ምቋም ቤተ መዘክር ቤተ ክርስቲያን ዝምልከት መጽናዕታዊ ጽሑፍ ቀሪቡ!

Oct 12, 2019

ምቋም ቤተ መዘክር ቤተ ክርስቲያን ዝምልከት መጽናዕታዊ ጽሑፍ ቀሪቡ!

22 መስ 2012 ዓ.ም.ግ (3 ጥቅ 2019) ምስ ህልዊ ዓቕሚ ቤተ ክርስቲያን ዝተዛመደ ምቋም ቤተ መዘክር (ሙዚየም) ቤተ ክርስቲያን ዝምልከት መጽናዕታዊ ጽሑፍ፡ ዓቃቤ መንበር ብጹእ ኣቡነ ጴጥሮስ፡ ወከልቲ ቅዱስ ሲኖዶስ ብፁኣን ጳጳሳትን ሓለፍቲ ቤት ጽሕፈት መንበረ ፓትርያርክን ኣብ ዝተረኽሉ ብሰብ ሞያ ደቂ ቤተ ክራስቲያን ኣብ ቤት ጽሕፈት ቅዱስ ሲኖዶስ ቀሪቡ።

እዚ ክልተ ኣርእስታት ሒዙ ብሥዕሊ ተሰንዩ ዝቐረበ መጽናዕታዊ ጽሑፍ፣ ብቀዳምነት ኣብ ምስፋሕ ኣፍልጦን መሠረታዊ ትርጉምን ቤተ መዘክር (ሙዚየም) ዘድሃበን፣ ዓለም ለኻዊን ሞያዊን ደረጃታትን ዓይነታትን ስነዳን ዕቃበ ቅርስን ከምኡ’ውን ኣገዳስነቱን ኣገባቡን፣ ኣብ ዝብሉ ኣርእስታት ዝዝተየ ኮይኑ፣ እቲ ካልኣይ ክፋል ከኣ ብደረጃ ቤት ጽሕፈት መንበረ ፓትርያርክ ንኡስ ዝመጠኑ ቤተ መዘክር ንምቋም ኣብ ዘሎ ተኽእሎታት ግብራዊ መጽናዕቲ ዝቐረበሉ እዩ ነይሩ።


ጥንታውያን ገዳማትን ኣድባራትን ኤርትራ ንዘመናት ዝተዓቀበ ታሪኽን ቅርስን ይሃልወን እምበር፣ ብሓፈሻ ኣብ ሕዝቢ ብፍላይ ከኣ ኣብዚ ሓድሽ ወለዶ ዘሎ ኣፍልጦ ትሑት ምዃኑ ብሰፊሑ ተዘሪቡሉ። ኣብ ሕገ ቤተ ክርስቲያን ኣንቀጽ 38ን 46ን ኣገዳስነት ምድብታርን ምዕቃብን ቅርሲ ብንጹር ተጠቒሱ እኳ እንተሎ፣ ከምቲ ዝግብኦ ከምዘይተሰርሓሉ ተሓቢሩ።

ታሪኽን ቅርስን ቤተ ክርስቲያን ኣብ ህንጸት መንነት ቤተ ክርስቲያንን ሃገርን፣ ኣብ ምዕቃብ ሃይማኖትን ትውፊትን፣ ኣብ ምቅብባል ውርሻታትን … ወዘተ ዘለዎ ግደ ዓቢይ ብምዃኑ፣ ኣብ ህልዋንን ዝጠፍኡን ገዳማት ኤርትራ ማእከል ዝገበረ ኣፍልጦ ካብ ምብራኽ ጀሚሩ በብደረጅኡ ኣብ ዝርከቡ ኵሎም ዝምልከቶም ኣካላት ሰፊሕ ስራሕ ክስራሕ ከምዝግባእ ተገሊጹ።

ብመንጽር’ዚ ከኣ ቅድስት ቤተ ክርስቲያን ምስቲ ዘለዋ ኣዝዩ ጥንታዊ ታሪኽን፣ ብዝኂ ቅርስን ውርሻታትን ዝመጣጠን ማእከላዊ ቤተ መዘክር ዛጊት ከምዘይብላ ብምጥቃስ፣ መርኣያን መበገሲን ዝኾነ ቤተ መዘክር ምቋም ጊዜኡ ምዃኑ ተነጺሩ።

ዘሕብን ታሪኽን ቅርስታትን ኣብ ከርስና ሓቍፍና ክነስና ኣብ ስነዳን ኣተዓቃቅባን ቅርስታትና ግና ብመንጽር ተሞክሮ ገለ ኣኃት ኣብያተ ክርስቲያናትን ቅዱሳት መካናት ሃገር ቅድስት ኢየሩሳሌምን፣ ብዙኅ ከምዘይተሰርሐ ብምዝክኻር እዚ ወለዶ’ዚ ኣብ ምዕቃብ ታሪኹን ውርሻ ቅዱሳን ኣቦታቱ ብዙኅ ዕዮ ገዛ ከምዝጽበዮ ብፁኣን ኣቦታት ለበዋኦምን ማዕዶኦምን ኣቕሪቦም። ብዘይካ ገዳማትናን ኣድባራትናን ኣብ ውሽጢ ይኹን ኣብ ወጻኢ ዝርከቡ ስዩማን ኣገልገልትን ሕዝበ ክርስቲያንን ከኣ መንነትና ብምዃኖም ኣብ ምዕቃብ ታሪኾምን ቅርስታቶም ከም ቀደሞም ጥንቁቓትን ንቝሓትን ክኾኑ ከምዝግባእ ብምዝክኻር ብገለ ገዳማትን ሰበኻታት ኣብያተ ክርስቲያናት ሃገርና ክግበር ዝጸንሐ ቤተ መዘክር ኣቝምካ ናይ ምዕቃብ መባእታዊ ጻዕሪ’ውን ክተባባዕን ክምጐስን ይግባእ ኢሎም።

ኣብ’ቲ ዝቐረበ መጽናዕቲ መሠረት ብምግባር ከኣ ኣብ ዕቃበ ንዋያተ ቅዱሳት፣ ቅዱሳት መጻሕፍትን ብራናታትን፣ ኣልባሳት፣ ታሪኽ ገዳማት፣ ታሪኽ ቅዱሳን አበው ኤርትራ፣ …. ኣብ ዝብሉ ኣርእስቲ ዝተኸፋፈለ ሓደ ንኡስ ቤተ መዘክር ንምቋም ኣብ ምርድዳእ ተበጺሑ። ኣጋይሽ በጻሕቲ ጥራይ ዘይኮነስ ተምሃሮ ትምህርቲ ሰንበትን እዚ ሓድሽ ወለዶ ቤተ ክርስቲያንን ምስ ታሪኽን ውርሻን ዝቐደሙ ኣበው ወእማት ዝዛመደሉን ዝመሃረሉን ባይታ ኮይኑ ከገልግል ከኣ ኣድላዪ ባይታ ክፍጠረሉ ከምዝግባእ ተገምጊሙ።

ዘመነ ዮሐንስ፦ 1 ታኅሣሥ 2012 ዓ.ም…

December
Wednesday
11
ዝክር፦ ኤልያስ፡ ወናቡቴ፡ ወአባ ጴጥሮስ፡ ወአባ ዮሐንስ፡ ወአትናቴዎስ፡ ወያዕቆብ፡ ወጴጥሮስ፡ ወኤልያስ መነኮስ፡ ወቤርሳቤኅ። ዘቅዳሴ ምንባብ፦ ሮሜ 11፡1-12። ያዕ. 5፡12-ፍጻሜ። ግብ. ሐዋ. 3፡19-ፍጻሜ። ምስባክ፦ መዝ. 104/105። ወንጌል፦ ሉቃ. 4፡24-32። ቅዳሴ፦ ዘእግዝእትነ ማርያም። * * *
00:00 h

  

ዜና ኅትመት

እዋናዊ ጽሑፋት

አሥርቆት ዘወርኀ ዘታኅሣሥ

ዮም ሠረቀ ለነ ወርኀ ቡሩክ ታኅሣሥ ያብጽሐነ እስከ ወርኀ ጥር በሰላመ እግዚአብሔር! ወርኀ ታኅሣሥ ቡሩክ መዓልቱ ፱ ወእምዝ ይትዌሰክ። ሎሚ ቡሩኽ...

ገዳማት ደብረ ምዕዋን ወደብረ ኰዳዱ ኣቡነ ብፁዐ ኣምላክ !

ያፍቅረነ እግዚእን ዘመደ ማርያምን ዝበሃሉ ፍቅረ እግዚአብሔር ዘለዎም ብሃይማኖት ጽኑዓትን ብሥነ ምግባር ትጉሃትን ሰብ ኃዳር ነበሩ። ወትሩ ብጸሎት ንቑሓት ስለዝነበሩ፡...

ይትዔገሥ ከመ ዘኢየአምር

 ከም ዘይፈልጥ ይዕገሥ!” (ቅዳሴ ሠለስቱ ምእት ቍ. 59-60) እግዚአብሔር፡ ብባህሪኡ ከሀሌ ኵሉ፡ ማእምረ ኵሉ፡ ምሉእ በኵለሄ እዩ። “አኃዜ ዓለም በእራኁ ኵሉ እኁዝ...

“ቤት ኣምላኽና ከቶ ኣይንኃድግን ኢና” ነህ. 10፡39

ተረፈ ምርኮን ካብ ምርኮ ዝተመልሱን እስራኤላውያን ብመሪሕነት ካህን ዕዝራን ነህምያን ኃይለ እግዚአብሔር ተዓጢቆም፡ ዝፈረሰ ቤተ መቅደስን፡ ዝዓነወ ቐጽሪ ኢየሩሳሌምን መቓብር...

ቅዱስ ጴጥሮስ ተፍጻሜተ ሰማዕት

ቅዱስ ጴጥሮስ ተፍጻሜተ ሰማዕት ካብቶም ፍርሃት እግዚአብሔር ዝነበሮም፡ውላድ ግና ዘይነበሮም ሊቀ ካህናት ቴዎድሮስን ቅድስት ሶፍያን ኣብ ሃገረ ግብጽ ተወሊዱ። ኣብ በዓል...

ሊቀ መዘምራን ሞገስ ዕቁበ ጊዮርጊስ

“ሊቀ መዘምራን፡ መልኣከ ገነት፡ ደራስን ተመራማርን፡ ኣቦ ሰላም፡ . . . ብዝብል ቅጽል ስም ዝፍለጡ ሓበን ኦርቶዶክስ ተዋሕዶ ቤተ ክርስቲያን...

ኦርቶዶክስ ተዋሕዶ ቤተ ክርስቲያን ኤርትራ፡ ኣብ ጉባኤ ማኅበር ኣብያተ ክርስቲያናት…

ካብ 22-26 ታኅሣሥ 2012 ዓ.ም. (2-6/12/2019 ዓ.ም.ፈ) ኣብ ሃገረ ኬንያ ከተማ ናይሮቢ ዝተቓንዐ ጉባኤ ማኅበር ኣብያተ ክርስቲያናት መላእ ኣፍሪቃ (ALL...

ሥልጠና ተሓጋገዝቲ ሰበኽቲ ወንጌል ተዋሂቡ!

ካብ 15-23 ኅዳር 2012 ዓ.ም. ኣብ ታሪኽ ቤተ ክርስቲያንን ሜላ ስብከተ ወንጌልን ዘተኮረ ሥልጠና  {tip title="ተሓጋገዝቲ ሰበኽቲ ወንጌል" content=""}ንተሓጋገዝቲ ሰበኽቲ...

ብፁዕ ኣቡነ ዮሓንስ ኣብ ንኡስ ሃገረ ስብከት ዓዲ ፈለስቲ ሰፍኣ…

ብዕለት 20 - 21 ኅዳር 2012 ዓ.ም.ግ. ብፁዕ ኣቡነ ዮሓንስ ሊቀ ጳጳስ ኣህጉረ ስብከታት ጋሽ ባርካን ድባርዋን ከባቢኣን ናብታ ካብ...

“ሰማዕት ቅዱስ ፒሉፓዴር መርቆሬዎስ”

ፒሉፓዴር ማለት ፈታዊ ኣቦ ማለት እዩ፡ ብኻልኣይ ትርጕሙ ከኣ ኣገልጋሊ ኢየሱስ ክርስቶስ ከምኡ’ውን መርቆሬዎስ ማለት እዩ። ስመ ክርስትና ናይ ኣቦኡ...

ዕሥራን ኣርባዕተን ካህናተ ሰማይ

ብርግጽ ኣብ ዙርያ ዝፋን ጐይታ ዚቖሙን ዘመስግኑን ክቝጸሩ ዘይከኣሉ ኣእላፈ ኣእላፋት ሠራዊተ መላእክት ከምዘለዉ በዓል ራእይ ነቢይ ዳንኤል(ዳን. 7፡10) ደኣ...

እምነ ሰሎሜ

ወለዲ እዛ ቅድስቲ ኣደ እዚኣ ኣቦኣ ሕይወትብነ፡ ኣዲኣ ከኣ እምባመሪና ይበሃሉ። እዞም ቅዱሳን ሰብ ቃል ኪዳን ውላድ ብምስኣኖም ብጸሎት ንእግዚኣብሔር...

  

latest articles

Fast of the Prophets (Advent)

15th November (geez calander), marks the first day of the Advent Fast, a period of abstinence and penance practiced by...

FASTING

Fasting is abstinence from all things that a body needs, and one has to fast from animal products and from...

The Eritrean Orthodox Tewahdo Church (EriOTC)

In the name of the Father, and of the Son, and of the Holy Spirit, One God. “We call our...

Holy of Holies Our Lady, the virgin Mary

The word holy (kidus) in Geez denotes being special, pure and esteemed. This prefix is an attribute to denote the...

HOLY SCRIPTURES (part one)

All Scriptures are written with the inspiration of the Spirit of God or the breath of God. They are also...

EXISTENCE OF GOD

The name God signifies the Divine Being, meaning He who created the world and governs it. There is one invisible...