብጸሎተ ሰዓታትን ስብሐተ ማኅሌትን ጸሎተ ቅዳሴን ዑደተ ታቦትን ክኽበር ከሎ ብተወሳኺ ድማ በዚ ዕለት እዚ ኣብቲ ቦታ ‘ደብረ ደናግል ቅድስት ኣርሴማ’ ከም ዝተገደመ ተኣዊጁ።

ሊቃውንት መዘመራን፡ ንስብሐተ ዋዜማ ካብ ሰዓት 2፡00 ድ.ቀ. - 5፡30 ድ.ቀ. ምስ ኣብጽሑ፡ ብሰባክያነ ወንጌል ንገድለ ቅድስት ኣርሴማ መሠረት ዝገበረ ስብከተ ወንጌል ክሳዕ ሰዓት 9፡00 ድ.ቀ. ተኻዪዱ። 
ካብ ዝተፈላለየ ገዳማት ዝመጹ መነኮሳት ዝመርሕዎ ጸሎተ ሰዓታት ብምዑዝ ዜማን ህዱእ ኣገባብን ስለ ሕዝብን ሃገርን ኵሉ ዓለምን በጺሑ።

 ሊቃውንት መዘመራን ድማ ብወገኖም ካብ ፍርቂ ለይቲ ጀሚሮም፡ ነቲ በዓል ዝምልከት ስብሐተ ማኅሌትን ንባባት ቅዱሳት መጻሕፍትን ክሳዕ ሰዓት 6፡00 ቅ.ቀ. ከብጽሑ ኃዲሮም።
ማእሠርያ ጸሎት ዝኾነ ጸሎተ ኪዳን ብመሪሕነት ብፁዕ ኣቡነ ሉቃስ ዋና ጸሓፊ ቅዱስ ሲኖዶስ፣ ብፁዕ ኣቡነ ባስልዮስ ዋና ኣመኃዳሪ መንበረ ፓርትያርክን ጳጳስ ሀገረ ስብከት ዓንሰባን ምስ በጽሐ ‘ጸሎተ ንስሐ’ ተደጊሙ።

ብብፁዓን ጳጳሳት ዝተመርሐ ጸሎተ ቅዳሴ ክሳዕ ሰዓት 8፡30 ቅ.ቀ. ተሠሪዑ፡ ታቦት ሠለስተ ጊዜ ብማኅሌት መዘምራን፡ ብመዝሙር መንእሰያት፡ ብምህላ ኣቦታትን ኣደታትን እናተዓጀበ ኣብ ቀጽሪ ቅድስት ኣርሴማ ቤተ ክርስቲያን ዘይሩ ኣብ ዓውደ ምሕረት ምስ ቆመ፡ ሊቃውንት መዘምራን ንነፍሲ ዝምስጥ ወረብ ኣቕሪቦም። ቀጺሎም ነቲ በዓልን ህልው ኵነታትን ዝምልከት ቃለ እግዚአብሔር ብመምህር ክነፈ ርግብ ማርቆስ ተዋሂቡ።

 ኣመኃዳሪ’ቲ ቤተ ክርስቲያን ቀሲስ ሚካኤል በየነ ‘እንቋዕ ኣብጽሓና’ ድኅሪ ምባል ብስም ቅድስት ኣርሴማ ደብረ ደናግል ክግደም ብድሌት ዓድን ብፍቓድ ሲኖዶስን ከም ዝተወሰነ ገሊጾም። ዝተኃልፈ መሥርሕን ዝተገብረ መጽናዕትን ክገልጽ ከሎ ቀሲስ ሚካኤል፦ ‘ኣብ ቀጽሪ ቤተ ክርስቲያንን ከባቢኡን ዝርከብ ክፋል መሬት ብስም ደብረ ደናግል ቅድስት ኣርሴማ ክግደም ብናይ ዓዲ ሓውሻ ሰበኻ ጉባኤን ምምኅዳር ዓድን ሕዝብን ብዝቐረበ ሕቶ መሠረት ልኡኻት ቤት ጽሕፈት መንበረ ፓትርያርክ ብዕለት 12 መስከረም 2012 ምስ ኣነባበርቲ ዓድን ሕዝብን ተራኺቦም እወታዊ ግብረ መልሲ ኂዞም ጸብጻቦም ምስ ኣቕረቡ ብቅዱስ ሲኖዶስ ተፈቒዱ ኣሎ።” ኢሎም።

ቀጺሎም ብፁዕ ኣቡነ ሉቃስ ንቅዱስ ሲኖዶስ ወኪሎም ኣብ ዘስምዕዎ ቃል፡ “ ድኅሪ ዝተገብረ መጽናዕቲ ቅዱስ ሲኖዶስ ብዕለት 28 መስከረም 2012 ዓ.ም. ኣብ ዝገበሮ ጉባኤ ብዛዕባዚ ጉዳይ እዚ ኣስፊሑ ምስ ተዘራረበሉ ብስም “ገዳም ደብረ ደናግል ቅድስት ኣርሴማ” ኪግደም ዝወሰነ ምዃኑ ነበሥረኩም። ኣብዚ ቀጽሪ ደኲነን ዘለዋ መነኮሳይያት ገዳም ክሓንፃ ቅዱስ ሲኖዶስ ፈቒዱለን ስለዘሎ ገበርቲ ሠናይን ሕዝበ ክርስቲያንን ከምኡ’ውን ሕዝቢ ዓዲ ሓውሻ ዓቅሞም ዝፈቐዶ ክተተሓጋገዝወን ሓደራ ንብል። እዚ ዝቐውም ገዳም ንዓድን ንሕዝብን ዓዲ ሓውሻ ከምኡ’ውን ንመላእ ሕዝበ ክርስቲያን ዓቢይ በረኸት እዩ” ኢሎም። ነዚ ዓቢይ ብሥራት ምስ ተኣወጀ ኣቦታት ብጣቕዒት፡ ኣደታት ድማ ብዕልልታ ሓጐሶም ገሊጾም።

 ኣብ መወዳእታ፡ ብመሪሕነት ብፁዓን ኣቦታት እግዚኦታ ምስ በጽሐ ታቦት ብዓቢይ ክብሪ ናብ ቦታኡ ተመሊሱ።

እዚ ዝተገደመ ደብረ ደናግል ቅድስት ኣርሴማ፡ ኣብ ዞባ ማእከል ንኡስ ዞባ ጋላ ነፍሒ ኣብ ዓዲ ሓውሻ ዝርከብ እዩ።

እዚ ቦታ’ዚ ካብ ጥንቲ ቅድስናን በረኸትን ቅዱሳን ዘይተፈልዮ፡ ብዙኃት መናንያንን ባሕታውያን ድምፂ ኣራዊትን ጸብኢ ኣጋንንትን ተዓጊሦም ዝጽልይሉ ዝነበሩ በዓትታትን ናታቶም ኣዕጽምትን ክሳዕ ሎሚ ዘለዎ ቅዱስ ቦታ እዩ።

እንሆ ድማ ሎሚ ፈቃደ እግዚአብሔር ኮይኑ ብምንኩስና ጸኒዐን ብጸሎት ተወሲነን ኣብ ዕዮ ወንጌል ዝነጥፋ ደቀ ኣንስትዮ ዝቕመጣሉ ኣብ ኤርትራ ኦርቶዶክስ ተዋሕዶ ቤተ ክርስቲያን ካልኣይ ገዳም ደቀ ኣንስትዮ ክኸውን ክኢሉ ኣሎ። 

ብዕለት 13 ጥቅምት 2010 ዓ.ም. ቀዳማይ ደብረ ደናግል ቅድስት ድምያና (ገዛ ባንዳ ኣሥመራ) ከም ዝተገደመ ዝፍለጥ ኮይኑ ክሳዕ ሕጂ ዓቢይ መንፈሳዊ ኣበርክቶ ይገብር ምህላዉ ኵሉ ዝምስክሮ እዩ።

ዘመነ ዮሐንስ 24 መጋቢት 2012 ዓ.…

April
Thursday
2
ዝክር፦ አባ መቃርስ ሊቀ ጳጳሳት፡ ወአፈድፈዱ ምክረ ላዕለ እግዚእነ። ዘቅዳሴ ምንባብ፦ ገላ. 4፡12-20 1ይ ጴጥ. 1፡21-ፍጻሜ ግብ. ሐዋ. 5፡12-16 ምስባክ፦ መዝ. 81/82 ወንጌል፦ ማቴ. 26፡1-5 ቅዳሴ፦ ዘ፫፻ት ግሩም።         *   *   *
 - 23:00 h
Ad Right

ዜና ኅትመት

እዋናዊ ጽሑፋት

“ መድኃኔ ዓለም ”

  እግዚአብሔር አምላኽ ቅድሚ ኵሉ ዝነበረ’ዩ። ሰማያት ከይተዘርግሑ፡ ገጹ መሬት ከይተራእየ፡ ጐቦታት ከይቆሙ፡ ቀላያት ከይዓመቑን ወሓይዝ ከይወሓዙን ንሱ ብባህሪኡ ዝነበረ እዩ።...

7ይ ሰንበት ዓቢይ ጾም፡ ‘ኒቆዲሞስ’

  ኣብ ዓቢይ ጾም ካብ ዘለዋ ሸሞንተ ሰናብቲ፡ እታ ሻብዓይቲ ሰንበት ‘ኒቆዲሞስ’ ትብሃል። ኣብዛ ዕለት’ዚኣ ዚዝመርን ዚንበብን ዚወሃብ ትምህርትን ብዛዕባ ኒቆዲሞስ...

“ወእንዘ የሐውሩ ነጽሑ/ እናኸዱ ሓወዩ” ሉቃ. 17፡15

ጐይታናን አምላኽናን መድኃኒናን ኢየሱስ ክርስቶስ፡ ኣብ መዋዕለ ስብከቱ ናብ ኢየሩሳሌም ክኸይድ ከሎ ብማእከል ሰማርያን ገሊላን ኃሊፉ፡ ናብ ሓንቲ ከተማ ኣተወ።...

በቴርጌላ ማርያም - ካብ ተላባዒ ሕማም ዝደኃነ ብጸሎት ማርያም!

ናይ እግዚአብሔር ምሕረት ናይ ኣዴና ቅድስት ድንግል ማርያም ጸሎት ምስ ኵልና ይኹን እሞ ኣብ መጽሐፈ ተአምረ ማርያም ካብ ዝሰፈሩ ተአምራት...

በቴርጌላ ማርያም - ካብ ተላባዒ ሕማም ዝደኃነ ብጸሎት ማርያም!

ናይ እግዚአብሔር ምሕረት ናይ ኣዴና ቅድስት ድንግል ማርያም ጸሎት ምስ ኵልና ይኹን እሞ ኣብ መጽሐፈ ተአምረ ማርያም ካብ ዝሰፈሩ ተአምራት...

መግለጺ ቅዱስ ሲኖዶስ

ቅዱስ ሲኖዶስ ብምኽንያት ሕማም ኮረና ቫይረስ ሓዲሽ መግለጺ ኣውጺዑ!

6ይ ሰንበት፡ ‘ገብርኄር’

  ሻዱሻይ ሰንበት ዓቢይ ጾም “ገብርኄር” ትበሃል። እዛ ሰንበት እዚኣ ‘ገብርኄር’ ዝተሰምየት፡ ማኅሌታይ ቅዱስ ያሬድ ኣብ ዝደረሶ ጾመ ድጓ፡ ብዛዕባ ቅኑዓት...

ገብር ኄር

  ኣብ ዓቢይ ጾም ኣብ ዝርከቡ ሸሞንተ ሰናብቲ እታ ሻድሸይቲ ሰንበትን ምስኣ ዘላ ሰሙን ገብርኄር ተባሂላ ትፍለጥ። ጐይታ ሠራዊት እግዚአብሔር ነዛ...

ገዳም ደብረ ጽጌ ወደብረ ድኁኃን አቡነ ዮናስ

ሀሎ አሐዱ ብእሲ በአሐቲ ሀገር እንተ ስማ ቡር ሀገረ መስቀል ዘስሙ ንዋየ እግዚእ ወስመ ብእሲቱ ኂሩተ ማርያም / ኣብ ‘ቡር...

ንግደት ኢየሩሳሌም ኣብ በዓለ ፋሲካ 2012 ዓ.ም.ግ. (2020 ዓ.ም.) ንዘይተወሰነ…

ብመሪሕነት ቅዱስ ሲኖዶስን ብማእከልነት ቤት ጽሕፈት መንበረ ፓትርያርክን ኦርቶዶክስ ተዋሕዶ ቤተ ክርስቲያን ኤርትራ ተማእኪሉ ዝካየድ ንግደት ናብ ሀገረ ቅድስት ኢየሩሳሌም፡...

ደብረ ዘይት - ነገረ ምጽአተ ክርስቶስን ኅልፈተ ዓለምን

ኣብ ዓመት ብዛዕባ ዳግማይ ምጽኣት ጐይታናን ኣምላኽናን መድኃኒናን ኢየሱስ ክርስቶስ ከምኡ’ውን ኅልፈተ ዓለም ብፍሉይ እንዝክረሉ ሠለስተ ጊዜያት ኣለዉ። እቲ ሓደ...

“ወዝንቱ ዘመድ ኢይወፅእ ዘእንበለ በጾም ወበጸሎት። /እዚ ከምዚ ዝበለ ብዘይ…

 ዘለናዮ ቅንያት፡ ናይ ጐይታናን አምላኽናን መድኃኒናን ኢየሱስ ክርስቶስ ጾም ኣብነት ብምግባር፡ ፈቃደ ሥጋና ብፈቃደ ነፍስና ኣግዚእና፡ ካብ አኃዜ ኵሉ ወብዙኀ...

  

latest articles

Tsinset (Annunciation – Feast of Incarnation)

In accordance with the cannon of the Church, one of the nine major feast days of Our Lord. it Tsinset (Annunciation...

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...

Fast of the Prophets (Advent)

15th November (geez calander), marks the first day of the Advent Fast, a period of abstinence and penance practiced by...

FASTING

Fasting is abstinence from all things that a body needs, and one has to fast from animal products and from...

The Eritrean Orthodox Tewahdo Church (EriOTC)

In the name of the Father, and of the Son, and of the Holy Spirit, One God. “We call our...

Holy of Holies Our Lady, the virgin Mary

The word holy (kidus) in Geez denotes being special, pure and esteemed. This prefix is an attribute to denote the...